Ivoso 4:26 - Seysyo No Tao

²⁶ No si meyoyaoya kamo am ji kamo na to meyraraten. Taosya o kato nyo pasdepan so araw a meyoyaoya.

Ivoso 4:26 Referans Kwoze

Yake 1:19

Manga kakteh, no mangamizing kamo so ciring no tao am taosya o kato nyo maciogtwan do ciring da jinyo. Ji kamo to meyoyaoya.

Matay 5:22

Am ko ipanci jinyo am o macioya do akma ney kakteh do cinai am raraten na rana ori. Omavay so akma ney kakteh do cinai a abo so angangayan a tao am to rana angayan o akman sang a tao do pacicicyan. O mapasagsagpyan so akma ney kakteh do cinai am mangay do makotokotod a lila no apoy.

Make 3:5

Marahet o matamata na ni Yeso a tomita so aro a tao. Am ikeyngen na sira no onowned. Ta akman sira so veysen so onowned so kacigcigzang. Maniring rana si Yeso do meykazakazain so lima tao am, “Zanet pala o lima mo.” Zaneten na am todapya rana.

Make 10:14

Macita na sira ni Yeso o macinanao jya omza sira am maoya o aktokto na. Maniring jira am, “Pancyan kamo sira o kanakan a mai jyaken. Ji nyo ngaza sira, ta o italamozong na ni Ama ta do to a tao am akman sira so kanakan eya.

Yake 1:20

No meyoyaoya o tao am ji na rana tenngi a peyvazain o apya vazay a isaray na ni Ama ta do to.