Ivoso 4:22 - Seysyo No Tao

²² karwan nyo na o adan a nakenakem nyo a yamngingit jinyo do peyraratenan nyo.

Ivoso 4:22 Referans Kwoze

Loma 6:6

Tamo na katenngan o adan ta onowned a yarana akmey nimacizanod ji Kizisto a nipadket do jyojika. So ikanoyong ta na a nikomaro rana do raraten ta. So ikabo na rana no oyowyat no raraten a tomalamozong nyaten.

Sipolay 12:1

So yada ikatey yaro no tao a ta rana nimacita so kakdekdeng a meyhanhan ni Ama ta do to no kakwa. Am ori an o akasan ta na so makakaday a ikasengseng jyaten a kano raraten ta yakmey omvaod jyaten a kowyat ta so onowned a akman so malayo a ji macimaza do palaywan na angayan.

Yake 1:21

Am ori an, vonasan nyo so marahet a nakenakem nyo a kano marahet a icicirawat nyo a omonot ji Ama ta do to a omahap so ciriciring na a na akmey nipamowa do onowned nyo a mapatazadang jinyo do teyngato.

Sipolay 3:13

Mangday kamo do araraw a amvavaga do kadwan jinyo do yanyo ikavyay pa ya. Ta kalittan o tatasa jinyo a to nazibo ni Ama ta do to.

Tito 3:3

Yaten rana no kakwa pa am abwata o katatenngan ta a ji mangamizing a akmey mavozaw pa so aktokto a to mangozangozay do onowned ta a makza no meycyamadadayan do karawan. So ikanoyong ta amyan pa do peyraratenan ta kano panginanehtan ta kano pasikaokaoyyan ta.

Ivoso 4:25

Am ori o ji nyo na mangononongi so malas. O manoyong a ciring o patwawen nyo do akma nyoy kakteh do cinai, ta tamo mamimin a akma ney peyvongvongwan no kataotao ni Kizisto.

1 Pite 4:3

Teywara o mina raraten nyo no kakwa. Ta meyyangay kamo pa so vazay a kano ji raralay ni Ama ta do to a tao a to meyvozaw a mapasagpyan so aktokto nyo a masakisakin, manaralay so malas a tao do to nyo, pacyangayan no makakaday a raraten nyo.

Ivoso 4:17

Ko pangozayan o ngaran ni Yeso Kizisto a Panirsirngen ta a yamvavaga jinyo. Ji nyo nginara o icicirawat da no yaji manaralay a tao, ta o nakenakem da nira am yabo na peypeypangayan.

2 Pite 2:13

do kalas no vazay da do icyatatao da. O abneken da ney yapya na vazay am azwain da o kataotao da, abo so ji peyveyvazaya do maraw. So nyo ikanoyong a yamacikatamwad jira do da kapacizavoz jinyo. Ta sira rana am da isaray da kapanlita so tao.

1 Pite 1:18

Naknakmen nyo o kaji na nitombosan jinyo ni Ama ta do to no monganay jinyo a ovay, do nyamoon nyo a malas a icicirawat no ineynapo nyo no kakwa.

Kelosi 2:11

So na rana iyan no yongkad nyo a yamonganay ji Ama ta do to a tao, do nyo kapacikaop ji Kizisto. Am o yongkad rana am beken a monganay do kataotao. Ta yamonganay ori ji Kizisto, do na kaniomyavayo so onowned nyo.

Ivoso 2:3

No kakwa am akman tamo sira a to mangozangozay do nakenakem da. Am ori o ikanoyong ta meyraraten a tao a pasingsingtan na ni Ama ta do to no makwa.

2 Pite 2:7

Nivyay na o meyngaran so Lote, do kapya no onowned na. Iya rana am ikarahet na no onowned sira o meyraraten a tao.

Cyalatay 1:13

Nyo katenngan o iwawalam ko no kapacibedbed ko pa do anodan namen a tao do Yotay. Ta tey makdeng ko a mapakakasi so amraralay ni Yeso Kizisto a tao. Naknakmen ko o kawakwak ko sira.

Loma 7:11

Manoyong ko kakmey mavota no raraten. Am ori o ko nipasobnan do iwawalam na ni Moyse. So ikanoyong ko mangay do kararatan.

Yake 1:26

No myan so tao a mapakakdekdeng so nakem ji Ama ta do to a kaji na amzatan do ciring na am alalasan na o kataotao na. So ikabo no peypeypangayan na no kararalay na ni Ama ta do to.

2 Kedinto 11:3

Am yako ikanyahey o kapeyparahet no onowned nyo a todahamang rana ji Yeso Kizisto, akman si Iwa a nilittan no volay.

Ivoso 4:31

Ablisan nyo na o oyaoyyan nyo no kadwan jinyo. Ji nyo macizagzagi o icyatatao nyo a meyoyaoyan. Ji kamo na lololos a mangavay. Taosya rana o kapeyyan nyo sya do onowned nyo so pacioyyan nyo do tao.