Ivoso 4:14 - Seysyo No Tao

¹⁴ a ji rana akman so kanakan, akmey azda a kano pagpag a jyatenngi so pamnemnekan a to ngonongonot so nakem do mangalalas so ciring a tao.

Ivoso 4:14 Referans Kwoze

Sipolay 13:9

Taosya o kapeycyakawad na jinyo no makakaday a malas a nanao da no tao. Ta kapangozay nyo do pangangarilawan ni Ama ta do to a mapahadpet so onowned nyo. Ji nyo meyhanhanan o pamarmarngan da so kanen. Ta ji na sidong inyo a makahap so to meyyonong a ikavyay no pahad nyo.

1 Kedinto 14:20

So ipeypakatkat nyo, manga kakteh so pangtoktwan an. Akman kamo so mina tazak a tao a ji nakenakem so raraten.

1 Yowani 4:1

Inyo rana manga keypong am ji nyo to peyzangkapa sira anoyngan o manci no keyyan na jira no Seyzi. Ta ileylamdamen nyo o kanoyong na, kalas na no ipanci da Seyzi a apo ji Ama ta do to. Ta yaro sira o yamangalalas no nanao da a tao.

2 Kedinto 2:17

Namen jyakman so aro a tao a yamacininizpi no nanao ni Ama ta do to. Ta namen meyngongyod a nipamnekan ni Ama ta do to a yameylimwang no ciriciring na. So namen ikanoyong a yaji mangalalas so ciring a lamlamsoy na ni Kizisto.

Yake 1:6

Am no meynozi kamo am to kamo ngotokot so onowned an. Ta o ji ngotokot so nakem a tao am akman so azda a ji meyhanahanang a pavyovyoten no pagpag.

Ivoso 6:11

Ahapen nyo o akma nyoy voovoo a na nitoro ni Ama ta do to, ta ori o ipakaharag nyo si Satan no mangay na littan inyo.

Matay 24:24

Ta amyan so tao no makwa a manci no ka si Kizisto da tao a kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da so tao. So icyakman da so sang a mapeycyakawad so nipamnekan na ni Ama ta do to a yamraralay nya tao.

2 Timotay 4:3

Ta yamyan so araraw na no ji da ngapi so manoyong a nanao a to ngonongonong do apyahen da no nakem a ji rana mingsan so amizngen da.

Yota 1:12

No kamo mamarimaring so kanen am nyo pacikatamwadan sira, do da kabo no panganyanigan. So da icyakman so cinalab a yana pavyoten no pagpag a ji na maciralai no cimoy. So da icyakman so kayo a ji malasi, akmey nimasapwat so yamot a to rana oto.

Ipaziman 19:20

So nirakpan da so omalalam a kapazanod da so nimeyvazay so mapangyangyalak a makahaw a tao a rakpen. O makahaw a tao am nimeyvazay ori so mapangyangyalak a vazay a ipeykawad na so yanan no ipatotodo no omalalam a kano niomraralay no kamamagenan na tao. Omalalam rana kano makahaw a tao am niwalit na sira do akman so awa so karakorako a lila no apoy.

Cyalatay 3:1

Inyo rana abwata so kapsepsekan a tao do Cyalatay am yamanoyong na kanidomket ni Yeso Kizisto do jyojika. Am sinosino yamapeykawaw jinyo. Manngwa, kamo mavota saon?

Matay 24:11

Meyparo sira o malas so ipangnanao a tao a mapeycyakawad so onowned no tao.

1 Yowani 2:26

O yadomket do teygami ko a ciring am yako ipaziman jinyo do kaji nyo ngamizngan so malas so ipangnanao a tao.

2 Timotay 3:13

Ta o meyraraten rana tao a kano mangnanao no malas a tao am meypeyparahet o vazay da. Ta alalasan da o tao am akman sang sira kalittan.

2 Kedinto 4:2

Namen ji ngapa o macimanig a vazay. Namen ji mangalalas. Namen ji palasa o ciriciring na ni Ama ta do to, ji powziba o nanao ni Ama ta do to. Ta ipacita namen do tao o icicirawat namen, do kanoyong namen a lamlamsoy na ni Ama ta do to.

Matay 11:7

Mangay rana sira o nitovoy ni Yowani am ipanci na ni Yeso o vazay na ni Yowani do aro a tao. Maniring jira am, “No kangay nyo no kakwa a komala si Yowani do kabwan no nihakawan no tao am sino dang mangay nyo amizngen. Manngwa, nyo ipanci si Yowani a todapliplin so onowned?

1 Kedinto 12:2

Naknakmen nyo pala no kaji nyo pa nganoyngan ji Yeso. Jyabo kaji na nitomalamozongan ninyo ni Satan a, do kanimraralay nyo no malas a iraralay nyo.

Nimlivolivon 23:21

Am ji mo ngonoci sira an, ta yamyan so kakapatan (40) a tao a yaomavat jya wakwaken. Ta o ciring da am, ‘No si ji ta wakwaka si Pawlo am ji ta mangakaday.’ Imo rana o da ahesen.”

1 Yowani 2:19

Sira rana omalalas ji Kizisto a tao am sya ji meyngongyod ori a omraralay ni Kizisto. Am ori o da rana ji macilovoci jyaten. O manoyong a omraralay ni Kizisto am macikaop sira jyaten. Am sya ji macikaop jyaten sicyaikwaya. Am ori o ta ipakateneng jira omalalas ji Kizisto.

2 Pite 2:18

Sira rana am sya mapatwaw so rako a ciring a tomirara so vayo pa niomtad no peyraratenan da tao.

Yake 3:4

Naknakmen nyo pala o avang. Tana yarako o kavavang na yana pavyovyoten no rako a pagpag do karakwan no awa am yalikey saon o savilak na yasomavilak sya do na angangayan.

1 Timotay 3:6

O tomalamozong no kyokay am taosya o kapahanhan so vayo pa omanoyong ji Yeso an. Ta ala mapakarakarang sira so nakenakem akman si Satan a nikaoya na ni Ama ta do to, do kapakakarakarang na so nakenakem.

2 Timotay 1:15

Mo katenngan rana, ta o tao rana do Yasiya pongso ya am sira mamimin a yajyakza nyaken. Yakman sang si Veykelo a kani Hemokenay a yajyakza nyaken.

1 Kedinto 3:19

Ta o ipanci no tao do karawan a mateneng am ipanci na ni Ama ta do to a jyateneng a tao. Akman so ciring do Seysyo. Maniring am, “O mateneng a tao am kalittan sira no teneng da kaji na mangononongan no vazay da.”