Ivoso 3:17 - Seysyo No Tao

¹⁷ Ori o ipakateneng nyo ji Kizisto a manoyong rana a yamacikaop jinyo a yatomalamozong ninyo. Ko ipeynozi inyo a mapayamot so pangangarilawan na do onowned nyo.

Ivoso 3:17 Referans Kwoze

Kelosi 2:7

Payamoten nyo o nanao na ni Yeso Kizisto do onowned nyo a kapeypahagnat nyo na so nakenakem jya. So sarayan nyo nya ji Ama ta do to.

1 Yowani 4:16

Tamo anoyngan na karilaw nyaten ni Ama ta do to. Ta si Ama ta do to am yapwan no pangangarilawan. O yanan no pangangarilawan ni Ama ta do to a tao am macikaop ji Ama ta do to. So icyakman na sang ni Ama ta do to a macikaop jya.

Yowani 14:23

Maniring si Yeso am, “O maglaw nyaken am pangononongan da o nanao ko. Ta ori o karilawan na nira ni Ama. So ipacikaop namen si Ama jira.

Cyalatay 2:20

Am ori an, ikabeken a yaken rana no yamavyay sicyaikwaya. Ta si Kizisto rana o yamavyay do onowned ko. O yako ikavyay sicyaikwaya am yako ipeyhanhan o Anak na ni Ama ta do to. Na nikarilaw yaken a na nyangay no inawan.

Loma 5:5

do kapeyhanhan ta ni Ama ta do to a mangononong do mina ciring na jyaten. Ta o Seyzi a nitoro na jyaten ni Ama ta do to am ori o yaomoyat do onowned ta a makateneng ta do pangangarilawan na ni Ama ta do to.

Ipaziman 3:20

Amizngen nyo yaken a meytatanek do pazezevngen nyo a mapaktoktow. No amyan so makamizing jyaken a keywang na do pazezevngen am somdep ko a kapacihanghang ko jya koman.

2 Kedinto 6:16

Ji nyo peyzavoza o raralayan nyo ni Ama ta do to a kano malas a iraralay da no tao. Ta yaten o na yanan no to meyyonong a Tao do to. Akman so ipanci na do Seysyo. Ta maniring am, “Macikaop ko do omanoyong jyaken a tao a keyyan ko do onowned da. So abnekan da jyaken a Tao do to da. So ikanoyong da italamozong ko a tao.

1 Yowani 4:4

Am inyo rana manga ovay am yakamo macikaop ji Ama ta do to. So nyo ikanoyong a yarana nimharag so malas so ipangnanao a tao. Ta yarakorako o oyowyat no Seyzi a yamyan jinyo a kani Satan a tomalamozong nira.

Kelosi 1:27

O nakenakem na ni Ama ta do to am ikakza na o kapakateneng da no tao do karawan so mapeyzokab a nanao na. Ori rana am si Yeso Kizisto a yarana macikaop jyaten. So yata ikanoyong a macizanod do azwazway na ni Ama ta do to no makwa.

Kelosi 1:23

Am ori an, ji nyo na pasalai do nimamizing nyo pa no kakwa a Mapasaray a Ciriciring na ni Ama ta do to. Ta to kamo ngotokot so onowned a meyhanhan ni Ama ta do to a manta ninyo so to meyyonong a ikavyay no pahad nyo. So na rana nipeylimwangan no akman sang a nanao do karawan. So yako ikanoyong a lamlamsoy na ni Ama ta do to a meylimwang no ciriciring na.

Yowani 17:23

Ko macikaop jira. Yaka macikaop jyaken a da kakmey yasa rana. So ikanoyong da rana no tao do karawan a makateneng jimo a marilaw no omanoyong jimo a tao. Akman jyaken a yamo ikaglaw a kapakateneng da rana no tao do karawan do kanitomovoy mo jyaken do teyrahem.

Yowani 14:17

Iya rana am yamapatwaw so manoyong a nanao ni Ama ta do to. Am da to nazibwan no yaji nganoyong jyaken a tao. Ta da jyacita. Am ori o da ji makatenngi jya. Am inyo am nyo katenngan o Seyzi a macikaop jinyo a Rarey nyo a yaji macisyay jinyo.

Locya 6:48

Ori rana am akman so mamaring so vahay a tao a mapakarahem so patakadan na so soil na. So ikehni no vahay a paringen na. Tana meyyagaganas am ji na gonagonay o vahay ang, ta mehni o nipakapyan na sya.

Matay 13:6

No amdada o araw am mapseng, do kaji na makayamotan, ta alikey o tana.

Cyalatay 5:6

Ta o tao a macikaop rana ji Yeso Kizisto am ji na rana ngezsangan o kaji na yongkadan do kataotao na. Ta o ney makdeng na ji Ama ta do to am ipeyhanhan ta si Kizisto a kapangarilaw ta so icyatatao ta.

Yowani 6:56

O koman so kataotao ko a kano amyop so rala ko a tao am macikaop sira jyaken. So ikanoyong ko na macirapa do onowned da.

1 Kedinto 8:1

O nipazos da kanen am tamo mamimin a makateneng do akman sang. O teneteneng rana ya am yapwan no kapazway no tao. Am o pangarilawan am ipeypapya so tao.

1 Kedinto 3:6

Ko nimowa a na kataktak jya ni Apolo. O amzowazovo sya am si Ama ta do to.

2 Kedinto 13:5

Ileylamdamen nyo pala o kataotao nyo. Manngwa, nyo pangononongan o nanao na ni Ama ta do to? Manngwa, nyo jyatenngi na keyyan ni Yeso Kizisto jinyo? No si abo am ji kamo anoyong pa a omanoyong jya.