Ivoso 3:15 - Seysyo No Tao

¹⁵ Sira rana o yamyan do teyngato a kano yapa amyan do teyrahem am mamimin sira akma ney anak ni Ama ta do to.

Ivoso 3:15 Referans Kwoze

Ivoso 1:10

Ta o pamnemnekan na ni Ama ta do to no kakwa am itoro na o makakaday do karawan a kado teyngato ji Kizisto a italamozong na, no marateng o araraw no nipamnekan na ni Ama ta do to.

Ivoso 1:21

a kabtekan rana a Panirsirngen do sinokob no hanit. So ikabo rana no makahad so oyowyat na kano azwazway na do karawan a kado teyngato mangay do kaidan no karawan.

Ipaziman 3:12

O jya nimablis so onowned a tao am akman sira so sominogat a ai no vahay a ralaralayan da ni Ama ta do to a vahay a kaji da na ngarwan do dang. Ta padketen ko do kataotao da o ngaran na ni Ama ta do to a kano ngaran no ili na ni Ama ta do to. Ori rana am apo ji Ama ta do to do teyngato a nipakas na a Vayo a Yelosaleng a kapadket ko so vayo a ngaran ko do kataotao da.

Ipaziman 2:17

“ ‘O ciring no Seyzi so peycyakyokyokayan na am amizngen nyo a yameycicilwan a tao an. Sira rana a jya nimablis so onowned a tao am itoro ko jira o kanen apo do teyngato a meyngaran so mana a yajyasingkad no mata sicyaikwaya a kapanta ko nya so malavang a veysen a adketan no vayo a ngaran. O mahap so veysen a tao o makateneng do ngaran a domket do veysen ang.’

Kelosi 1:20

Tana teyrahem a tana teyngato am yana nimimin a nitoro ji Yeso ni Ama ta do to. Ta iya rana am na nikawakwak yaten do jyojika. So na ikabo rana no yamarahet.

Nimlivolivon 11:26

Makala na rana am palolwen na mangay do Antia. So nipakasa kawan da macikaop do aro a sinjya amnanao sira. Nimacipinda no kano nang o kangaran da rana jira a “omraralay ni Kizisto” do Antia.

Ivoso 3:14

Am ori an, yako ipeylilitod a meynozi do tangain na ni Ama ta do to.

Ivoso 3:16

Ko ipeynozi ji Ama ta do to o kowyat na jinyo no Seyzi a meypakdeng so nakem ji Ama ta do to. Ta iya rana am yatey mowyat a yatey mazway a Tao do to.