Ivoso 2:4 - Seysyo No Tao

^4-5 Am tana akman ta sang a meyraraten a tao no kakwa am yatey rako o na karilawan nyaten ni Ama ta do to, do kanimanta na nyaten so to meyyonong a ikavyay no pahad ta a macikaop rana ji Kizisto. So ta ikanoyong a yana nipatazadang no pangangarilawan na.

Ivoso 2:4 Referans Kwoze

1 Pite 1:3

Isaray takamo si Ama ta do to a Ama na ni Yeso Kizisto a Panirsirngen ta. Ta yatey rako o pangangasyan na a yanimanta nyaten so vayo a onowned ta, do yana kanimapeyvangon si Yeso Kizisto do heseb na. So anoyngan ta do akman sang a oyowyat ni Ama ta do to a mapeyvangon jyaten no makwa.

Ivoso 1:7

Si Kizisto yanimawakwak nyaten. Am ori o yana nikavonas no raraten ta. Tey rako o pangangarilawan na ni Ama ta do to a yana nitoro jyaten.

Loma 5:8

Am no kapeyraraten ta pa am nikawakwak na yaten ni Kizisto. Ori rana am yongkad na ori ni Ama ta do to, do na karilaw nyaten.

Ivoso 2:7

O ikakman na sang ni Ama ta do to am ipacita na do kaidan no karawan o mapeyzokab a pangangarilawan na kano pangangasyan na jyaten a yamacikaop ji Yeso Kizisto.

Loma 10:12

O peycirngan na so sang am kazagoman ta tao a meyhanhan nya. So ikabo rana no tao do Yotay a kano beken a tao do Yotay, ta si Ama ta do to rana am Panirsirngen ta tao do karawan. So ikanoyong na manta no mapasyasi jya tao so kakzeben da no nakem.

1 Timotay 1:14

O Panirsirngen ta rana si Yeso Kizisto am yatey rako o pangangarilawan na a na nitoro jyaken a na kapanta pa nyaken so onowned ko a meyhanhan nya kano pangangarilawan ko so icyatatao ko, ta yako macikaop rana jya.

2 Timotay 1:9

Iya o nimahap jyaten a mapanop jyaten a omanod jya. Am beken a omagaz do kapya no icicirawat ta, ta yaomagaz do nakenakem na kano pangangarilawan na ni Ama ta do to. Ta no kaji na pa nimangamaogan so karawan am nimanakem na rana o katovoy na si Yeso Kizisto a somidong jyaten.

Ivoso 3:8

Tana mina saod na so kabo no kapsepsekan ko am na manket yaken a pahanhanen a meylimwang nya jinyo a beken a tao do Yotay so aglaglaw na jyaten ni Kizisto.

Loma 9:23

Am na kapacita nya jyaten so rako a pangangasyan na. Ta yaten rana ya am nipamnekan na yaten a macikazway jya no makwa.

Loma 2:4

Manngwa, mo jyatenngi o pangangarilawan na ni Ama ta do to a yameypalanginan nimo a yamamlis? Am yamo kato nazibwan no rako a pangangasyan na yamvonas so raraten mo, do yana kakzeb jimo a yamamlis so onowned.

2 Tesalonicya 2:13

Inyo rana manga kakteh a na ikarilaw ni Ama ta do to am namen masangib inyo a isaray ji Ama ta do to. Ta no kaji na pa amaogan no karawan am nipamnekan na rana inyo ni Ama ta do to a ahapen. So nyavaywan na so onowned nyo no Seyzi a kowyat na jinyo a omanoyong do nanao na ni Ama ta do to.

Locya 1:78

ta oya rana am omaing ya do pangangarilawan na ni Ama ta do to a tomiray jyaten,