Ivoso 2:22 - Seysyo No Tao

²² Am ori o nyo ipeyyangangay rana kano tao do Yotay a na rana yanan no Seyzi na ni Ama ta do to.

Ivoso 2:22 Referans Kwoze

1 Kedinto 3:16

Manngwa, nyo jyatenngi o na kapacilovot jinyo ni Ama ta do to? Manngwa, nyo jyatenngi na keyyan jinyo no Seyzi?

1 Yowani 4:16

Tamo anoyngan na karilaw nyaten ni Ama ta do to. Ta si Ama ta do to am yapwan no pangangarilawan. O yanan no pangangarilawan ni Ama ta do to a tao am macikaop ji Ama ta do to. So icyakman na sang ni Ama ta do to a macikaop jya.

1 Yowani 4:13

Yamanoyong ta kapacikaop ji Ama ta do to. So na ikakman sang a yamacikaop jyaten. O ta ipakateneng do dang am na nitoro jyaten o Seyzi.

1 Yowani 3:24

O tao a omonot do ciring na ni Ama ta do to am manoyong o akman sang a macikaop ji Ama ta do to. So icyakman na sang ni Ama ta do to a macikaop jya. O ta ipakateneng ji Ama ta do to a yamacikaop jyaten am Seyzi a yamacitovong jyaten.

Ivoso 3:17

Ori o ipakateneng nyo ji Kizisto a manoyong rana a yamacikaop jinyo a yatomalamozong ninyo. Ko ipeynozi inyo a mapayamot so pangangarilawan na do onowned nyo.

2 Kedinto 6:16

Ji nyo peyzavoza o raralayan nyo ni Ama ta do to a kano malas a iraralay da no tao. Ta yaten o na yanan no to meyyonong a Tao do to. Akman so ipanci na do Seysyo. Ta maniring am, “Macikaop ko do omanoyong jyaken a tao a keyyan ko do onowned da. So abnekan da jyaken a Tao do to da. So ikanoyong da italamozong ko a tao.

1 Kedinto 6:19

Nyo jyatenngi o na keyyan jinyo no Seyzi na ni Ama ta do to a nitoro na jinyo? So ikabeken a inyo no kataotao nyo.

1 Kedinto 3:9

Yamen rana am namen macipeyvazay ji Ama ta do to. Inyo rana am kanyo akmey nihakawan na ni Ama ta do to a namen pirwahen pa. So nyo icyakmey vahay a na patneken ni Ama ta do to.