Ivoso 2:15 - Seysyo No Tao

¹⁵ O na nyangay so inawan ni Kizisto am na niblis o yada hanhan no tao do Yotay a iwawalam ni Moyse. So icyakma dey yasa rana no tao do Yotay a kano beken a tao do Yotay do tangain ni Kizisto. No si manoyong kakma tey yasa rana am apya ta na so nakem do kadwan jyaten.

Ivoso 2:15 Referans Kwoze

Kelosi 2:14

Nipeyyopowpas no rala ni Yeso Kizisto o domket a raraten ta a ji ngahap so iwawalam ni Moyse.

Cyalatay 3:10

O tao a meyhanhan no iwawalam na ni Moyse am meydedna jira o peyoyaoyyan na ni Ama ta do to, do kaji da makataptapan sya a peyvazain. Ta o ciring do Seysyo am, “O tao a ji makataptap sya peyvazain so yadomket a iwawalam ni Moyse am mangay jira o peyoyaoyyan na ni Ama ta do to.”

Sipolay 8:13

Yarana nimangamaog si Ama ta do to so vayo a pangozayan a ciring a nyalit na do adan a pangozayan a ciring. So to na rana tastasi no adan a pangozayan a ciring, ta abo rana o oyowyat na.

Kelosi 3:10

kapalit nyo rana so vayo a onowned nyo apo ji Ama ta do to, do na kaji amtadan a yasomidong jinyo a yaomyavayo so icicirawat nyo. Am ori o ikanoyong nyo rana meypahagnat a makateneng ji Ama ta do to.

Kelosi 2:20

Inyo rana yameyngongyod a macikaop ji Kizisto am ji nyo rana pasaklanga o adan a marahet a icicirawat nyo, do nyo kaji ngonotan rana do adan nyo a icicirawat. Am ikeykongo kamo ya a yapa macizavoz do icicirawat da no tao do karawan,

Cyalatay 6:15

So ji na ranakdengi no kayongkad do kataotao. Ta makdekdeng o vazay no Seyzi a omyavayo so onowned ta.

Cyalatay 3:28

Am ori o ikabo rana no matarek do amraralay ni Yeso Kizisto a tao. Ta meyyangangay sira do tangain na. Tana tao do Yotay a tana beken a tao do Yotay, tana lamlamsoy a kano beken a lamlamsoy, tana mahakay a tana mavakes am kamo mamimin a akmey asa rana a yamacikaop ji Yeso Kizisto.

Ivoso 4:16

Yaten rana yamraralay nya tao am akma ney kataotao yaten. Iya am yatomalamozong nyaten. Ori ta icyakmey yasa so nakenakem yamarilaw no kadwan jyaten. Ta yaten rana akmey meyketeketeh do cinai am cinamaog no kataotao na. No si akma tey yasa mapanod so nakenakem ta ji Kizisto am tey rako o oyowyat ta, do kapeyyanowanop na jyaten no pangangarilawan na ni Kizisto.

2 Kedinto 5:17

Ta o macikaop ji Yeso Kizisto a tao am vayo rana o onowned na. Ta nipeymakarwan na rana o adan a icicirawat na. So ikamimin na rana vayo.

Sipolay 9:23

Kakwakwan no panaralayan do teyrahem a yaominara sya do teyngato a yamangap so rala no kagling a kano baka a ipanvoga so tao. Ney manngo rana o panaralayan do teyngato. Jyabo kaji nakdekdengan pa no rala ni Yeso Kizisto do teyngato a ipanvoga na so tao ni Ama ta do to a.

Ivoso 2:10

Si Ama ta do to o yata nikablis no onowned a yarana macikaop ji Yeso Kizisto. So na ikapya rana no vazay ta a mangonong do na peypalanginan nyaten ni Ama ta do to.

Ivoso 2:14

Iya o yamapeyyanowanop jyaten a tao do Yotay a kano beken a tao do Yotay. Na nibalinas no kataotao na o yakmey atoy a yamapeysyay so tao do Yotay a kano beken a tao do Yotay a da pacikaoyyan.

Ivoso 2:16

O nikawakwak na ni Kizisto do jyojika am balinasen na o kakma tey meykavosoyan. O jyojika na ni Yeso Kizisto o mapeyyanowanop jyaten, akmey asa ka tao so onowned a meyyangangay rana amraralay ni Ama ta do to.

Kelosi 3:11

No manoyong kakman ta sang am abo rana peytartarkan ta do tangain na ni Ama ta do to. Tana tao do Yotay a kano beken a tao do Yotay a tana jyapsek a kano mapsek a tao a tana peylamsoin da kano ji da peylamsoya a pacyangayan ta am ta meyyangangay a yarana vayo so onowned ji Kizisto. So ika iya no azwazwain ta.

Kelosi 3:15

O nitoro na ni Kizisto a ikapiya no onowned nyo am ipeypalanginan na inyo. Isaray nyo ji Ama ta do to. Ta iya o yanimamnek jinyo akmey yasa so kataotao, do yana kanitomoro nya jinyo so ikapiya no onowned nyo.