Ivoso 2:14 - Seysyo No Tao

¹⁴ Iya o yamapeyyanowanop jyaten a tao do Yotay a kano beken a tao do Yotay. Na nibalinas no kataotao na o yakmey atoy a yamapeysyay so tao do Yotay a kano beken a tao do Yotay a da pacikaoyyan.

Ivoso 2:14 Referans Kwoze

Cyalatay 3:28

Am ori o ikabo rana no matarek do amraralay ni Yeso Kizisto a tao. Ta meyyangangay sira do tangain na. Tana tao do Yotay a tana beken a tao do Yotay, tana lamlamsoy a kano beken a lamlamsoy, tana mahakay a tana mavakes am kamo mamimin a akmey asa rana a yamacikaop ji Yeso Kizisto.

Kelosi 3:11

No manoyong kakman ta sang am abo rana peytartarkan ta do tangain na ni Ama ta do to. Tana tao do Yotay a kano beken a tao do Yotay a tana jyapsek a kano mapsek a tao a tana peylamsoin da kano ji da peylamsoya a pacyangayan ta am ta meyyangangay a yarana vayo so onowned ji Kizisto. So ika iya no azwazwain ta.

Kelosi 3:15

O nitoro na ni Kizisto a ikapiya no onowned nyo am ipeypalanginan na inyo. Isaray nyo ji Ama ta do to. Ta iya o yanimamnek jinyo akmey yasa so kataotao, do yana kanitomoro nya jinyo so ikapiya no onowned nyo.

Ivoso 2:15

O na nyangay so inawan ni Kizisto am na niblis o yada hanhan no tao do Yotay a iwawalam ni Moyse. So icyakma dey yasa rana no tao do Yotay a kano beken a tao do Yotay do tangain ni Kizisto. No si manoyong kakma tey yasa rana am apya ta na so nakem do kadwan jyaten.

Kelosi 1:20

Tana teyrahem a tana teyngato am yana nimimin a nitoro ji Yeso ni Ama ta do to. Ta iya rana am na nikawakwak yaten do jyojika. So na ikabo rana no yamarahet.

Kelosi 2:20

Inyo rana yameyngongyod a macikaop ji Kizisto am ji nyo rana pasaklanga o adan a marahet a icicirawat nyo, do nyo kaji ngonotan rana do adan nyo a icicirawat. Am ikeykongo kamo ya a yapa macizavoz do icicirawat da no tao do karawan,

Loma 5:1

O na abnekan jyaten ni Ama ta do to a abo so raraten do tangain na am ta ipeyhanhan si Yeso Kizisto a Panirsirngen ta. So ikanoyong ta rana macikaop ji Ama ta do to.

Nimlivolivon 10:36

Nyo katenngan rana o Mapasaray a Ciriciring na ni Ama ta do to a nipeylimwang na jyamen a Isedi a tao. Ori rana am na ipanta yaten so ikapiya no onowned ta. So ikabo na rana no oyyan na nyaten ni Ama ta do to, ta nitovoy na si Yeso Kizisto a Panirsirngen no tao do peycyamahamahatawan na.

Nimlivolivon 10:28

Maniring jira am, “Nyo katenngan an, ta do iwawalam namen a tao do Yotay am ji namen a mya o kangay namen a komawalam jinyo a beken a tao do Yotay. Am kanimanci na nya jyaken ni Ama ta do to no kakyab. Ta maniring am, ‘Ji mo a ratan sira o beken a tao do Yotay. Ta ji meycyapyapinpinan o nyamamaog ko a tao do karawan.’

Sipolay 13:20

Si Ama ta do to rana a yamanta nyaten so ikapiya no onowned ta am nipeyvangon na si Yeso a Panirsirngen ta do heseb na. Na rana nipangononongan ni Ama ta do to no rala ni Yeso o to meyyonong a pangozayan a ciring na. So na ikanoyong a tomalamozong nyaten aro a tao.

Locya 2:14

“Azwazwain takamo si Ama ta do to. Inaoy si itoro na jira do omraralay nya tao do teyrahem o ikapiya no onowned da.”

Yowani 10:16

O kagling ko a yapa ji macyamaot do jya am mangay ko kalahen sira kapakamizing da so itawag ko jira. So icyakma dey yasa a onongan ko.

Locya 1:79

a kaciray na so ji pa makateneng ji Ama ta do to a manyahey no kawakwak da tao, a kapangonong na nyaten do kapyapyan.”

Sipolay 7:2

O ineynahap ni Apolahan a apzapzatan no kapeyyarap da am pasinahen na o asa vovonongan a itoro ji Mocisete. O peypeypangayan no ngaran ni Mocisete am “Ji mapeycyakaban so tao a panirsirngen”. Ikongo do panirsirngen da no Saleng, am ori o pancyan da no ngaran na a “Ikapiya no onowned no tao a panirsirngen”.

Ivoso 4:16

Yaten rana yamraralay nya tao am akma ney kataotao yaten. Iya am yatomalamozong nyaten. Ori ta icyakmey yasa so nakenakem yamarilaw no kadwan jyaten. Ta yaten rana akmey meyketeketeh do cinai am cinamaog no kataotao na. No si akma tey yasa mapanod so nakenakem ta ji Kizisto am tey rako o oyowyat ta, do kapeyyanowanop na jyaten no pangangarilawan na ni Kizisto.

Ivoso 3:15

Sira rana o yamyan do teyngato a kano yapa amyan do teyrahem am mamimin sira akma ney anak ni Ama ta do to.

Yowani 16:33

O ko pancyan no nang jinyo am ko ipadnadna so nakem nyo a macikaop jyaken. Am mangay o kalalaw da jinyo no ji manaralay a tao. Am ji kamo a zabab so onowned an. Ta ko na niharag o yamrahet so karawan.”

Yowani 11:52

Beken a tao do Yotay o ikawakwak na, ta mangay na peylovolovoten o mavonong do peycyavanovanwan na omraralay ni Ama ta do to a tao akmey yasa rana.

Ivoso 2:17

O na nyai ni Kizisto am na ipeylimwang do aro a tao o Mapasaray a Ciriciring na ni Ama ta do to, pacyangayan nyo a beken a tao do Yotay a ji makateneng ji Ama ta do to no kakwa ka nira tao do Yotay.