Ivoso 2:13 - Seysyo No Tao

¹³ Am inyo rana a ji ngasngen ji Ama ta do to a tao am na rana nipanop inyo ji Yeso Kizisto sicyaikwaya. So nyo ikanoyong rana yamacikaop ji Ama ta do to. Ta na nikawakwak rana inyo ni Kizisto.

Ivoso 2:13 Referans Kwoze

Nimlivolivon 2:39

Ta ori o nipanci na itoro na jinyo a kano ananak nyo a pacyangayan da no tao do peycyamahamahatawan na. Ta tamo mamimin a rarahen ni Ama ta do to a Panirsirngen ta.”

1 Kedinto 6:11

Yamyan jinyo so nimakman so sang no kakwa. Am kanivonas na rana so raraten nyo ni Ama ta do to. So nyo rana ipacikownongan ji Ama ta do to a kabnek na rana ninyo a abo so raraten do tangain na, do kapeyhanhan nyo ni Yeso Kizisto a Panirsirngen ta kano katalamozong na jinyo no Seyzi na ni Ama ta do to.

Ipaziman 5:9

a kapeyyanwanood da so vayo a anood. O kanwanoodan na am, “Imo o makahap so vakong a mapakaro so nipadketan a vakong. Ta imo rana am niwakwak da imo. O nimvoyog a rala mo am nimapatastas so tao do peycyeylilyan na kano meykataretarek so ciring a kano meytaretarek a tao do sinokob no hanit a yaitoro ji Ama ta do to a yaponged na.

Nimlivolivon 26:18

Ko tovoin imo a omiwang do mata da kapakacita da rana so kazngangan a komaro do vazay ni Satan a omanoyong rana ji Ama ta do to. So ikanoyong da rana mavonas so raraten a macikaop do amraralay nyaken a tao,’ kwan na yaken ni Yeso.

Ivoso 2:12

No kano nang am abo o kasngesngenan nyo ji Kizisto, ta akma kamoy kadwan a ji da patwatopa do tangain ni Ama ta do to, do kaji nyo macitetngehan do tao do Yotay. Ta sira am nipanta na sira ni Ama ta do to so pangozayan na ciring. So ikanoyong nyo a to rana hayo so onowned, do kaji nyo makatenngan ji Ama ta do to.

Ivoso 1:7

Si Kizisto yanimawakwak nyaten. Am ori o yana nikavonas no raraten ta. Tey rako o pangangarilawan na ni Ama ta do to a yana nitoro jyaten.

Cyalatay 3:28

Am ori o ikabo rana no matarek do amraralay ni Yeso Kizisto a tao. Ta meyyangangay sira do tangain na. Tana tao do Yotay a tana beken a tao do Yotay, tana lamlamsoy a kano beken a lamlamsoy, tana mahakay a tana mavakes am kamo mamimin a akmey asa rana a yamacikaop ji Yeso Kizisto.

2 Kedinto 5:17

Ta o macikaop ji Yeso Kizisto a tao am vayo rana o onowned na. Ta nipeymakarwan na rana o adan a icicirawat na. So ikamimin na rana vayo.

1 Pite 3:18

Ta ipisa si Yeso Kizisto a nimawakwak no raraten ta, kapakavos na rana so vazay na a mapatazadang jyaten do teyngato. So ikanoyong na abo so raraten a nisomabway no raraten no tao, do na kapanop jyaten ji Ama ta do to. Tana niwakwak da o kataotao na am jya nimawakwak o pahad na.

Sipolay 9:18

Akman sang o ney manma na pangozayan a ciring na ni Ama ta do to no kakwa. Ta no abo o rala amvoyog a patanangen ji Ama ta do to am abo oyowyat no adan a pangozayan a ciring na ni Ama ta do to.

1 Kedinto 1:30

Am si Ama ta do to o yanimapanop jinyo ji Yeso Kizisto. So na ikanoyong a na yapwan no teneng ta. Iya o na niyapwan no yamvonas so raraten ta. Am ori o na abnekan jyaten ni Ama ta do to a abo so raraten do tangain na. So icyakma tey matnaw a ranom so onowned a macilovot ji Ama ta do to a ji na rana nalamozongan no raraten.

Loma 8:1

O pacikaopan ni Kizisto a tao sicyaikwaya am ji na rana meydednai no peyoyaoyyan na ni Ama ta do to a mangay no makwa.

Nimlivolivon 22:21

Maniring jyaken si Yeso am, ‘To ka nangay. Ko na to novoya imo a mangay do ili da no beken a tao do Yotay a meylimwang no ciriciring ko.’ ”

Nimlivolivon 15:14

O nipanci ni Simong Pite no kacitai ori am na nipanci o kanimamnek na ni Ama ta do to do beken a tao do Yotay a omanoyong jya.

Yowani 10:16

O kagling ko a yapa ji macyamaot do jya am mangay ko kalahen sira kapakamizing da so itawag ko jira. So icyakma dey yasa a onongan ko.

1 Kedinto 12:13

Am ori o tana tao do Yotay ta, tana beken a tao do Yotay ta am tana lamlamsoy da yaten am tana to ta ngonongonongi o vazay ta am cyaha. Ta tamo na nimamimin a nitaktakan no Seyzi. So ta icyakmey yasa ka tao so kataotao a yana italamozong no yasa ka Seyzi.

Ivoso 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a omlivolivon no ciriciring na. Yako ipeyteygami inyo a yamraralay ni Ama ta do to a tao do Ivoso a yato ngotokot so nakem ji Yeso Kizisto.

Ivoso 2:2

No kano nang am onotan nyo pa o malas a vazay da no ji manganoyong a tao a kano ciring ni Satan a yatomalamozong no meyraraten a tao.

Ivoso 2:6

Na rana nipazasing yaten so inawan ji Yeso Kizisto a nimirwa a mavyay. So icyakma tey macikaop jya amyan do teyngato.

Ivoso 2:10

Si Ama ta do to o yata nikablis no onowned a yarana macikaop ji Yeso Kizisto. So na ikapya rana no vazay ta a mangonong do na peypalanginan nyaten ni Ama ta do to.