Ivoso 1:5 - Seysyo No Tao

⁵ Am ori o na sarayan nyaten ni Ama ta do to a na panopen a akma ney anak, ta yata na macikaop ji Yeso Kizisto.

Ivoso 1:5 Referans Kwoze

Ivoso 1:11

O makakaday do karawan am abo ji mangozay do ahahapan na sya ni Ama ta do to. So na to mangozai do nakenakem na a mapanop jyamen a amraralay ni Yeso Kizisto a tao do Yotay a akma ney anak a macikaop ji Kizisto.

1 Yowani 3:1

Yatey makdeng o aryarilaw na jyaten ni Ama ta do to. Yatey rako o pangangarilawan na a makanket jyaten a abneken a anak na. So ikanoyong no nang a ciring. O yada ji makatenngi jyaten a anak ni Ama ta do to no ji nganoyong jya tao am da ji nganoyngi si Ama ta do to.

Yowani 1:12

Sira rana ji nazibo nya tao a kano omanoyong jya tao am abneken na sira akma ney anak ni Ama ta do to.

Loma 8:23

Beken a o nyamamaog na o akman sang. Ta yaten rana ya na yanan no Seyzi a tao a yongkad na no kapanta na nyaten ni Ama ta do to so to meyyonong a ikavyay no pahad ta am akman ta sang do onowned ta a macizizikna jya, a omapanala si Ama ta do to a mapanop jyaten a anak na a manta nyaten so ji rana wakwak a kataotao ta do teyngato.

Cyalatay 3:26

Inyo rana am kamo rana mamimin a akma ney anak ni Ama ta do to, do yanyo rana kapeyhanhan ni Yeso Kizisto.

2 Kedinto 6:18

“Ama nyo yaken. Inyo rana am anak ko inyo. O ciring rana ya am si Ama ta do to a Panirsirngen ta o mapeyciring sya.”

Ipaziman 21:7

O ji nimablis so onowned a tao am ori o apya amyop sya. O icyakman na sang am abneken da yaken a Tao do to da a kabnek ko sira anak ko.

Ivoso 1:9

So ta rana ipakateneng ji Kizisto akma ney kahanhanan a mapakavos so ji nitomwaw pa vazay na no kakwa.

Yowani 11:52

Beken a tao do Yotay o ikawakwak na, ta mangay na peylovolovoten o mavonong do peycyavanovanwan na omraralay ni Ama ta do to a tao akmey yasa rana.

2 Tesalonicya 1:11

Am ori o namen ikasangib a meynozi ninyo. So ipacimangno na no nakem na jinyo ni Ama ta do to. Inaoy si itoro na o oyowyat na a isidong na jinyo. So ipakateneng nyo jya a omonot do apyahen na vazay ni Ama ta do to. Ta na sidongen inyo, do nyo kapeyhanhan nya.

Locya 10:21

No kanang am nipasaray no Seyzi si Yeso. So nipancyan na no, “Mo Ama a Panirsirngen do teyngato a kado karawan, ko isaray jimo. Ta mo nibengbeng do mapakateneteneng a tao o aro a vazay mo, a mo kapatwaw sya do yamapehbo so nakem da tao, mo Ama do to. Ta o akman rana sang am monganay do nakenakem mo.”

1 Kedinto 1:21

Tey makdeng o teneteneng na ni Ama ta do to. So ikabo no tao do karawan a mangozay do teneteneng da makateneng ji Ama ta do to. Am kanimamnek na ni Ama ta do to do yada ipanci abo so peypeypangayan a yanamen ipeylimwang a yana ivyay so omanoyong jya tao.

Yowani 20:17

Maniring si Yeso am, “Ji mo minani yaken, ta yako pa jya nimangay ji Ama. Angay da kakteh ko do cinai a kapanci mo nya jira so ko kapeysinaoli a mangay ji Ama a Tao do to ta. Ta iya rana am ta kalovotan a Tao do to.”

Matay 11:26

mo Ama do to. Ta o akman rana sang am monganay do nakenakem mo.”

Locya 11:32

No marateng o ipacici na mapeykapyapinpin so tao ni Ama ta do to am meytatanek sira o tao do Niniwey a omraherahet jinyo a tao sicyaikwaya. Ta mamizing da o ciring ni Yena am mamlis rana sira. Ko pa ciring jinyo am yamyan do jya so yarakorako pa so vazay a kani Yena am yanyo ji ngapa o nanao na jinyo.”

Veydipi 2:13

Ta yameyvazay do onowned nyo si Ama ta do to. So ikasasaray nyo a mapeyvazay so kakdain na jinyo ni Ama ta do to.

1 Kedinto 1:1

Yaken rana am si Pawlo ko a yana nipamnekan ni Yeso Kizisto a amlivolivon no ciriciring na a lamlamsoy na ni Ama ta do to. Yaken rana kano akma tey kakteh do cinai si Sotenay am namen ipeyteygami inyo a sinjya do Kedinto a kyokay. Inyo rana kano yamakakaday do peycyeylilyan na a macikaop ji Kizisto a tao am yatamo meyyangangay a na nipamnekan ni Ama ta do to a italamozong na. Si Kizisto am Panirsirngen da. So yata icyakman sang a yamapeypanirsirngen sya.

Matay 1:25

Am no kaji na pa tazakan no kanakan a mahakay am ji pa nimacitovong si Yoseyvo ji Madiya. Matazak rana a tao o kanakan am ngaranan na ni Yoseyvo a si Yeso.

Locya 12:32

“Inyo rana a macilolo jyaken am ji kanyo anyahey an. Ta isaray na ni Ama ta do to o katalamozong na ninyo.

Nimlivolivon 13:48

Mamizing da no beken a tao do Yotay am masaray sira. Ori o nyazwazwayan da so ciring na ni Ama ta do to. Sira rana aro a tao am nakenakem na ni Ama ta do to o kapamnek na jira a mahap so to meyyonong a ikavyay no pahad da, do kanoyong da rana ji Yeso.

Kelosi 1:19

Ta kakdain na ni Ama ta do to o Anak na macikto jya so kadmayan.

Sipolay 2:4

Yakman sang, ta nioyatan na sira ni Ama ta do to a mapeyvazay so makakaday a yamapeyzokab a vazay a yongkad no kanoyong no ipangnanao da. So yana ikakman sang ni Ama ta do to a yamangozay do nakem na a yamvonong so teneteneng a kano oyowyat no Seyzi do omanoyong jya tao a isidong da so icyatatao da.