Ivoso 1:20 - Seysyo No Tao

²⁰ nimapeyvangon si Yeso apo do heseb na. So na rana iyan do teyngato a yaomlisna do wanan na ni Ama ta do to,

Ivoso 1:20 Referans Kwoze

Sipolay 10:12

Am o nipatanang na ni Kizisto a kataotao na am ipisaha. Am tey rako oyowyat na amvonas so raraten ta mangay do kaidan no karawan. So yana ilisna do wanan ni Ama ta do to.

Make 16:19

Teyka na ni Yeso o aro a ciring a ipanci jira am meycyakavat rana mangay do teyngato a omlisna do wanan na ni Ama ta do to,

Sipolay 1:3

Yatomwaw jya o azwazway ni Ama ta do to. Iya rana am akma ney kataotao ni Ama ta do to. Na kalopkopen no oyowyat no ciring na o makakaday do karawan. Nikawakwak na o raraten no tao a kangay na rana do teyngato amlisna do wanan ni Ama ta do to a meypanirsirngen.

Matay 28:18

Omasngen jira si Yeso am maniring jira am, “Na rana nimimin ni Ama ta do to o oyowyat do teyngato a kado teyrahem a yanitoro jyaken.

Kelosi 3:1

Inyo rana am kamo rana akmey nimacizanod ji Kizisto a nimirwa a mavyay. Am ori an, naknakman nyo kato nyo ngotokotan so onowned a omahap so apyahen na vazay ni Kizisto. Ta iya rana am yamyan do wanan na ni Ama ta do to.

Veydipi 3:10

Am ori o ko naknakman so ko kapakateneng ji Kizisto a kano arako a oyowyat na jyaken. Ta iya rana am tey mowyat, ta nimirwa a mavyay. Yako ikakza o ko kapacizanod jya so alalaw, akman sya ji rahet so kawakwak na.

Loma 8:34

Am sino paro o yamanci no kaoya na nyaten ni Ama ta do to no makwa. Jyabo asa ka tao a. Ta si Yeso Kizisto rana nimawakwak a kapirwa na mavyay am yamyan rana do wanan na ni Ama ta do to a yameyneynozi nyaten.

Nimlivolivon 5:31

So na rana iyan do wanan na ni Ama ta do to a Panirsirngen ta a yamapatazadang jyaten do teyngato. Na kakzeben yaten a Isedi a tao a mamlis so nakenakem, ta ori o ivonas na so raraten ta.

Make 14:62

Maniring si Yeso am, “Noon. Manoyong. Mamimin kamo a makacita so Nipamnekan na ni Ama ta do to a tao a omlisna do wanan na ni Ama ta do to a meygegcin do cinalab a mai do teyrahem.”

Matay 26:64

Maniring si Yeso am, “Yamanoyong o mo ipanci ang. Am ko pa ipanci jinyo am macipinda sicyaikwaya o kapakacita nyo jyaken a Nipamnekan na ni Ama ta do to a tao a amlisna do wanan na ni Ama ta do to a maciralay do cinalab a meygegcin do karawan.”

Ipaziman 1:17

Macita ko am to ko naziyazikaz do tangain na, akman rana so nimawakwak a tao. Meyratateng am pinanan na yaken no wanan na. Maniring am, “Ji ka nyahey. Ta yaken rana am nikapwan na kano pangavosan na.

1 Pite 1:3

Isaray takamo si Ama ta do to a Ama na ni Yeso Kizisto a Panirsirngen ta. Ta yatey rako o pangangasyan na a yanimanta nyaten so vayo a onowned ta, do yana kanimapeyvangon si Yeso Kizisto do heseb na. So anoyngan ta do akman sang a oyowyat ni Ama ta do to a mapeyvangon jyaten no makwa.

Sipolay 13:20

Si Ama ta do to rana a yamanta nyaten so ikapiya no onowned ta am nipeyvangon na si Yeso a Panirsirngen ta do heseb na. Na rana nipangononongan ni Ama ta do to no rala ni Yeso o to meyyonong a pangozayan a ciring na. So na ikanoyong a tomalamozong nyaten aro a tao.

Sipolay 2:9

Am o akman sang a vazay am nimangononong rana do mina katazak na tao ni Yeso a yamaveveveh pa kano tinsi. Am jya nimeyyonownay. Na pangozain ni Yeso o pangangasyan ni Ama ta do to so tao do karawan a mawakwak no raraten ta. So nipantan na nya ni Ama ta do to so azwazway na.

Ivoso 1:3

Isaray ta ji Ama ta do to a Ama na ni Yeso Kizisto a Panirsirngen ta. Ta yatamo na macibedbed ji Kizisto. So yana rana nitorwan so makakaday a aglaglaw na jyaten a na ipasaray jyaten.

Loma 1:4

No hapen do ka Tao do to na am iya o nipeyvangon na ni Ama ta do to a nimapo do heseb na. So ikanoyong na Anak na ni Ama ta do to.

Nimlivolivon 26:8

Am inyo rana a tao do Yotay am ikongo nyo ji nganoyngi ji Ama ta do to a mapeyvangon so nimawakwak rana tao.

Nimlivolivon 10:40

Am ikatlo na araw am nivyay na ni Ama ta do to a kapacita na nya jyamen,

Nimlivolivon 4:10

naknakmen nyo a Isedi a tao an. O na nipeytatanek do tangain nyo no tao eya a nimapya rana am oyowyat no ngaran na ni Yeso a tao do Nasale a nipadket nyo do jyojika a nipirwa na avyain ni Ama ta do to.

Yowani 10:30

Namen akmey yasa si Ama.”

Yowani 10:18

Abo o tao a makapehes so inawan ko, ta yaken o yatomalamozong no kawakwak ko, kaji ko a wakwakan. Nakenakem ko kangay no inawan ko. To ko ngonongonongi o keypirwa ko a mavyay, ta nakenakem ni Ama o kahap ko so akman sang a vazay.”

Kelosi 1:16

Iya o nyamaogan na sya ni Ama ta do to so hanit a kano karawan a kano meycyamadadayan a yamacita kano yajyacita, pacyangayan no yajyacita so oyowyat a kalamsoyan ni Satan a kano tinsi na ni Ama ta do to. So na ikanoyong a tey mazway a Tao do to.