Ivoso 1:15 - Seysyo No Tao

¹⁵ Am ori an, mamizing ko na inyo a meyhanhan rana ni Yeso a Panirsirngen ta a marilaw no akma nyoy kakteh do cinai am,

Ivoso 1:15 Referans Kwoze

Veydimeng 1:5

Ta ko mamizing o pangasyan mo so akma tey kakteh do cinai a yamraralay ni Ama ta do to a kano nakenakem mo ji Yeso Kizisto a Panirsirngen ta.

Sipolay 6:10

Ji mapeycyakaban si Ama ta do to. So na ji makahamangi do pangangarilawan nyo a kano vazay nyo. Ori rana am vazay nyo do karwan no sinjya a yajimtad a yasomidong sira.

2 Tesalonicya 1:3

Manga kakteh, namen mangday do araraw inyo a isaray ji Ama ta do to. So ikanoyong na no akman sang an. Ta yakamo meypahagnat so nakenakem do yanyo kapeypakdeng so aryarilaw so kadwan jinyo.

1 Yowani 4:21

O ciring na jyaten ni Yeso Kizisto am o omraralay ni Ama ta do to a tao am ikarilaw na o akma ney kakteh do cinai.

1 Yowani 3:17

No myan so mabsoy a tao a makacita so akma ney kakteh do cinai a ji makananaob a kato na ngilikan sya am ji na mancyan keyyan na jya no pangangarilawan ni Ama ta do to.

1 Pite 1:22

Kamo manoyong a yarana ji meylimoteng so onowned a yamarilaw no akma nyoy kakteh do cinai, do yanyo kanoyong a yaomonot do nanao na ni Ama ta do to. So ikakdekdeng nyo pa a marilaw no kadwan jinyo.

1 Timotay 1:14

O Panirsirngen ta rana si Yeso Kizisto am yatey rako o pangangarilawan na a na nitoro jyaken a na kapanta pa nyaken so onowned ko a meyhanhan nya kano pangangarilawan ko so icyatatao ko, ta yako macikaop rana jya.

1 Timotay 1:5

O agagazan no akman sang a ciriciring ko am ko kakzeben o kapakateneng da do pangangasyan da so tao apo do ji meylimoteng a onowned da a manoyong a meyhanhan ni Ama ta do to. So ikabo na no vazay da a somala do nakenakem da.

1 Tesalonicya 4:9

O pasicyakarilawan nyo am tana ji namen mancyan do teygami am cyaha, ta amyan rana o nanao na ni Ama ta do to jinyo do kapasicyakarilawan nyo.

1 Tesalonicya 1:3

No namen meynozi am namen isaray ji Ama ta do to o apiya vazay nyo a yongkad no nyo kapeyhanhan ni Yeso Kizisto a Panirsirngen ta, kano nyo kazikna yamangarilaw so tao, do nyo raralayan ni Ama ta do to a yatongbo so alalaw nyo a yaomapanala si Yeso Kizisto a Panirsirngen ta a yameygegcin.

Cyalatay 5:6

Ta o tao a macikaop rana ji Yeso Kizisto am ji na rana ngezsangan o kaji na yongkadan do kataotao na. Ta o ney makdeng na ji Ama ta do to am ipeyhanhan ta si Kizisto a kapangarilaw ta so icyatatao ta.

Nimlivolivon 20:21

Tana tao do Yotay a tana tao do Sila am yako inyo to peyyangangaya a yananawen, do ko kakza ninyo a mamlis so nakem a omanoyong ji Yeso Kizisto a Panirsirngen ta.

Loma 1:8

Ney manma na am ko isaray ji Ama ta do to si Yeso Kizisto, ta o nyo peyhanhanan nya am yada rana peyrengarengayan no tao do peycyamahamahatawan na.

Ivoso 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a omlivolivon no ciriciring na. Yako ipeyteygami inyo a yamraralay ni Ama ta do to a tao do Ivoso a yato ngotokot so nakem ji Yeso Kizisto.

Ivoso 3:18

Ta ori o ipeyyangangay nyo a kano aro a akma nyoy kakteh do cinai a makateneng do mapeyzokab a pangangarilawan na ni Kizisto.