Ivoso 1:10 - Seysyo No Tao

¹⁰ Ta o pamnemnekan na ni Ama ta do to no kakwa am itoro na o makakaday do karawan a kado teyngato ji Kizisto a italamozong na, no marateng o araraw no nipamnekan na ni Ama ta do to.

Ivoso 1:10 Referans Kwoze

Kelosi 1:20

Tana teyrahem a tana teyngato am yana nimimin a nitoro ji Yeso ni Ama ta do to. Ta iya rana am na nikawakwak yaten do jyojika. So na ikabo rana no yamarahet.

Cyalatay 4:4

Am marateng rana o araraw a nipamnekan na ni Ama ta do to am tovoin na rana o Anak na alavaten no asa ka mavakes a italamozong no iwawalam ni Moyse.

Make 1:15

Maniring am, “Yarana makeykai o yana katalamozong ninyo ni Ama ta do to. Am ori o karwan nyo na do peyraratenan nyo a omanoyong do Mapasaray a Ciriciring na ni Ama ta do to.”

Sipolay 1:2

Am sicyaikwaya am o Anak na ni Ama ta do to o nimapatwaw so ciriciring na jyaten. Si Yeso o nimangamamaog so karawan no ciring na ni Ama ta do to. So nitorwan na ni Ama ta do to no makakaday do karawan eya a italamozong ni Yeso.

Kelosi 1:16

Iya o nyamaogan na sya ni Ama ta do to so hanit a kano karawan a kano meycyamadadayan a yamacita kano yajyacita, pacyangayan no yajyacita so oyowyat a kalamsoyan ni Satan a kano tinsi na ni Ama ta do to. So na ikanoyong a tey mazway a Tao do to.

1 Pite 1:20

Ji na pa nyamaog o karawan am nipamnekan na rana si Yeso ni Ama ta do to a mawakwak no raraten no tao do karawan. So na ikanoyong rana a nimai a somidong jinyo.

Ivoso 3:15

Sira rana o yamyan do teyngato a kano yapa amyan do teyrahem am mamimin sira akma ney anak ni Ama ta do to.

Ipaziman 5:9

a kapeyyanwanood da so vayo a anood. O kanwanoodan na am, “Imo o makahap so vakong a mapakaro so nipadketan a vakong. Ta imo rana am niwakwak da imo. O nimvoyog a rala mo am nimapatastas so tao do peycyeylilyan na kano meykataretarek so ciring a kano meytaretarek a tao do sinokob no hanit a yaitoro ji Ama ta do to a yaponged na.

Ivoso 1:22

Abo ji na nalamozongan ni Kizisto do karawan. Ta iya o yameymatmatngeh nyaten a omanoyong jya tao.

1 Kedinto 11:3

Am inaoy si katenngan nyo si Yeso Kizisto a tomalamozong ninyo a mahakay. O mahakay rana am ipeymatmatngeh da o mavakes da. Si Yeso Kizisto am onotan na si Ama ta do to.

Sipolay 11:40

Ta amyan so nipamnekan na ni Ama ta do to a apyapya pa a itoro na jyaten. Ori rana am pehzahen na sira jyaten a makahap so to meyyonong a ikavyay no pahad da do teyngato a yazaw na sira.

Kelosi 3:11

No manoyong kakman ta sang am abo rana peytartarkan ta do tangain na ni Ama ta do to. Tana tao do Yotay a kano beken a tao do Yotay a tana jyapsek a kano mapsek a tao a tana peylamsoin da kano ji da peylamsoya a pacyangayan ta am ta meyyangangay a yarana vayo so onowned ji Kizisto. So ika iya no azwazwain ta.

Ivoso 2:15

O na nyangay so inawan ni Kizisto am na niblis o yada hanhan no tao do Yotay a iwawalam ni Moyse. So icyakma dey yasa rana no tao do Yotay a kano beken a tao do Yotay do tangain ni Kizisto. No si manoyong kakma tey yasa rana am apya ta na so nakem do kadwan jyaten.

1 Kedinto 10:11

O akman rana sang a vazay da am ipaziman na so aro a tao. So na idket no akman sang do Seysyo a ipaziman na jyaten a tao sicyaikwaya. Ta yaomanam rana o kakavos no karawan.

Matay 25:32

Mamimin o tao a malovot do tangain na a kapeykapyapinpin na sira akman so mangonong so kagling a mapeykapyapinpin so kagling na.

Sipolay 9:10

Ta do ji na pa nimapatwawi ni Ama ta do to so apyapya pa kano adan a pangozayan a ciring am mamimin pa ori a omagaz do icicirawat a kano isovo a kanen.

Ivoso 3:2

Nyo katenngan yaken a na nipamnekan ni Ama ta do to a yameylimwang nya jinyo so pangangarilawan na.