Ipaziman 8:7 - Seysyo No Tao

⁷ Avyotan no ney manma na tinsi am amyan so makarerekmeh a kano apoy a pacizavozan no rala a mabokbok do teyrahem. Karahan am o icyakatlo no tana kano kayo am nimamimin a matemtem. So nikamimin no tamek a nimatemtem.

Ipaziman 8:7 Referans Kwoze

Ipaziman 9:4

a keyyan no ciring a manci nya jira so kaji da mapeycyaraherahetan so tamek a kano kayo a kano makakaday a mowamowa. Am apya o kasongit da so jya nitovilan so zozogwan a tao, do kapakatovil da jira a omanop ji Ama ta do to.

Ipaziman 9:18

Icyakatlo no tao do karawan o nimawakwak no mamsot do ngongoy no aro a baka apoy a kano aob.

Ipaziman 9:15

Karahan am pasawain na rana sira o papat a ka tinsi. Am amyan rana akman sang a nakenakem da a ambalinas so icyakatlo no tao do karawan do awan eya, do vehan eya, do araw eya a sicyacitwai.

Ipaziman 16:21

O rako a makarerekmeh am mangay makas do tao. O karehrehmet na am abo makanat sang a tao so karehrehmet. Am ori o to da raheraheci si Ama ta do to, do kateywara no pakaliliwan da so kataotao da meyngen.

Ipaziman 16:2

Mangay o ney manma na tinsi am paglowen na o panay na do teyrahem. Karahan am amlida o noka do kataotao da no yanan no yongkad no omalalam a kano nimraralay no kamamagenan na no omalalam a tao.

Ipaziman 12:4

O ipos na am kowkowen na o icyakatlo no mata no hanit a papispisen do teyrahem a kapeytatanek na do tangain no mavakes a tod na ji ngyan do vahay a mapananala so katazak na tao no kanakan a kapacyop na sya a kanen.

Ipaziman 6:8

Citahen ko am macita ko o baka akman rana so kakawan so keyteytawan. O maoran do baka am meyngaran ori so Kawakwakan a kapacitonton na no meyngaran so Heseb. So iyan no oyowyat da omwakwak so icyakapat no tao do karawan. Karwan da am mawakwak no arap. Karwan da am mawakwak no abcil. Karwan da am mawakwak no ingingnen a kano makakaday a kokoman so tao.

1 Pite 1:24

Akman so ciring do Seysyo. Ta maniring am, “Yamamimin o tao a yakmey tamek. O kapyapya da am akman so savong no tamek a ji meyyonownay a mavozas.

Yake 1:11

No domada o araw a kazidangdang no sinazawsaw na am ji meyyahahay a mahayo. Akman sang o meynakem a tao, ta makeykai a mababalinas.

Ipaziman 7:1

Makarahan am macita ko o apat a ka tinsi a madaday do ngoso no palipalanginan a somengseng do yapwan no meykapat a pagpag a kaji na makaligligisi so yanan no karawan a kano awa kano kayokayo.