Ipaziman 7:4 - Seysyo No Tao

⁴ O nimamizing ko pa am o nipadketan do iteytetngehan da no Isedi a tao am yamyan so ikakapatan da ranaw so ikalima da zivo no ikadwa da latos (144,000) no tao.

Ipaziman 7:4 Referans Kwoze

Ipaziman 14:1

Macita ko pa o Kagling a meytatanek do meyngaran so Sian a tokon. O macihza jya tao am yamyan so ikakapatan da ranaw so ikalima da zivo no ikadwa da latos (144,000) no tao. So ikamimin no zozogwan da adketan no ngaran no Kagling a kano ngaran na ni Ama na.

Ipaziman 14:3

Sira rana am meytatanek sira do sazapen no lilisnan a kano apat a ka omalalam a kano kamanrarakehan a meyyanwanood so vayo a anood. O meyyanwanood a tao am o nipasakay na do kapyapyan am yamyan so ikakapatan da ranaw so ikalima da zivo no ikadwa da latos (144,000) no tao o makateneng do anood a peyyanwanooden.

Locya 22:30

So ipacihanghang nyo jyaken do teyngato no makwa a kalisna nyo do lilisnan no pakaizain a tomalamozong no sivosivovoong da no rarwa so ikakarwan a ananak na ni Yakebo.”

Matay 19:28

Maniring si Yeso jira am, “To ko na macitangayan jinyo am no makwa am no amlisna o Nipamnekan na ni Ama ta do to a tao do lilisnan na do teyngato am inyo rana yanimacilolo jyaken am amlisna kamo do adwa so icyarwa lilisnan no panirsirngen a tomalamozong no sivosivovoong da no rarwa so ikakarwan a ananak ni Yakebo.

Nimlivolivon 26:7

Iya o yata pananalahen a sivosivovoong da no rarwa so ikakarwan a ineynapo ta, do ta kararalay ni Ama ta do to. Mo panirsirngen, ori o peypeypangayan no da rakpan jyaken no keylyan ta.

Ipaziman 9:16

O nimamizing ko pa macihza do apat a ka tinsi am yadwa ranaw so kalatolatos (200,000,000) sira o tao a maoran do baka itaysang.

Yake 1:1

Yaken rana am si Yake ko a lamlamsoy na ni Ama ta do to a kani Yeso Kizisto a Panirsirngen ta. Yako ipeyminaminasi o yamavonong do peycyavanovanwan na a yamraralay ni Ama ta do to a tao.

Loma 9:27

O nipanci na pa ni Isayya do Isedi a tao am, “Tana akmey anay do pasalan sira so karwaro o Isedi a tao am apereh jira o ahapen na ni Ama ta do to.

Ipaziman 7:5

O nipadketan do iteytetngehan da ni Yoda am o kakarwan sira ranaw so ikakarwan na zivo (12,000). O iteytetngehan ni Dipen am kakarwan sira ranaw so ikakarwan na zivo (12,000). O iteytetngehan ni Cyate am kakarwan sira ranaw so ikakarwan na zivo (12,000).

Locya 14:22

Meyratateng am to na mangozai no lamlamsoy na o ciring na. Meysinaoli am ipanci na do lawpan na, ‘Ko na nimimin a nipeyvazay o ciring mo am yapa myan so lilisnan a yakabwan no tao.’