Ipaziman 6:12 - Seysyo No Tao

¹² Karahan am macita ko pa o Kagling a mapakaro so ikanem no vakong a nipadketan. No kanang am mina to meykanini. So icyakma ney mavaheng a milakayob no araw a nimahesep. O vehan rana am akma raney rala.

Ipaziman 6:12 Referans Kwoze

Matay 24:29

“No si mavitos rana o aro a alalaw do teyrahem am to rana kedep o araw. Ji rana manikap o vehan. Makas rana o mata no hanit. Mablis rana o masamasaod no hanit.

Ipaziman 16:18

Meyratateng am meycicilat a kapeykadey na, kapeykanini na. Am abo pa o akman sang so karakorako a kanini.

Ipaziman 11:13

Karahan am meykanini. Am ori o nikazkem na no pozos na no rako a ili. O nimawakwak no kanini a tao am kakapitwan na ranaw (7000) sira. So nikanyahey da no nimavezed pa tao a kazway da rana si Ama ta do to do teyngato.

Ipaziman 8:5

Makarahan am apnowen no tinsi o vowawan a yanan no mahangno a haneng no apoy do patanatanangan so nakem a kabokbok na nya do teyrahem. Am ori o niyan no zomaigezeg a kapeycicilat na a kapeykanini na.

Matay 24:7

Meyyarap sira o meytarek so iteytetngehan a kapeyyarap da no teyhesa ka mahataw. So iyan na no rako a kanini a kano abcil do karawan.

Make 15:33

Meyigen o araw am mina todakedep o teyrahem so atlo a ka vatvatek.

Matay 28:2

Makarahan am to meykanini a kapeygegcin no tinsi ni Ama ta do to a apo do teyngato a kalolog na no rako a vato a nipasengseng da do heseb na, kalisna na jya.

Matay 27:54

Macita na no panirsirngen no itaysang no Loma kano kararay na nimamzat ji Yeso o nimeykanini a kano makakaday a vazay am manyahey sira. Maniring sira am, “Yamanoyong ya Anak no Tao do to.”

Matay 27:45

Meyigen o araw am mina todakedep o teyrahem so atlo a ka vatvatek.

Matay 11:21

Maniring am, “Inyo rana tao do Kelasin a kado Peysayta am to kanyo makasi an. Ta o mina vazay ko jinyo do dang am no nimyan pa ori do Tayar a kado Siton am jyabo kaji da nimamlisan so nakenakem a komaro do peyraratenan da.

Ipaziman 8:12

Avyotan no ikapapat no tinsi am icyakatlo no araw a kano vehan a kano mata no hanit o ji rana makacimat. Am ori o icyakatlo no araw a todasari. Akman sang no macyey no mahep, ta icyakatlo no ahep o to na sari.

Ipaziman 16:8

Paglowen no ikapapat no tinsi o panay na do araw am to rana manemtem so tao o azidangdang no araw.