Ipaziman 4:7 - Seysyo No Tao

⁷ O ney manma na omalalam am akma raney kokoman so tao. Ikadwa na am akmey baka. Ikatlo na am moing no tao. Ikapat na am akmey kangkang a to nalasalap.

Ipaziman 4:7 Referans Kwoze

Ipaziman 4:6

Amyan so malavang a panganinwan akman so awa so karakorako do tangain no lilisnan a keyyan no apat a omalalam do sirisiri no lilisnan. O sazapen da kano likod da am makakaday no aro a mata da.

1 Kedinto 14:20

So ipeypakatkat nyo, manga kakteh so pangtoktwan an. Akman kamo so mina tazak a tao a ji nakenakem so raraten.

Ipaziman 6:3

Pakarwen na no Kagling o ikadwa no vakong a nipadketan am mamizing ko o ikadwa no omalalam a meyzezyak. Maniring am, “Sijya.”

Ipaziman 6:5

Pakarwen na no Kagling o ikatlo no vakong a nipadketan am mamizing ko o ikatlo no omalalam a meyzezyak. Maniring am, “Sijya.” Citahen ko am macita ko o asa ka mavaheng a baka. O maoran do baka tao am meypinan o lima na so pangananngan.

Ipaziman 6:7

Pakarwen no Kagling o ikapat no nipadketan a vakong am mamizing ko o ikapat no omalalam a meyzezyak. Maniring am, “Sijya.”