Ipaziman 4:11 - Seysyo No Tao

¹¹ “Panirsirngen namen, Tao do to namen, manoyong ka mahap so azwazway a kano keynakman a kano oyowyat. Imo nimangamamaog so makakaday. Mamimin a nakenakem mo o nikamaog no makakaday.”

Ipaziman 4:11 Referans Kwoze

Ipaziman 5:12

a omlololos a meyyanwanood. O aingan no anood da am, “O niwakwak da Kagling am manoyong a mahap so oyowyat a kano keynakman a kano teneteneng a kano azwazway a kano sarasaray a anwanooden.”

Ipaziman 10:6

kasirisiring na si Ama ta do to a nimangamamaog so hanit a kano teyrahem a kano awa kano meycyamadadayan a nyamamaog na. Maniring am, “Ji rana inini ori.

Ipaziman 14:7

Maniring a amlololos am, “Anooden nyo si Ama ta do to a iraralay. Ta yana marateng o araraw na no ipacici na a mapeykapyapinpin so tao do karawan. So raralayan nyo no yanimangamaog so hanit a kano teyrahem a kano awa kano tozongan no makakaday a atbod a ranom.”

Ipaziman 5:9

a kapeyyanwanood da so vayo a anood. O kanwanoodan na am, “Imo o makahap so vakong a mapakaro so nipadketan a vakong. Ta imo rana am niwakwak da imo. O nimvoyog a rala mo am nimapatastas so tao do peycyeylilyan na kano meykataretarek so ciring a kano meytaretarek a tao do sinokob no hanit a yaitoro ji Ama ta do to a yaponged na.

Sipolay 1:10

Maniring pa am, “Mo Panirsirngen, imo niomamaog so karawan. Nyamaog mo o hanit no lima mo.

Loma 11:36

Ta yamamimin o makakaday a yana nyamamaog. So ika iya na no tomalamozong no makakaday do karawan. Inaoy no si mangay jya o azwazway na mangay do kaidan no karawan. Amin.

Ivoso 3:9

Na nipanta yaken so oyowyat ko a somidong so tao do karawan a makateneng do pamnemnekan na ni Ama ta do to a nimangamaog so karawan. Ta no kakwa pa am abo pa makateneng jya tao.

Nimlivolivon 14:15

“Ikongo nyo icyakman so sang so vazay jyamen. Namen akman jinyo saon a tao am. O namen nyai jya am namen ipeylimwang jinyo o Mapasaray a Ciriciring ni Yeso. Namen ikakza inyo a komaro do ji meyngongyod a iraralay nyo. Apyapya pa o kararalay nyo no manoyong a Tao do to. Iya rana am nimangamamaog so karawan a kano meycyamadadayan.

Nimlivolivon 17:24

Iya rana am nimangamamaog so hanit a kano teyrahem a kano meycyamadadayan. So ikanoyong na Panirsirngen do sinokob no hanit. Iya rana am yaji meyvahay do niparing no tao a panaralayan.

Ipaziman 5:2

Yako kapakacita pa so yatey mowyat a tinsi a yamlolos a yamanci no, “Sino o makapakaro so nipadketan a vakong a kavezay na sya.”

Sipolay 1:2

Am sicyaikwaya am o Anak na ni Ama ta do to o nimapatwaw so ciriciring na jyaten. Si Yeso o nimangamamaog so karawan no ciring na ni Ama ta do to. So nitorwan na ni Ama ta do to no makakaday do karawan eya a italamozong ni Yeso.

Ipaziman 1:6

Na nipamnekan yaten ni Yeso a to ngonongonong do kangay ta do tangain na ni Ama ta do to a omraralay nya. Inaoy si omaing o azwazway a kano oyowyat ji Yeso Kizisto a mangay do kaidan no karawan. Amin.

Ipaziman 19:1

Komavos ori am makamizing ko pa so macyak a ciring. So icyakma dey amlololos no tao do teyngato. Maniring sira am, “Anooden ta si Ama ta do to. Ta si Ama ta do to o yamapatazadang jyaten a kano yapwan no azwazway a kano oyowyat.