Ipaziman 3:21 - Seysyo No Tao

²¹ O jya nimablis so onowned a tao am ipanta ko so oyowyat na a kapacitangked na jyaken do lilisnan ko. So icyakman na jyaken sicyaikwaya a nimakata yamacitangked ji Ama do lilisnan na.

Ipaziman 3:21 Referans Kwoze

2 Timotay 2:12

Si ji ta hayo so nakenakem am macizanod ta jya tomalamozong no teyngato. Si ji ta nganoyngi am ji na singkaji yaten.

Matay 19:28

Maniring si Yeso jira am, “To ko na macitangayan jinyo am no makwa am no amlisna o Nipamnekan na ni Ama ta do to a tao do lilisnan na do teyngato am inyo rana yanimacilolo jyaken am amlisna kamo do adwa so icyarwa lilisnan no panirsirngen a tomalamozong no sivosivovoong da no rarwa so ikakarwan a ananak ni Yakebo.

Yowani 16:33

O ko pancyan no nang jinyo am ko ipadnadna so nakem nyo a macikaop jyaken. Am mangay o kalalaw da jinyo no ji manaralay a tao. Am ji kamo a zabab so onowned an. Ta ko na niharag o yamrahet so karawan.”

Ipaziman 2:7

O ciring no Seyzi so peycyakyokyokayan na am amizngen nyo a yameycicilwan a tao an. Sira rana yamakata tao am ipanta ko sira so oyowyat da a koman so asyasi no kayo a yapwan no to meyyonong a ikavyay no pahad da ji Ama ta do to do teyngato.’

Matay 28:18

Omasngen jira si Yeso am maniring jira am, “Na rana nimimin ni Ama ta do to o oyowyat do teyngato a kado teyrahem a yanitoro jyaken.

Locya 22:30

So ipacihanghang nyo jyaken do teyngato no makwa a kalisna nyo do lilisnan no pakaizain a tomalamozong no sivosivovoong da no rarwa so ikakarwan a ananak na ni Yakebo.”

Ipaziman 20:4

Macita ko o aro a lilisnan no panirsirngen a lisnan no tao. Sira rana am mamimin sira nipanta na so oyowyat da a mapacici a mapeykapyapinpin so tao. So nipakacittan ko so pahad da no niwakwak da a meylimwang no nanao ni Yeso a kano ciriciring na ni Ama ta do to a tao. Sira rana am ji da niraralay o omalalam a kano kamamagenan na. Jidket do zozogwan da kado lima da o ngaran no omalalam. Sira rana am nimamimin sira nimirwa a mavyay a kapacizanod da ji Yeso a meypanirsirngen do asa zivo (1000) a awawan.

Ipaziman 1:6

Na nipamnekan yaten ni Yeso a to ngonongonong do kangay ta do tangain na ni Ama ta do to a omraralay nya. Inaoy si omaing o azwazway a kano oyowyat ji Yeso Kizisto a mangay do kaidan no karawan. Amin.

Ipaziman 12:11

O rala no Kagling a kano nipeylimwang da a nanao ni Ama ta do to am ori o da niharag so kamolay. So ikanoyong da yaji hawa no yada kaliman.

Ipaziman 17:14

Sira rana am arapen da o Kagling am haragen na sira no Kagling a kano nipamnekan na tao a omanop jya. Ta iya rana am kabtekan a Panirsirngen.”

Ipaziman 7:17

Ta peyveyveknen na sira no meytatanek do sazapen no lilisnan a Kagling a kapangonong na nira yangay do atbodan no ranom a yakapwan no to meyyonong a ikavyay no pahad da. So ikanoyong ni Ama ta do to a omlinas do kaoo da.”

Ipaziman 6:2

Citahen ko am macita ko o asa ka malavang a baka. O maoran do baka am meypinan so akmey paltog a mangay macyarap a kapanta da nya so sakop a kangay na rana. So ikanoyong na makata.

Matay 25:21

Maniring o lawpan am, ‘Imo rana am ka tey yapya ipeyhanhan a lamlamsoy. Tana yapereh o yako nitoro jimo am yamo ji ngolala. So to ko rana mapahanhani jimo a tomalamozong no arwaro pa kano nang. So ipacizanod mo jyaken a somaray.’

Ipaziman 5:10

Imo yada nipamlis a yada to ngonongonongi do kangay da do tangain na ni Ama ta do to a amraralay nya. So talamozongan da no teyrahem no makwa.”

Ipaziman 20:6

O nimacizanod do ipisa pa kapeyvangon a tao am manoyong sira akma ney anak ni Ama ta do to a tey yapya. Ta ji na rana nalamozongan sira no ipirwa kawakwak. Ta sira rana am abneken na rana sira ni Ama ta do to a kani Kizisto a to ngonongonong do kangay da do tangain na ni Ama ta do to a amraralay nya. So ipacizanod da ji Kizisto a meypanirsirngen so asa zivo (1000) a awawan.

Yowani 13:32

No yamanoyong kapakacita da no tao so azwazway na ni Ama ta do to do Nipamnekan na tao am akman sang si Ama ta do to a zomwazway so Nipamnekan na tao. So na ikakeykai rana no azwazway no Nipamnekan na ni Ama ta do to a makaranes.