Ipaziman 21:6 - Seysyo No Tao

⁶ Maniring pa jyaken am, “Yarana nikomavos. Yaken rana am Aarva kano Yamicya. Yaken rana am nikapwan na kano pangavosan na. No myan so mawaw am itoro ko o atbod a yopen na a yapwan no to meyyonong a ikavyay no pahad na. Am ori rana am abo ngina na.

Ipaziman 21:6 Referans Kwoze

Yowani 4:10

Maniring si Yeso am, “No mo katenngan o itoro na jimo ni Ama ta do to a mo kapakateneng do yamacyami jimo so ranom am ka ji mapasyasi jya. Ji na mantan imo so to meyyonong a ikavyay no pahad mo a ranom a.”

Ipaziman 7:17

Ta peyveyveknen na sira no meytatanek do sazapen no lilisnan a Kagling a kapangonong na nira yangay do atbodan no ranom a yakapwan no to meyyonong a ikavyay no pahad da. So ikanoyong ni Ama ta do to a omlinas do kaoo da.”

Yowani 4:14

Am o amyop so itoro ko a ranom am to sira meyyonong a ji rana awaw. O itoro ko jya ranom am akmey atbod do onowned na a komalangboy. So ikanoyong na makahap so to meyyonong a ikavyay no pahad na.”

Loma 8:32

Kakwakwan no Anak na yana ji ingbeywani a yana nitoro a mawakwak nyaten. Ney manngo rana o yamakakaday a kakzeben ta no nakem. Ta jyabo o na ingbeywan jyaten a.

Ipaziman 22:17

Maniring o Seyzi a kano Macivahavahay a mavakes am, “Mai ka na.” O makamizing sya tao am akman kamo sang a manci no, “Mai ka na.” Mai kamo a yamawaw a tao. O makza nya am mai mai rana a omyop so ranom a yapwan no to meyyonong a ikavyay no pahad. Am ori rana am abo o ngina na.

Ipaziman 1:8

Maniring si Ama ta do to a Panirsirngen ta am, “Yaken am Aarva kano Yamicya a nikapwan na kano pangavosan na no aro a vazay eya.” Ta si Ama ta do to rana am jyablis a Tao do to a nimapo no kakwa a na kato ngayyan sicyaikwaya a mangay do kaidan no karawan.

Loma 3:24

So na nitovoyan si Yeso Kizisto a yasomidong jyaten a komaro do raraten ta do na karilaw nyaten. So ikanoyong ta na abo so raraten do tangain na ni Ama ta do to.

Ipaziman 22:13

Yaken rana am Aarva kano Yamicya. Yaken rana am nikapwan na kano pangavosan na.

Ipaziman 16:17

Paglowen na no ikapapito no tinsi o panay na do hanit am amyan so ciring a apo do lilisnan do panaralayan. Maniring am, “Cyana,” kwan na.

Ipaziman 1:17

Macita ko am to ko naziyazikaz do tangain na, akman rana so nimawakwak a tao. Meyratateng am pinanan na yaken no wanan na. Maniring am, “Ji ka nyahey. Ta yaken rana am nikapwan na kano pangavosan na.

1 Kedinto 2:12

Tanyo jya nyahap o teneteneng da no tao do karawan. Ta o nitovoy na ni Ama ta do to a Seyzi am ori o ta nyahap. Ori o ta ipakateneng do makakaday a aryarilaw na jyaten ni Ama ta do to.

Ipaziman 10:6

kasirisiring na si Ama ta do to a nimangamamaog so hanit a kano teyrahem a kano awa kano meycyamadadayan a nyamamaog na. Maniring am, “Ji rana inini ori.

1 Kedinto 3:12

O mangamaog so vahay a tao am amyan so mangamaog no vowawan. Amyan so mangamaog no lalitan. So iyan no tao a mamaring no kayo a kano vocid.

Ipaziman 1:11

Maniring am, “Imo rana am vatvatkan mo o mo macita a kaparara mo so vakong do apito a ka kyokay do Ivoso a kado Semayna kado Peycyamo a kado Tiyatila kado Satise a kado Veylatevey a kado Lawticya.”

1 Kedinto 3:21

Am ori o ikabo no tao a mapazway a manci no kownot na do kadwan jyamen. Ta yamen rana a yamangnanao am nitovoy na yamen jinyo ni Ama ta do to a amnanao jinyo.

1 Kedinto 3:5

Ikongo angangayan ni Apolo a ka nyaken. Yamen rana am na kapeylamlamsoy jyamen ni Ama ta do to a yamapalolo jinyo a yaomanoyong ji Yeso Kizisto. Ta namen to mangozai o nitoro na ni Ama ta do to a vazay.

Yowani 4:11

Maniring o mavakes am, “Mo kahakay, yamarahem o tovong eya a yabo o tatano mo. Makongo ka mangap so to meyyonong a ikavyay a ranom.

Ipaziman 3:14

“Ipeyteygami mo o yamimong no kyokay do Lawticya. Si maniring ka am, ‘Yamaniring o meyngaran so Amin a yatey manoyong a ipeyhanhan so ciring a yapwan no makakaday a na nyamamaog ni Ama ta do to am: