Ipaziman 21:3 - Seysyo No Tao

³ Makamizing ko so ciring a apo do lilisnan no panirsirngen. Maniring am, “Yamyan do karawan o vahay ni Ama ta do to a yamacivahay do tao do karawan. Sira rana am abneken na sira anak. So ipacitovong na jira ni Ama ta do to a Tao do to da.

Ipaziman 21:3 Referans Kwoze

2 Kedinto 6:16

Ji nyo peyzavoza o raralayan nyo ni Ama ta do to a kano malas a iraralay da no tao. Ta yaten o na yanan no to meyyonong a Tao do to. Akman so ipanci na do Seysyo. Ta maniring am, “Macikaop ko do omanoyong jyaken a tao a keyyan ko do onowned da. So abnekan da jyaken a Tao do to da. So ikanoyong da italamozong ko a tao.

Yowani 14:23

Maniring si Yeso am, “O maglaw nyaken am pangononongan da o nanao ko. Ta ori o karilawan na nira ni Ama. So ipacikaop namen si Ama jira.

Sipolay 8:10

Maniring pa jira si Ama ta do to am, ‘Ipatnek ko sira o Isedi a tao so pangozayan da a ciring no makwa. Peydednahen ko o iwawalam ko do oo da kapangay ko sya do onowned da. Abneken da yaken a Tao do to da. Abneken ko sira akma koy anak.

Sipolay 11:16

O ikakza da am apyapya pa vahay do teyngato. Am ori o ji na macimanigi nira ni Ama ta do to no kapanci da nya Ama da do to. Ta amyan rana so hapan na sira ili.

Ipaziman 7:15

Ori o da ipeytatanek do sazapen no lilisnan ni Ama ta do to a yamahap so vazay na no yamaraw a kano mahep do panaralayan a mangay na apzatan ni Ama ta do to.

2 Kedinto 6:18

“Ama nyo yaken. Inyo rana am anak ko inyo. O ciring rana ya am si Ama ta do to a Panirsirngen ta o mapeyciring sya.”

Ipaziman 21:7

O ji nimablis so onowned a tao am ori o apya amyop sya. O icyakman na sang am abneken da yaken a Tao do to da a kabnek ko sira anak ko.

Yowani 1:14

So nipeyvaliw no Ciring a tao a macikaop jyaten a tey rako so pangangarilawan a tey manoyong. So nipakacittan namen rana so azwazway na. So ikanoyong na abo so ikararwa angayan no azwazway. Ta iya rana am veyvowen na Anak ni Ama ta do to.

Ipaziman 12:10

Karahan am makamizing ko pa do teyngato so macyak a ciring. Maniring am, “Oya rana o araraw no na patazadangan jyaten ni Ama ta do to. Na rana nipacita ni Ama ta do to o oyowyat na. Yana rana nipatwaw ji Kizisto o oyowyat na a meymatmatngeh no teyngato. Ta na rana nipapispis do teyrahem ni Ama ta do to o yamraherahet so akma tey kakteh do cinai do maraw a kado mahep do tangain na ni Ama ta do to.

Ipaziman 10:8

Makarahan am mamizing ko pa o nimamizing ko pa no kakwa apo do teyngato. Maniring am, “Mangay mo hapen kai mo no yamavezay a vakong do lima no tinsi a yameytatanek do awa kado kacyan.”

Ipaziman 10:4

Padketen ko o peypeypangayan no apito a ka adey am amyan so ciring a apo do teyngato. Maniring am, “O peypeypangayan no yapito a ka adey am ji mo meycicicyan. Ji mo padketa.”

1 Tesalonicya 3:11

Inaoy si peypalanginan na yaten ni Ama ta do to a kani Yeso Kizisto a Panirsirngen ta a kangay namen rana jinyo do dang.

Sipolay 8:2

Iya rana am yamyan do yamanoyong a raralayan ni Ama ta do to do teyngato a mapasyasi nyaten ji Ama ta do to. Am o yana yanan am beken a nyamaog no tao, ta nyamaog ni Ama ta do to.

Ipaziman 22:3

Abo rana do ili ya o ikaoya na ni Ama ta do to. So ikanoyong na rana no lilisnan ni Ama ta do to a kano Kagling a amyan rana do ili a kararalay da nya no lamlamsoy na.