Ipaziman 21:11 - Seysyo No Tao

¹¹ O rako a ili rana am yanan no azwazway ni Ama ta do to. So icyakma na raney olo a maniray. No maniray am akma raney panganinwan.

Ipaziman 21:11 Referans Kwoze

Ipaziman 22:5

Abo rana do dang o mahep. Ji da rana ngezsangan o kabo no zampo a kano araw, ta zezak da si Ama ta do to a Panirsirngen ta. Nipamnekan na sira a meypanirsirngen a mangay do kaidan no karawan.

Ipaziman 4:6

Amyan so malavang a panganinwan akman so awa so karakorako do tangain no lilisnan a keyyan no apat a omalalam do sirisiri no lilisnan. O sazapen da kano likod da am makakaday no aro a mata da.

Ipaziman 22:1

Makarahan am ipacita na pa jyaken no tinsi o asa ka ayo a yapwan no to meyyonong a ikavyay no pahad a to meylacilat a akma raney panganinwan a apo do lilisnan ni Ama ta do to a kano Kagling.

Ipaziman 4:3

O keyteytawan no moing na am akman rana so ovay a somilasilaw a kano olo a maniray. So ikatey mazway na citahen. O livolivon na no lilisnan am livonen no nangirang. O keyteytawan na am akmey tamek.

Ipaziman 15:8

O panaralayan na am kapnowan no aob a apo do azwazway a kano oyowyat ni Ama ta do to. Ji da nipakas no papito a ka tinsi so apito a ka alalaw am abo tao a makasdep do sahad no panaralayan.