Ipaziman 20:5 - Seysyo No Tao

⁵ Ori rana am ipisa pa o kapeyvangon. Karwan da no nimawakwak a tao am panalahen da pa o asa zivo (1000) a awawan a kapeyvangon da rana.

Ipaziman 20:5 Referans Kwoze

Veydipi 3:11

Inaoy no si akman ko sang a mavyay a apo do heseb ko no makwa.

Ipaziman 11:15

Avyotan no ikapapito no tinsi am amyan so macyak a ciring do teyngato. Maniring am, “Oyowyat a yatomalamozong no karawan am yamonganay do Panirsirngen ta kani Kizisto a nipamnekan na a yatomalamozong nya a mangay do kaidan no karawan.”

Locya 14:14

Ta ori o ikapya mo, ta sira rana ori am abo patoplis da jimo. No mirwa a mavyay o pipya so nakenakem am patoplisan na ni Ama ta do to.”

Ipaziman 11:11

Mavitos rana o kasisi so ikapat a araw am avyain na rana sira ni Ama ta do to. Ori o nipeyvangon da rana. Am ori o nikanyahey da no tao a makacita sira tomanek.

Loma 11:15

Ta peymakarwan na sira o tao do Yotay a kahap na so beken a tao do Yotay. Am si ahapen na sira o tao do Yotay am jyabo kaji da narayan a makahap rana so to meyyonong a ikavyay no pahad da.

1 Tesalonicya 4:16

Ta no si marateng rana o araraw no nang am meygegcin si Yeso a tomawag jyaten a keyyan no panirsirngen no tinsi a manci nyaten. No mamizing ta o zapa do teyngato a ipatao na jyaten ni Ama ta do to am o niomanoyong ji Kizisto a nimawakwak rana tao am manomanoma sira mirwa a mavyay.