Ipaziman 20:3 - Seysyo No Tao

³ Meyratateng am iwalit na no tinsi si Satan do abo so takadan a gazawagaw a jyatenngi so karaherahem a kaneb na rana jya a patodwan a kaji na ranay mapeykawadan so peycyamahamahatawan so ipakazivo na (1000) so awawan a ji meytotwaw. Manet rana o asa zivo (1000) so awawan am powboten na rana. Am ji meyyonownay a kaneb na rana jya.

Ipaziman 20:3 Referans Kwoze

Ipaziman 20:1

Makarahan am makacita ko so asa ka tinsi a meygegcin a apo do teyngato a meypinan so kagi no abo so takadan a gazawagaw a jyatenngi so karaherahem a kano rako a ipamamaod a vahalang.

Ipaziman 17:8

O nimacita mo a omalalam am nimavyay pa no kakwa am yarana maliman sicyaikwaya. So ikakeykai na rana mai a apo do abo so takadan a gazawagaw a jyatenngi so karaherahem a meypangay do kararatan a ipasingkad na sya ni Ama ta do to. O tao do teyrahem a jidket so ngaran do vakong a yanan na rana no to meyyonong a ikavyay no pahad da no kaji na pa amaogan no karawan am mamimin sira malak no omalalam a nimavyay pa no kakwa yarana maliman sicyaikwaya. So ikanoyong da malak nya no meytotwaw no makwa.

Ipaziman 12:9

kakas na sya ni Ama ta do to so rako a kamolay. Ori rana am nimeytetnga volay no kakwa. O ngaran na am si Satan a yatomirara so tao a yameyraraten. O kamolay rana am nimamispis do teyrahem. So icyakman da sang no kalamsoyan na iwalit na do teyrahem ni Ama ta do to.

Matay 27:66

Karahan am pangayan da so itovil da jya do vato a somengseng do ngoso no heseb na a kato da rana vezedan do dang no itaysang a mamzat do heseb na.

2 Kedinto 11:3

Am yako ikanyahey o kapeyparahet no onowned nyo a todahamang rana ji Yeso Kizisto, akman si Iwa a nilittan no volay.

2 Pite 3:8

Am ji nyo a hamangi o meykasa vazay, manga kakteh an. Tana kasaraw a tana makazivo awawan am meyyangay ori ji Ama ta do to.

Ipaziman 17:2

Abo ji na nicirara no somagpyan a mavakes a panipanirsirngen do karawan a omraralay no malas a tao do to. So icyakma dey masaki no tao do karawan a to ngonongonot jya.”

Ipaziman 13:14

So nipakahap na so rako a oyowyat a meyvazay so mapangyangyalak a vazay do tangain no nimanma na omalalam. Am ori o nilittan na do tao do karawan. Ipanci na o tao do karawan a mamaring so kamamagenan no nimatavaz no ipangan a omalalam.

Matay 24:24

Ta amyan so tao no makwa a manci no ka si Kizisto da tao a kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da so tao. So icyakman da so sang a mapeycyakawad so nipamnekan na ni Ama ta do to a yamraralay nya tao.

Make 4:15

O nizomsi do rarahan am kapalangayan ori no tao a ji meyyahahay so nimamizing a ciring na ni Ama ta do to ahapen ni Satan do onowned da.

Locya 8:31

So nipasyasi da no aro a kalamsoyan ni Satan ji Yeso a manci no kaji na paksozan sira a tovoin do abo so takadan a gazawagaw.