Ipaziman 2:13 - Seysyo No Tao

¹³ Ko katenngan na katey mowyat ni Satan do yanyo peyilyan. Am yanyo jya nipasaklangan yaken no kawakwak da so meylimwang no ciring ko a tao a meyngaran so Antipa do italamozong na ni Satan a ili nyo. Nyo jya nipeymakarwan yaken a iraralay.

Ipaziman 2:13 Referans Kwoze

1 Timotay 5:8

No myan so tao a ji rana makanakem so zipos na kano kavavahay da am peymakarwan na o nanao ni Yeso. So ikaraherahet na pa kano ji nganoyong ji Ama ta do to.

Ipaziman 3:11

Ko na makeykai a mai. Am ori o ji nyo amtaji no kapangononong nyo do ciring ko an, a ji mamyapya no tao a mehes so azaw nyo a jyablis so onowned.

2 Timotay 2:12

Si ji ta hayo so nakenakem am macizanod ta jya tomalamozong no teyngato. Si ji ta nganoyngi am ji na singkaji yaten.

Nimlivolivon 22:20

No kawakwak da so nimeylimwang no ciriciring mo a meyngaran so Setiven am nimacizanod ko jira a tomita so aywayob da.’

Ipaziman 14:12

Inyo rana a omonot do ciriciring na ni Ama ta do to a ji na lilis so nakem ji Yeso a tao am makowyowyat kamo pa omraralay nya.

Ipaziman 3:3

Am peyyanen nyo do onowned nyo o yanyo nimamizing a nanao ni Ama ta do to a kapangononong nyo jya a komaro do raraten nyo. No si ji kamo yokay am ji ko mapaziman a mai akman so manakaw a tao. Jyabo kapakateneng nyo do araraw no yai ko a.

Ipaziman 2:2

Ko katenngan o nyo kasasaodan. Kamo mowyat a yameyvazay a yaji macizizikna do alalaw nyo. Ko katenngan inyo a yamapengkad so meyraraten a tao a amlivolivon no yamacitarek a ciriciring na ni Ama ta do to. So yanyo ipakateneng do malas a tao.

Sipolay 10:23

Am ori o ji ta na ablisi so nakem a to ngotokot no kararalay ta ni Ama ta do to. Ta o mina ciring na jyaten ni Ama ta do to am abo kalasan na.

2 Timotay 1:13

Pakanakmen mo o manoyong a nanao a ninanao ko rana jimo a pangozayan mo. Ji mo to nazibwan o nimahap mo a pangangarilawan a kano nakenakem mo ji Yeso Kizisto an. Ta ori o yongkad no macikaop ji Yeso Kizisto.

Matay 24:9

“No marateng ori am rakpen da inyo a pakakasin a kawakwak da jinyo. So pacioyyan da jinyo a mahap so vazay ko.

Yake 2:7

Sira rana o katenngan a tao a aro so nizpi am da rehrehten o mazway a ngaran ni Yeso Kizisto a nyo pacingaranan.

Sipolay 3:6

Akman sang si Yeso Kizisto a ji mapasala do vazay ni Ama ta do to a tomalamozong no amraralay ni Ama ta do to a tao. Am iya am Anak na ni Ama ta do to. No ji ta hayo a meyhanhan nya a omapanala so nakem na jyaten no makwa am manoyong ta macikaop ji Ama ta do to.

1 Tesalonicya 5:21

Am pakanaknakmen nyo o nimamizing nyo a nanao da jinyo a kownot nyo do manoyong a nanao an.

Nimlivolivon 9:14

Iya rana am nipya da no panipanirsirngen no mapatanatanang so nakem da si Ama ta do to a mangay a omrakep so omraralay nimo a tao.”

Locya 21:17

Mangay o kaoya da ninyo a mahap so vazay ko.

Matay 10:23

No peyrarehten da inyo do asa ka ili am to kamo na nayo a mangay do asa ka ili. To ko na macitangayan jinyo am ji nyo pa nilivon o ili do Isedi a peylimwangan no ciriciring ko am meyhekas ko rana a Nipamnekan na ni Ama ta do to a tao.

Matay 4:10

Tovisan ni Yeso am, “Angay rana mo Satan! Ta o ciring do Seysyo am, ‘Iraralay nyo o Panirsirngen a Tao do to nyo. So ika iya na no iraralay nyo. Ta abo o ikararwa na a iraralay nyo an.’ ”

Ipaziman 1:5

a kani Yeso Kizisto a ta ipeyhanhan so ciring. Iya rana am ney manma na nimirwa a mavyay. Si Yeso Kizisto rana am yatomalamozong no panipanirsirngen do karawan. Na ikarilaw yaten. Na nipahawa yaten no rala na do yata peyraratenan.

Ipaziman 11:3

Manovoy ko so rarwa ka meyyayob so zaping a tao a yongkad na ni Ama ta do to. Sira rana am ipeylimwang da o ciring na so adwa so ikasikalima (42) vehan.”

Ipaziman 12:11

O rala no Kagling a kano nipeylimwang da a nanao ni Ama ta do to am ori o da niharag so kamolay. So ikanoyong da yaji hawa no yada kaliman.

Ipaziman 13:2

O nimacita ko a omalalam am akma raney kokoman so tao. O ai na am akmey ai no rako a kokoman so tao. Akman sang o ngongoy na. So nitorwan na no kamolay so oyowyat na kano lilisnan na kano keynakman na do omalalam.

Ipaziman 17:6

Karahan am macita ko o mavakes a masaki no rala no omanop ji Ama ta do to a tao a kano rala da no niwakwak da a nimeylimwang ni Yeso a tao. Macita ko am ikalak ko.

Ipaziman 17:14

Sira rana am arapen da o Kagling am haragen na sira no Kagling a kano nipamnekan na tao a omanop jya. Ta iya rana am kabtekan a Panirsirngen.”