Ipaziman 16:10 - Seysyo No Tao

¹⁰ O ikalalima no tinsi am paglowen na o panay na do lilisnan no omalalam ang a apo do awa. Meyratateng am masari rana o italamozong na ili. O tao rana am to da ranangta o lila da, do kateywara no pakaliliwan da so kataotao da.

Ipaziman 16:10 Referans Kwoze

Ipaziman 9:2

Iwangan na no mata no hanit o gazawagaw am mamsot o rako a aob. So ikakedep na rana no araw a bonbonan no rako a aob,

Matay 8:12

Sira rana o omavat do kapacikaop da do italamozong ni Ama ta do to a tao am powboten na sira do pantaw do kasarisaryan a kapeylavilavi da mapeygazicigit so ngepen da a maneneseh.”

Ipaziman 18:23

Ji rana lila o zampo. Ji rana amizing o ciriciring da no meysinmo a tao. O meypananazangan a tao do dang am mamimin sira ney meynakem na tao do karawan. Abo ji na nicirara a tao do karawan no oyowyat ni Satan.”

Ipaziman 17:17

Ta nipakemkem na ni Ama ta do to o nakenakem na do onowned da no asa ngarnan a panipanirsirngen. So icyakma dey asa so ahahapan sya, a kapanta da rana no omalalam so oyowyat a meypanirsirngen mangay si mangononong rana o ciring na ni Ama ta do to.

Matay 22:13

Maniring rana o panirsirngen do lamlamsoy na am, ‘To nyo na vaoda o lima na kano ai na kapowbot nyo sya do pantaw a kasarisaryan a kalavi na meygazicigit so ngepen a maneneseh.’ ”

Ipaziman 18:21

Makarahan am amyan so mowyat a tinsi a mangap so rako a vato a paliwaten na do awa. Maniring am, “Kakma ka sang a rako a ili do Papilon a mabalinas a ji rana meyteytotoro.

Locya 13:28

No si macita nyo si Apolahan a kani Isa kani Yakebo a kano aro a panoyonoywan na so ciring ni Ama ta do to a yamacikaop do italamozong ni Ama ta do to am inyo o tovoin da do pantaw a kapeylavilavi nyo a mapeygazicigit so ngepen nyo a maneneseh.

Matay 24:51

Jyabo kaji na bakbakan do dang a pazanoden do yatanwasiwasi a tao a yamlavi a mapeygazicigit so ngepen a maneneseh.

Ipaziman 17:9

“O mateneng a tao am to da na tenngi. O peypeypangayan no apito a ka oo am apito a ka tokon a lisnan no mavakes. Ipanci da ori a papito a ka panirsirngen.

Matay 13:50

a kawalit da no meyraraten a tao do apoy a kapeylavilavi da do dang a meygazicigit so ngepen a maneneseh.”

Matay 13:42

a kapasleb ko sira do apoy a kapeylavilavi da a mapeygazicigit so ngepen da a maneneseh.

Ipaziman 18:2

Maniring ori a amlololos am, “Yarana nimabalinas o rako a ili a meyngaran so Papilon. Ori rana am yamanoyong a yada peyvahayan no makakaday a kararay na ni Satan a da peyvahayan no yamapaoya a meyyasasalap.

Ipaziman 11:10

Somaray o tao do teyrahem a makacita sira a nimawakwak rana. Macyazazaw sira somaray, ta nimapo do rarwa ka lamlamsoy na ni Ama ta do to o alalaw no tao do karawan.

Ipaziman 11:8

O kataotao da am to rana nangyan do rarahan do rako a ili. Do dang rana am nipadketan da so Panirsirngen ta do jyojika. O pehngehngayan da so ngaran no ili am Sotoma kano Ayci.

Ipaziman 11:2

Am ji mo aktoktoi o pantaw na, ta o pantaw na am yarana nitoro do beken a tao do Yotay. Sira rana am ipeykaraherahet da o akma ney ili ni Ama ta do to a yadwa so ikasikalima (42) a vehan.

1 Pite 2:17

Ikanig nyo o kadwan jinyo. Ikarilaw nyo sira o akma nyoy kakteh do cinai. Panadnaden nyo si Ama ta do to. Ikanig nyo sira o makayokod ninyo a tao.

Ipaziman 8:12

Avyotan no ikapapat no tinsi am icyakatlo no araw a kano vehan a kano mata no hanit o ji rana makacimat. Am ori o icyakatlo no araw a todasari. Akman sang no macyey no mahep, ta icyakatlo no ahep o to na sari.