Ipaziman 13:13 - Seysyo No Tao

¹³ Meyvazay o ikadwa na no omalalam so mapangyangyalak a vazay am pakasen na o apoy a apo do teyngato do tangain no aro a tao.

Ipaziman 13:13 Referans Kwoze

Matay 24:24

Ta amyan so tao no makwa a manci no ka si Kizisto da tao a kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da so tao. So icyakman da so sang a mapeycyakawad so nipamnekan na ni Ama ta do to a yamraralay nya tao.

Ipaziman 19:20

So nirakpan da so omalalam a kapazanod da so nimeyvazay so mapangyangyalak a makahaw a tao a rakpen. O makahaw a tao am nimeyvazay ori so mapangyangyalak a vazay a ipeykawad na so yanan no ipatotodo no omalalam a kano niomraralay no kamamagenan na tao. Omalalam rana kano makahaw a tao am niwalit na sira do akman so awa so karakorako a lila no apoy.

Ipaziman 16:14

Sira rana am kalamsoyan ni Satan a meyvazay so mapangyangyalak a vazay. Sira rana kalamsoyan ni Satan am mangay sira do peycyeylilyan na a meykala so panipanirsirngen a kalovot da sira a omarap si Ama ta do to no marateng rana o araraw ni Ama ta do to a tey mowyat a Tao do to.

Ipaziman 20:9

Makakaday sira o tao do peycyamahamahatawan a omlimot so yanan da ili no omanop ji Ama ta do to a tao. Am amyan so apoy a nipeyhekas ni Ama ta do to a itemtem na sira.

Make 13:22

Ta amyan so tao no makwa a manci no ka si Kizisto da kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da do nipamnekan na ni Ama ta do to a yamraralay nya tao.

Ipaziman 11:5

No amyan so tao a amnakenakem so kapeyzaza na sira am to makowbot do ngongoy da o apoy a itemtem da so kavosoyan da a kawakwak da rana.

2 Timotay 3:8

Akman si Yanayse a kani Yangpole a ji ngahap so apya nanao na ni Moyse am akman sang o vazay da no mangnanao no malas a tao. Ta yajyablis o pangtoktwan da. So ikabo na no katatenngan da a manoyong a nanao na ni Ama ta do to.

Matay 16:1

Amyan so tao a macyagom do Vadisay a kano macyagom do Satokay a mangay ji Yeso a omnakenakem so keyleylamdam da sya. Am ori o kakzeban da sya a mapacita no mapeyzokab a vazay na a yongkad na apo ji Ama ta do to.