Ipaziman 12:7 - Seysyo No Tao

⁷ Karahan am meyyarap sira do teyngato. O meyngaran so Micyale a tinsi a kano kararay na tinsi am macyarap do kamolay a kapalolo na no kamolay so kalamsoyan na macyarap jira.

Ipaziman 12:7 Referans Kwoze

Yota 1:9

Kakwakwan no panirsirngen no tinsi a meyngaran so Micyale a ji makadket ji Satan a avain, no kapeysolib da do kataotao ni Moyse no kawakwak na. O kanimanci na nya ji Satan so, “Ioya na imo ni Ama ta do to.”

2 Pite 2:4

O nimeyraraten a tinsi am ji na vonasa o raraten da. Ta nipangay na sira do kararatan. So nilyowan na sira aptengen do kasarisaryan a yamapanala so araraw ni Ama ta do to a mapeykapyapinpin so tao.

Ivoso 6:12

Ta yaten rana am beken a ta macililiman do tao. Ta tamo macililiman ji Satan a kano aro a kalamsoyan na yatomalamozong no meyraraten a tao do karawan.

Ipaziman 20:2

So nirakpan na no tinsi so kamolay. Iya rana ori o volay do Ityan no kakwa pa a meyngaran so Satan. So nivaodan na sya so asa zivo (1000) so awawan.

Ipaziman 12:9

kakas na sya ni Ama ta do to so rako a kamolay. Ori rana am nimeytetnga volay no kakwa. O ngaran na am si Satan a yatomirara so tao a yameyraraten. O kamolay rana am nimamispis do teyrahem. So icyakman da sang no kalamsoyan na iwalit na do teyrahem ni Ama ta do to.

2 Tesalonicya 1:7

Inyo rana a yakman jyamen a da peyrarehten am ji kamo alaw, ta balinasen na rana ni Ama ta do to o alalaw ta no si mai si Yeso a Panirsirngen ta a meygegcin apo do teyngato a maciralay do apoy a kano aro a mowyat a tinsi. So ikanoyong no ji nganoyong jya tao a kano ji ngamizing so Mapasaray a Ciriciring na ni Yeso a Panirsirngen ta a ioya na.

2 Kedinto 12:7

Ta maraherahet o kazway ko so teywara a nimacita ko a vazay do teyngato. So na iyan do kataotao ko no ko maliliw a akma ney bakbakan jyaken ni Satan. Ori o ko ji makadkeci do ko kapazway so kataotao ko.

Ipaziman 13:7

So to na rana myapyai sya amgogad no omanop ji Ama ta do to a tao a iharag na sira. So ikatey mowyat na tomalamozong no meykeytetngehan a tao do karawan a kano peycyamahamahatawan na kano meykataretarek so ciriciring a tao.

Matay 16:27

Yaken rana a Nipamnekan na ni Ama ta do to a tao am maciralay ko do azwazway na ni Ama kano aro a tinsi a meygegcin. To ko palololwa o yazaw ko so mina vazay da jyaken no tao.

Matay 13:41

Yaken rana a Nipamnekan na ni Ama ta do to a tao am manovoy ko so tinsi a mangay omrakep so tomirara so tao a meyraraten a kano marahet so ahahapan sya,

Matay 26:53

Manngwa, mo jyatenngi yaken? Ta si tawagan ko si Ama am jyabo kaji na manovoyan so makazivo a tinsi a somidong jyaken a.

Matay 25:41

“Karahan am maniring o Panirsirngen do tao a amyan do ozi na am, ‘Kazey kamo a yana panircirngan ni Ama ta do to. Ji kamo macisngen jyaken. Angay kamo a pacilovot do na sokzan si Satan a kano kararay na a yamyan do to meyyonong a yajyahesep a makotokotod a lila no apoy.

Matay 24:31

Manovoy ko so aro a tinsi a meyzapa a ipatao ko so tao do peycyavanovanwan na a mapeylovolovot so nipanop ni Ama ta do to a tao do teyhesa ka mahataw.

Sipolay 2:10

O alalaw na ni Yeso Kizisto am ori o na nipazanodan jyaten akma ney anak ni Ama ta do to a macikasaray do azwazway na. Ta si Ama ta do to rana a nimangamaog so karawan a tomketken do karawan am yatey manoyong o vazay na. Ta si Yeso Kizisto o meypalanginan nyaten a mangay ji Ama ta do to.

Ipaziman 12:8

Am nimaharag o kamolay. So ji da rana vezeji do teyngato no kamolay a kano kalamsoyan na,