Ipaziman 11:2 - Seysyo No Tao

² Am ji mo aktoktoi o pantaw na, ta o pantaw na am yarana nitoro do beken a tao do Yotay. Sira rana am ipeykaraherahet da o akma ney ili ni Ama ta do to a yadwa so ikasikalima (42) a vehan.

Ipaziman 11:2 Referans Kwoze

Ipaziman 12:6

a kaksoz no mavakes do kahasan a kangay na do angayan na nya ni Ama ta do to. So nipeyveyveknan na sya ni Ama ta do to so adwa so ikasikalima (42) a vehan.

Locya 21:24

So ikawakwak da do tarem no ipangan a karakep da so tatasa jira yangay do matarek a pongso. So to da makasii no tao na no Yelosaleng a peyyaliliman da no beken a tao do Yotay, mangay no si ipanci na ni Ama ta do to sira omtad no kazapas da so tao do Yelosaleng.

Ipaziman 11:3

Manovoy ko so rarwa ka meyyayob so zaping a tao a yongkad na ni Ama ta do to. Sira rana am ipeylimwang da o ciring na so adwa so ikasikalima (42) vehan.”

Ipaziman 21:2

Makarahan am macita ko o ili na ni Ama ta do to. Ori rana am Vayo a Yelosaleng a apo ji Ama ta do to do teyngato a nipagcin na do teyrahem. So icyakma ney meyvinavinaywan a tey mazway a citahen a mavakes a omrapong so mangay na seksekan a tao.

Ipaziman 22:19

No amyan so tao a komteb do ciring a yadomket do vakong eya am ji na rana mya ni Ama ta do to a koman so asi no kayo a yanan no to meyyonong a ikavyay no pahad a yadomket do vakong eya. So icyakman na sang a ji na mya a somdep do ili na ni Ama ta do to.

Matay 27:53

Mirwa mavyay si Yeso am karwan da o heseb da a mangay rana do Yelosaleng. So ikaro no tao a nimakacita sira ang.

Matay 5:13

“Inyo rana am akma kamoy asin no tao do karawan. Am no si tomavang ori am ikongo pavowin a kapait na. So ikabo rana no angangayan na. So to rana walici nya zazasagan no tao.

Matay 4:5

Makarahan am yangay na pa ni Satan si Yeso do Yelosaleng a kangay na nya do toktok na no rako a panaralayan da.

Ipaziman 11:11

Mavitos rana o kasisi so ikapat a araw am avyain na rana sira ni Ama ta do to. Ori o nipeyvangon da rana. Am ori o nikanyahey da no tao a makacita sira tomanek.

Sipolay 10:29

O to ngolala so Anak na ni Ama ta do to a kano rala na a makavonas so raraten na, kato na nazibo no yamanta no tao so pangangasyan a Seyzi am o akman rana sang a tao am makongo so wanjin. Naknakmen nyo pala. Jyabo kaji nakdengan no ipasingsingkad na sya ni Ama ta do to a.

Ipaziman 21:10

So nitalamozongan na nyaken no Seyzi. Makarahan am yangay na yaken no tinsi do toktok no tokon a kapacita na nya jyaken so apo ji Ama ta do to a nimeygegcin do teyrahem a Yelosaleng.