Ipaziman 10:5 - Seysyo No Tao

⁵ Komavos rana ori am o nimacita ko a tinsi a meytatanek do awa kado kacyan am macita ko rana mapatala so wanan na do teyngato,

Ipaziman 10:5 Referans Kwoze

Ipaziman 16:17

Paglowen na no ikapapito no tinsi o panay na do hanit am amyan so ciring a apo do lilisnan do panaralayan. Maniring am, “Cyana,” kwan na.

Ipaziman 14:7

Maniring a amlololos am, “Anooden nyo si Ama ta do to a iraralay. Ta yana marateng o araraw na no ipacici na a mapeykapyapinpin so tao do karawan. So raralayan nyo no yanimangamaog so hanit a kano teyrahem a kano awa kano tozongan no makakaday a atbod a ranom.”

Ipaziman 10:2

O lima na am meypinan so mavezay a likta vakong. O asa ka ai na am amzasag do awa. O asa ka ai na am amzasag do kacyan.

Ipaziman 4:11

“Panirsirngen namen, Tao do to namen, manoyong ka mahap so azwazway a kano keynakman a kano oyowyat. Imo nimangamamaog so makakaday. Mamimin a nakenakem mo o nikamaog no makakaday.”

Nimlivolivon 14:15

“Ikongo nyo icyakman so sang so vazay jyamen. Namen akman jinyo saon a tao am. O namen nyai jya am namen ipeylimwang jinyo o Mapasaray a Ciriciring ni Yeso. Namen ikakza inyo a komaro do ji meyngongyod a iraralay nyo. Apyapya pa o kararalay nyo no manoyong a Tao do to. Iya rana am nimangamamaog so karawan a kano meycyamadadayan.

Ipaziman 4:9

O anwanood da no apat a ka omalalam am azwazway a kano keynakem a kano sarasaray a yanood da so to meyyonong a mavyay a omlisna do lilisnan ang. No meyyanwanood sira o omalalam am,

Ipaziman 1:18

Yaken rana am to ko meyyonong a mavyay. Nimawakwak ko no kakwa. Am ko na mavyay sicyaikwaya a mangay do kaidan no karawan. Yaken rana am yatomalamozong no kawakwakan a kano yaomanam pa vazay ko do mawakwak a tao.

Sipolay 6:13

Nipanci na ni Ama ta do to ji Apolahan o keyyan no nakem na jya. Am to na mangozai o ngaran na a manci no keyyan no nakem na ji Apolahan, do kabo no makahad si Ama ta do to do karawan.

Loma 1:20

Yajyacita si Ama ta do to. Am nimakalapo no kamamaog na so karawan o kaji na ablisan no ka Tao do to na. Ta apo do nyamamaog na o ipakateneng jya Tao do to arako so oyowyat. So ikabo no tao a omalalas jya.

Nimlivolivon 17:23

Ko na nilivon o ili nyo a yatomita so nyo iraralay. So ko nipakacita so nyo nipariparing a papazosan nyo. O yadomket a vatvatek am, ‘Jyasingkaji a tao do to.’ Sicyaikwa rana ya am ko ipanci jinyo o nyo pa jyatenngi so ngaran a meyngongyod a Tao do to.