2 Pite 3:11 - Seysyo No Tao

¹¹ No si manoyong o kakman na sang a mabalinas no makakaday am makongo kamo so wanjin a tao. Am ori an, kakzan nyo no ji meylimoteng so onowned a tao a omraralay ni Ama ta do to,

2 Pite 3:11 Referans Kwoze

1 Pite 1:15

Naknakmen nyo o kaji nyo mapazavozan so marahet a vazay nyo. Ta si Ama ta do to a yanimapanop jinyo am yabo jiya o marahet.

Veydipi 1:27

O ahahapan nyo so onowned nyo do araraw am pehngehngain nyo do Mapasaray a Ciriciring na ni Kizisto an. Tana ji ko angay a tomita jinyo a kapakamizing ko jinyo a akmey asa so pangtoktwan a kano onowned a mowyat a meylimwang no Mapasaray a Ciriciring,

1 Pite 2:12

Ji nyo nginara o icicirawat da no ji nganoyong ji Ama ta do to a tao, ta arako o kapyapyan no iwawalam nyo a ka nira. Ta no si macita da inyo apiya so icicirawat no yatomamwad jinyo a kano yamazyak ninyo a tao am azwazwain da na si Ama ta do to no mai si Yeso Kizisto.

2 Pite 3:12

a omapananala so araraw ni Ama ta do to a ji meyyahahay a makaranes. No si marateng o araraw ori am matemtem o masaod no hanit. So ikabo na rana no masaod no hanit a omonag no lila no apoy.

1 Timotay 6:11

Am imo rana am na nipamnekan ni Ama ta do to a yamahap so vazay na. So peymakarwan mo na do akman sang a marahet a kahap mo so meysominogat a onowned. Macilolo ka do apyahen na ni Ama ta do to a kapeyhanhan mo nya. Ji mo a haywan o kapangarilaw mo. Ji ka hayohayowen. Ji ka oyaoyahen.

Yake 3:13

Sino jinyo o yamateneng a tao. No si myan am apyapya o kapehbo na so nakem na a mapeyvazay so apiya vazay.

Veydipi 3:20

Am yaten rana am italamozong na yaten ni Ama ta do to. So pananalan ta si Yeso Kizisto a Panirsirngen ta a meygegcin a apo do teyngato. Ta iya o mapatazadang jyaten do teyngato.

2 Pite 1:3

Na rana nipazanod yaten ni Ama ta do to no oyowyat na, akma ney anak do karawan. Am ori o ji tamo meylimotengi so onowned do araraw. O tamo ipakahap so sang am yaomagaz do tamo rana kapakateneng ji Ama ta do to a yanimapanop jyaten a yamapazanod jyaten do inawan na kano azwazway na ni Ama ta do to,

1 Timotay 6:3

Ano amyan so tao a meylimwang no macisala do ciriciring na ni Yeso Kizisto a Panirsirngen ta, kapacitarek na do ipangnanao ta ciriciring na ni Ama ta do to am,

1 Timotay 4:12

Tana malavayo ka am apzatan mo o ciriciring mo a kano icicirawat mo a kano pangangarilawan mo so icyatatao mo. Akman sang o onowned mo. Ta peycitacittan da imo no omanoyong ji Yeso, kaji da rana ngolalai so ipangnanao mo.

Matay 8:27

Am ori o nisavasavakan da nya. Maniring sira do kadwan jira am, “Ikongo a tao ya. Na kato ngamizngan pa sya no palanginan a kano abkas!”

Yake 1:24

a makapengkad so lolit no moing na, kato na rana angayan, ji na rana nakem o kapeyramon na.

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

1 Tesalonicya 1:5

Ta o namen nipeylimwang a Mapasaray a Ciriciring na ni Ama ta do to jinyo am beken a ciriciring namen ori. Ta namen ipeyhanhan o oyowyat no Seyzi a kano yameysominogat a onowned namen so ciriciring na ni Ama ta do to. Ta nyo mamimin a katenngan o onowned namen no kapacikaop namen pa jinyo do dang.

1 Timotay 6:6

Manoyong o katey yapya no omahap so vazay na ni Ama ta do to am tana abo nizpi am masaray an.

2 Pite 1:6

Apzatan nyo o onowned nyo do icyatatao nyo. Meypahagnat kamo so onowned a ji mapeyyan do onowned nyo so makakaday a alalaw. Ta ori o ikakdeng nyo rana so nakem a amraralay ni Ama ta do to.

Sipolay 13:5

Ji nyo pahama o kakzan nyo no nizpi. Isaray nyo no onowned o amyan rana jinyo. Ta maniring si Ama ta do to am, “To meyyonong o kaji ko ngarwan jimo. So ji ko mapaveyvowi jimo a manta nimo so kalahen mo no nakem.”

2 Kedinto 1:12

Namen isaray o na kapeypalanginan no nakenakem namen ni Ama ta do to do karawan. Am beken a teneteneng namen ori, ta namen pangozayan o teneteneng na kano pangangasyan ni Ama ta do to. Akman sang o na katey yapya no nakenakem ta so kadwan jyaten.

Loma 13:11

Peyvazain nyo o akman sang. Ta nyo katenngan o kakeykai na rana ni Yeso a mai a mahap jyaten. So ji nyo to ngitkehi. Ta meytataziman kamo.

Loma 13:12

Yakomavos rana o marahet a vazay da no tao do karawan. Na kapakaranes rana no yapiya na patazadangan jyaten ni Ama ta do to. Am ori o ji ta to peyvazai so jyapsepsek a vazay ta. Ta kahap ta so apiya vazay akmey voovoo a ipakaharag ta so amlita jyaten a Satan.

2 Pite 3:10

Am o araraw no yai na no Panirsirngen ta am jyaziman a akmey manakaw a tao. No si marateng o araraw ori am meykaing a matemtem do kakavos no karawan a kabo na rana no sinokob no hanit a kano teyrahem a matemtem no rako a lila no apoy. So ikabo na rana no masaod no karawan.