2 Pite 2:4 - Seysyo No Tao

⁴ O nimeyraraten a tinsi am ji na vonasa o raraten da. Ta nipangay na sira do kararatan. So nilyowan na sira aptengen do kasarisaryan a yamapanala so araraw ni Ama ta do to a mapeykapyapinpin so tao.

2 Pite 2:4 Referans Kwoze

Yota 1:6

Naknakmen nyo sira o nimeyraraten a tinsi a ji niomamizing si Ama ta do to a to ngaro do apiya yanan da do teyngato. Sira rana am na sira to peyyononga yavaoden ni Ama ta do to a yaneban do kasarisaryan a yaomapanala so araraw no ipasingkad na sira.

Matay 25:41

“Karahan am maniring o Panirsirngen do tao a amyan do ozi na am, ‘Kazey kamo a yana panircirngan ni Ama ta do to. Ji kamo macisngen jyaken. Angay kamo a pacilovot do na sokzan si Satan a kano kararay na a yamyan do to meyyonong a yajyahesep a makotokotod a lila no apoy.

Loma 8:32

Kakwakwan no Anak na yana ji ingbeywani a yana nitoro a mawakwak nyaten. Ney manngo rana o yamakakaday a kakzeben ta no nakem. Ta jyabo o na ingbeywan jyaten a.

Ipaziman 20:10

Si Satan rana a nimapeykawad sira am iwalit na do akman so awa so karakorako a lila no apoy. Am nimanmanma rana o makahaw a tao a kano omalalam do dang. Sira rana am abo maraw a abo mahep a ipeyrarahet da a mangay do kaidan no karawan.

Locya 10:18

Maniring jira si Yeso am, “Ko katenngan, ta ko nimacita rana si Satan a nimakeykai a nimakas do teyrahem a niharag na ni Ama ta do to.

1 Yowani 3:8

O meyraraten pa tao am macibedbed pa ori ji Satan. Ta nimeycicinda no kakwa o kapeyraraten na ni Satan. Ori na nyai no Anak ni Ama ta do to a ombalinas so vazay ni Satan.

2 Pite 2:11

Kakwakwan da no tinsi arakorako pa so oyowyat a ka nira am ji dadkeci sira rehrehten no ciriciring da do tangain na ni Ama ta do to.

2 Pite 2:5

Ji na nipeykabobo o raraten da no tao no kakwa. Ori o nipeykehnepan na sya a ibalinas na so ji mapanadnad si Ama ta do to a tao. Wawao sira Noya asa ka vahay a nivyay ni Ama ta do to, do kaji na nimapasalan do ciriciring na ni Ama ta do to a ipeylimwang do tao.

Locya 8:31

So nipasyasi da no aro a kalamsoyan ni Satan ji Yeso a manci no kaji na paksozan sira a tovoin do abo so takadan a gazawagaw.

Yowani 8:44

Inyo am anak kamo ni Satan. Ta nyo pangozayan o nakenakem no ama nyo a nimakalapo no kakwa o kapangap na so tao. Ji nakzan o manoyong a nanao, ta abo jya o manoyong a nanao. Cinatao na o kapangalalas na, ta iya rana am kapangalalas na a yapwan no makakaday a malas.

Make 5:7

a kalolos na. Maniring am, “Ikongo mo gogadan nyaken, mo Yeso a Anak no ney manokdwan na Tao do to. Ko ipanci do Tao do to o kaji mo pasingsingtan jyaken.”

Matay 8:29

Macita da si Yeso am amlololos sira. Maniring sira am, “Imo rana Anak no Tao do to am ikongo mo gogadan nyamen. Ori o mo nikasabsab a mai am mo pasingsingtan yamen?”

Yota 1:13

Sira akman so otab no awa yarana todapengkad so raraten. Sira akman so ananayo a jyatenngi so angayan. Am o angayan na nira ni Ama ta do to am to meyyonong a kasarisaryan.

2 Pite 2:9

Am katenngan na ni Ama ta do to a pahawahen sira o jyablis so onowned a makanakem sya a tao do alalaw da. So ipakateneng na ni Ama ta do to do meyraraten a tao a pasingsingtan no marateng o araraw na no peykapyapinpinan na so tao.

Loma 11:21

Kakwakwan no tao do Yotay a meyngongyod akmey yangaw no kayo a na ji ingbeywani am ney manngo kamo, ta jyabo kabeywan na jinyo a, do nyo kaji manganoyngan.