2 Kedinto 2:3 - Seysyo No Tao

³ Am ori an o ko nipeyteygamyan ninyo, ta maraherahet o karahet nyo so aktokto no si makaranes ko jinyo. Ta yako ipeyhanhan inyo a yamapasaray jyaken no si mangay ko jinyo do dang. Ta ko anoyngan o sarasaray ko a sarasaray nyoo.

2 Kedinto 2:3 Referans Kwoze

Cyalatay 5:10

Am ko ipeyhanhan inyo, do ta kapeyyangangay a macikaop ji Kizisto. Yabo kapacitarek no nakenakem nyo jyaken a. O tao rana mapeyzavozavoz jinyo am mangay a meydedna jya o peyoyaoyyan na ni Ama ta do to.

2 Kedinto 8:22

Am ori o namen ipanovoy so yasa ka mahakay a macihza jira. Iya rana am namen masangib rana yaileylamdamen so onowned. Am ori o namen pakatenngan jya a tey makdeng a yamanidong so tao. Am ori o na ikasaray so onowned a yasomidong jinyo.

Veydimeng 1:21

Ko anoyngan imo a omamizing jyaken. Ori o ko vatvatkan do teygami ya. Ko katenngan o karo no vazay mo do pahanhanan jimo.

2 Kedinto 7:12

O ko nivatvatkan do teygami ori am ko ivavaga do meyraraten a tao a kano ji na panadnada tao. Am o ney makdeng a peypeypangayan na pa no mina teygami ko jinyo am ko patwawen o apya nakenakem nyo jyamen do tangain ni Ama ta do to.

2 Tesalonicya 3:4

Namen ipeyhanhan inyo a sidongen na ni Yeso. Namen katenngan inyo a yajimtad a mapeyvazay so ninanao namen jinyo.

2 Kedinto 12:21

Ko ihawa o kapacimasesnek ko ninyo do tangain ni Ama ta do to no ipisa mangay ko jinyo. Jyabo kaji ko lavyan a makacita so aro a somagpyan a kano mangzakza no kakwa pa a ji mamlis so nakem a tao a.

2 Kedinto 12:11

Yako akmey mapazway a tao. Am monganay jinyo o yako ikakman sang a yaji mapazway jyaken do tangain no malas a tao. Tana abo angangayan ko am jyabo kaji ko maciktwan do yamangalalas a beken a lamlamsoy ni Kizisto a.

2 Kedinto 7:8

O mina teygami ko jinyo no kakwa am tana nikazabab nyo so onowned am ko ji nimaneseh. Am manakenakem ko am jyabo kaji nyo mazababan so onowned no mina ciring ko jinyo do teygami ko a. Am ori o icyakma koy maneneseh.

2 Kedinto 7:6

Am si Ama ta do to a marilaw no makasi a tao am ori nisomidong jyamen a yanitomovoy si Tito a yamapait jyamen.

2 Kedinto 1:15

Am ori o ko naknakman so keypirwa ko a mangay jinyo do dang. So ikanoyong nyo a ipidwa somaray.

1 Kedinto 4:21

Ikongo apyahen nyo a vazay ko si makaranes ko jinyo do dang. Manngwa, apyahen nyo o kaoya ko ninyo? No apyapyahen nyo o kasaray ko ninyo.

2 Kedinto 1:23

Ko tawagan si Ama ta do to a macingosongoso nyaken. No si mangalalas ko am cyaha, ta pasingsingkadan na yaken. Ori o to ko na manci no kaji ko nangayan do Kedinto a omwoya ninyo. Ta manakem ko o kapamlis nyo pa.

2 Kedinto 2:9

O peypeypangayan no mina teygami ko jinyo asyo am iskad ko do nakenakem nyo. Ta manngo paro sira, panoden da o nakem da jyaken an?

2 Kedinto 7:16

Ko tey masaray sicyaikwaya do ko kapeyhanhan rana ninyo.

2 Kedinto 13:10

O ko peyteygamyan ninyo am ko kakzeben o kaji ko oyyan ninyo a mangozay do oyowyat na ni Kizisto no si mai ko jinyo do dang. Ta o yana nitoro ni Kizisto a oyowyat na jyaken am isidong ko jinyo. Beken a ioya ko inyo.