1 Pite 5:9 - Seysyo No Tao

⁹ Pahadpeten nyo o nakem si Ama ta do to. Likodan nyo o vazay ni Satan. Ta nyo katenngan sira o akma nyoy kakteh do cinai a yakman jinyo a yamakasazi so alalaw da a yamraralay ni Ama ta do to.

1 Pite 5:9 Referans Kwoze

Yake 4:7

Am ori an, onotan nyo ji Ama ta do to. Pasobnan nyo si Satan a kakaro na rana jinyo.

Nimlivolivon 14:22

So nikakadayan da so amraralay ni Yeso a tao a paiten so nakem a to ngotokot a amraralay ni Ama ta do to. Maniring sira jira am, “Yaten rana a yamraralay ni Yeso am aro masapa ta alalaw no macikaop ta do italamozong na ni Ama ta do to.”

1 Pite 2:21

Ori o peypeypangayan na no na panopan jinyo ni Ama ta do to. Ta akman sang si Yeso Kizisto a nimanngannga ninyo. So inaran nyo sya a to nazibo no alalaw nyo.

1 Kedinto 10:13

O yana ilita jinyo ni Satan am yabo dang vayo. Am katey manoyong na ni Ama ta do to a mapahawa so ikarahet nyo a ilita na jinyo ni Satan. Ta oyatan na inyo ni Ama ta do to no littan na inyo ni Satan. So ikapiya nyo a ipeypalanginan na ni Ama ta do to a mahap so apiya vazay.

2 Timotay 3:12

Mamimin o macilolo ji Yeso Kizisto a mapeyvazay so nanao ni Ama ta do to a peyrarehten da.

Ivoso 6:16

O peyhanhanan nyo ni Kizisto am akma nyoy sirong a izazat nyo do akmey apoy a ilita na jinyo ni Satan.

1 Pite 3:14

Tana meyrarahet kamo do kanoyngan nyo am somaray kamo. Ji nyo anyaheyan o tatasa ka tao a omalalaw jinyo. Ji kamo a rahet so onowned.

Sipolay 11:33

Ikongo do nipeyhanhan da si Ama ta do to, am ori o nipakahap da so mina ciring na jira a somidong sira. So nibalinasan da so tao do livolivon no ili da. So nikapiya na rana no nyahahapan da sya. So icyakma dey nisomengseng do ngongoy no kokoman so tao, do kapeyhanhan da ni Ama ta do to a somidong sira.

1 Timotay 6:12

Makowyowyat ka omahap so vazay na ni Yeso akman so macipalayolayo a komakzeb so kangay na do pacipanmanma na. Ji mo to nazibwan o nitoro na rana jimo a to meyyonong a ikavyay no pahad mo. Ta ori o na agagazan no na nipamnekan jimo ni Ama ta do to. So mo na nipeylimwangan no nang do tangain no aro a tao. So ikanoyong no akman sang.

1 Tesalonicya 3:3

a kaji da oniban so nakem no kadwan jinyo no peyrarehten da inyo. Ta kangay na ori no alalaw ta a omraralay ni Yeso Kizisto.

Ivoso 4:27

Ta no si akman kamo sang am kalittan kamo a littan ni Satan.

Ipaziman 6:11

Makarahan am maponged sira no malavang a magorogod a kapakamizing ko so ciring a manci nira meywalam pa, mangay no si mablit rana sira o kararay da a mahap so vazay ni Yeso Kizisto a akma dey kakteh do cinai a akman sira wakwaken da.

1 Pite 4:13

Kasaray nyo a macizanod so alalaw ji Kizisto. Ta ori o ikasaray nyo no mai rana si Kizisto.

1 Pite 1:6

Ori o sarayan nyo nya an. Tana yaro pa o alalaw nyo sicyaikwaya am cyaha, ta ji meyyonownay o akman sang a mavitos.

Kelosi 2:5

Tana ko ji ngyan jinyo do dang am cyaha, ta yamyan jinyo o onowned ko. So ko ikasaray a yamakanakem jinyo a mowyat so onowned a meyhanhan ni Kizisto.

Yowani 16:33

O ko pancyan no nang jinyo am ko ipadnadna so nakem nyo a macikaop jyaken. Am mangay o kalalaw da jinyo no ji manaralay a tao. Am ji kamo a zabab so onowned an. Ta ko na niharag o yamrahet so karawan.”

Ipaziman 7:14

Maniring ko am, “Imo o makateneng jya.” Maniring jyaken am, “Sira rana am nimasapa da o rako a alalaw da no kakwa. Sira rana am nioyasan da no rala no Kagling o ayob da. So na ikalalavang rana no ayob da.

Locya 22:32

Am ko na nipeynozi imo. So ji na ablisi no nakenakem mo jyaken. No mamlis ka so nakenakem am vavagan mo sira o akma moy kakteh do cinai an.”

Ipaziman 1:9

Yaken rana am si Yowani ko a akma nyoy kakteh do cinai. Ta yata akmey asaha do tangain ni Yeso. So yako ipacizanod jinyo a yaji macizizikna do alalaw nyo, do yana katalamozongan nyaten ni Ama ta do to. Niplin da yaken do alikey a pongso a meyngaran so Patemo do kapeylimwang ko no ciriciring na ni Ama ta do to a kano nanao a nipatwaw ni Yeso Kizisto.

2 Timotay 4:7

O vazay ko rana ji Ama ta do to a na nitoro jyaken am ko na nimamimin a nipateyka nipeyvazay. Akman so malalayo a tao a omtad rana malayo. So ko rana nimiminan so manoyong a nanao a nyahap.

Sipolay 12:8

No si ji kamo nanao am ji kamo meyngongyod a anak na.