1 Pite 5:2 - Seysyo No Tao

² Pakapyahen nyo sira nanawen o akma ney kagling ni Ama ta do to a yana nitoro jinyo a yaponged nyo. Am taosya o kasalit nyo so onowned a mapeyveyveken sira. Beken a no panizpin da inyo o ipeyvazay nyo. Ta manoyong o kasaray no onowned nyo a somidong sira.

1 Pite 5:2 Referans Kwoze

Tito 1:7

Ta o manoyong a yamahap so vazay na ni Ama ta do to a yatomalamozong no kyokay am abo o karatan na. Ta iya rana am ji mapahama so nakem. Jyaoyaoyahen. Ji mapeyvazay so keyyop so saki. Ji mamakbak so tao. Ji mangamkam so nizpi no icyatatao na.

1 Timotay 3:8

O somidong rana so tomalamozong no kyokay a tao am akman sang, ta apiya o icicirawat da. So ji da mangononongi so malas a ciriciring. Jyasakisakin. Beken a nizpi o manakem da.

Tito 3:1

Pazimanen mo jira o kownot da do vazay no makayokod nira tao. Amizngen da o pipya vazay a ipanci da.

1 Timotay 3:3

jyasaki, ji macililiman, apiya o nakenakem so icyatatao, ji mangamkam so nizpi.

1 Kedinto 9:7

Sino o mangay do itaysang a tao a to ngonongonong do kanen na palolwen. Sino o meymowa so asi no kayo a jyangan so asi na. Sino jinyo o mangonong so kagling a ji meyyakan so kagling.

2 Pite 2:3

Sira rana malas so ipangnanao a tao am mangamaog sira so ciriciring a ipeylimwang da ipangap da so apzapzatan no tao a ikadpeh jira. So iyan na rana no kakwa no oyyan na nira ni Ama ta do to. So ikanoyong da rana ji rana makasaway do pasingsingtan na jira ni Ama ta do to.

Sipolay 12:15

Makapzat kamo, ta mapehes jinyo o pangangarilawan ni Ama ta do to. Makapzat kamo, ta amlida do onowned nyo o raraten nyo. Ta no meyparako ori am makangingit so tao a meyraraten.

Tito 1:11

Ji mo mamyapyan sira o akman sang a tao a meyzezyak an. Ta sira rana am da naknakmen o da kapangamkam so nizpi do icyatatao da. So na ikaro rana no tao do peykavakavahayan na nipeykaraherahet no malas a nanao da.

Locya 12:32

“Inyo rana a macilolo jyaken am ji kanyo anyahey an. Ta isaray na ni Ama ta do to o katalamozong na ninyo.

Veydimeng 1:14

So ko kakdayan jimo a to meynakem nya ikarilaw. Taosya kasalit mo a marilaw nya. Am no si ji mo amya am cyaha, to ko macipanadngi imo.

Tito 2:14

Na nipalit ni Yeso Kizisto no kataotao na o raraten ta. So ikaro ta rana do makakaday a ta pineyraratenan. So icyakma tamoy matnaw a ranom so onowned a omanod jya, mowyat a meyvazay so apya vazay.

Loma 1:15

Am ori o ko ikakman sang a yamakza no kapeylimwang no Mapasaray a Ciriciring na ni Ama ta do to jinyo a yameyili do Loma a tao.

Nimlivolivon 21:13

Am maniring si Pawlo am, “Ikongo nyo lavyan jyaken a ko ikarahet no onowned. Cyaha, ta ko ahapen o vazay ni Yeso a Panirsirngen ta. Tana vaoden da yaken do Yelosaleng a mawakwak do dang am cyaha, ta nakenakem ko an.”

Nimlivolivon 20:29

Ta ko katenngan si karwan ko rana inyo am amyan so mangalalas a tao a mai a omnanao jinyo a mapeycyakawad jinyo a amraralay ni Yeso a tao.