1 Pite 2:7 - Seysyo No Tao

⁷ O akmey lalitan rana am tey makdeng jinyo a omraralay ni Ama ta do to. Am o lalitan rana do ji raralay ni Ama ta do to a tao am ji da tenngi o kakdeng na. Akman so ciring do Seysyo. Maniring am, “O Vato a niwalit da no mapatnek so vahay am nimeyvoga a ney makdeng na aslet no ai no vahay.”

1 Pite 2:7 Referans Kwoze

Matay 21:42

Maniring si Yeso jira am, “Ji nyo nivilangan pa o ciring do Seysyo? Maniring am, ‘O Vato a niwalit da no mapatnek so vahay am yarana nimeyvaliw a ney makdeng na aslet no ai no vahay. So ikanoyong no vazay ni Ama ta do to a mapeyzokab.’

1 Pite 2:8

Maniring pa do Seysyo am, “O Vato rana ori am cikadan da no tao a ikalektek da.” O icikad da no tao am ji da nganoyngi o ciriciring na ni Ama ta do to. Ori rana am ahapan na ni Ama ta do to so ji manaralay a tao.

1 Pite 1:8

Tana nyo jyacita si Yeso Kizisto sicyaikwaya am nyo katenngan o nyo kararalay nya. Abo rana o ciriciring jinyo, ta kamo tey masaray rana so onowned.

Sipolay 11:31

Ikongo do ipeyhanhan na si Ama ta do to no manakaw a mavakes a meyngaran si Laha, am ori o ji na nimacikazosoji jira kano aro a ji ngonot ji Ama ta do to a tao a mawakwak. Ta nitaotao na o nitovoy no Isedi a tao a omileylamdam so tao do Yedike.

Sipolay 4:11

Am ori o ikowyowyat ta pa a omonot do ciriciring na ni Ama ta do to. Ta ori o ipacikaop ta ji Ama ta do to. Sino ka paro a ominara so ji nganoyong do ciriciring na ni Ama ta do to a tao a yatey marahet so vazay.

Tito 3:3

Yaten rana no kakwa pa am abwata o katatenngan ta a ji mangamizing a akmey mavozaw pa so aktokto a to mangozangozay do onowned ta a makza no meycyamadadayan do karawan. So ikanoyong ta amyan pa do peyraratenan ta kano panginanehtan ta kano pasikaokaoyyan ta.

Kelosi 2:10

Yakamo rana a macikaop ji Kizisto. Am ori o nyo rana ipakahap so to meyyonong a ikavyay no pahad nyo. So na ikanoyong a Panirsirngen ta, ney manokdwan na do karawan.

2 Kedinto 2:16

Am o ji nganoyong jya tao am ikaoya da o akman sang a ciriciring na ni Ama ta do to, do kangay na jira no peyoyaoyyan ni Ama ta do to no makwa. Am omanoyong jya tao am ikavyay no pahad da. Sino makapeyvazay so akman sang a rako a vazay.

Loma 15:31

Ipeynozi nyo yaken, a kaji da manaptan jyaken no ji manaralay a tao a meyvahay do Yotay, a kasaray da no sinjya do Yelosaleng a mahap so kingking a yako yangay jira.

Loma 10:21

Am maniring pa si Ama ta do to do Isedi a tao a nipanci na ni Isayya am, “Ko jimtadan sira tawagan am yada ji ngamiznga o ciring ko.”

Nimlivolivon 26:19

“Am ori mo Aglipa a panirsirngen, o ko to mangozai do yana nipanci jyaken ni Yeso no kapakacita ko sya.

Yowani 4:42

Ta maniring sira do mavakes am, “Beken a ciring mo an o namen ipanganoyong rana sicyaikwaya. Ta namen nipacimatan a yaniomamizing so ciring na. Am ori o namen anoyngan rana jya a mapatazadang so tao do karawan.”

Locya 20:17

Citahen na sira ni Yeso am pacicin na sira. Maniring am, “No si ipanci nyo o kabo no akman sang a vazay ni Ama ta do to am ikongo na peypeypangayan no nivatvatkan do Seysyo. Ta maniring am, ‘O Vato a niwalit da no mapatnek so vahay am nimeyvoga a ney makdeng na aslet no ai no vahay.’

Locya 2:32

Iya rana am akmey araw a tomiray so beken a tao do Yotay. So torwan mo no azwazway mo jyamen a Isedi a tao.”

Locya 2:34

So nitoyotoyonan na sira ni Simoyang a kapanci na nya ji Madiya so, “Manoyong o kanakan eya na nipamnekan ni Ama ta do to. Aro omanoyong jya tao. Aro ji nganoyong jya. So ikaro da no tao a maoya nya.

1 Pite 2:4

Omasngen kamo so nakem ji Yeso Kizisto a Panirsirngen ta. Ta iya rana am yamanta nyaten so to meyyonong a ikavyay no pahad ta. So na icyakmey lalitan a tey mehni. Tana to da nazibwan no tao am jyakman sang si Ama ta do to a to nazibo nya. Ta si Yeso am nitenngan na ni Ama ta do to akmey lalitan a ikehni no onowned ta.