1 Pite 1:25 - Seysyo No Tao

²⁵ Am o ciring na ni Ama ta do to am to meyyonong.” Ori rana am Mapasaray a Ciriciring na ni Ama ta do to a yanamen rana nipeylimwang jinyo.

1 Pite 1:25 Referans Kwoze

Matay 5:18

To ko na macitangayan jinyo am tana todangay do kaidan no karawan am abo asa ka ciring ni Ama ta do to a mabalinas.

1 Yowani 1:1

Namen padketen do teygami eya o Ciring a yapwan no to meyyonong a ikavyay no pahad. Ori rana am Ciring na ni Ama ta do to a nimeycicinda a nimyan no kakwa. Nimamizing namen rana o ciring na. Nimacita namen rana ori. So na ikanoyong no kanimakacita namen sya do kanimacihza namen jya no keyyan na do teyrahem. Iya rana am si Yeso Kizisto.

2 Pite 1:19

Ori o yanamen ji palasi so ciring a yada ipeylimwang no panoyonoywan na so ciring ni Ama ta do to a tao. So pakamyamizngan nyo pala so ciring ang. Ta ori rana am yakmey zampo ori a yatomiray so kasarisaryan, mangay do idada na rana no araw do madagdag. So icyakman na sang si Yeso a omzezak so onowned nyo a mangay do araraw no yai na rana.

Locya 16:17

Am makeykeykai pa o hanit a kano karawan a mabo a kano asa ka ciring na ni Ama ta do to.

Ivoso 2:17

O na nyai ni Kizisto am na ipeylimwang do aro a tao o Mapasaray a Ciriciring na ni Ama ta do to, pacyangayan nyo a beken a tao do Yotay a ji makateneng ji Ama ta do to no kakwa ka nira tao do Yotay.

Yowani 1:14

So nipeyvaliw no Ciring a tao a macikaop jyaten a tey rako so pangangarilawan a tey manoyong. So nipakacittan namen rana so azwazway na. So ikanoyong na abo so ikararwa angayan no azwazway. Ta iya rana am veyvowen na Anak ni Ama ta do to.

Yowani 1:1

No kaji na pa amaogan no karawan am amyan rana o Ciring ni Ama ta do to. O Ciring rana am macilovot ji Ama ta do to. O Ciring am manoyong a Tao do to.

1 Yowani 1:3

O nimacita namen a kano nimamizing namen am namen toywen jinyo. So ikanoyong nyo na macikaop jyamen a akma nyoy kakteh do cinai, do namen kapacikaop ji Ama ta do to a kano Anak na si Yeso Kizisto.

1 Pite 2:2

Akman kamo so nimatazak a kanakan a komakday so meyzoko a akmey kanen no pahad nyo. So yopan nyo so sang a ipeypahagnat nyo a macikaop ji Ama ta do to.

1 Pite 1:23

Ta inyo rana am yamyan rana jinyo so to meyyonong a Ciriciring ni Ama ta do to a ikavyay no pahad nyo.

1 Pite 1:12

Nipaziman na rana ni Ama ta do to do panoyonoywan na so ciring a tao o ka beken na monganay jira no ipanci da vazay. Ta monganay jinyo a omanoyong jya. Am sicyaikwaya am na rana nioyatan sira no Seyzi o yameylimwang no Mapasaray a Ciriciring jinyo. Am o da ipeylimwang ori am mangay do tinsi o yamakza nya a katenngan.

Tito 1:3

So peylimwangan no akman sang sicyaikwaya. Ori ko pangozayan do ngaran na ni Ama ta do to a nitomovoy jyaken a yameylimwang no akman sang a nanao na. Ta iya rana am mapatazadang jyaten do teyngato.

Ivoso 3:8

Tana mina saod na so kabo no kapsepsekan ko am na manket yaken a pahanhanen a meylimwang nya jinyo a beken a tao do Yotay so aglaglaw na jyaten ni Kizisto.

1 Kedinto 2:2

Ta mina to ko na mamneki do kabo no yamatarek a yako inanao jinyo. Ta si Yeso Kizisto a nipadket da do jyojika o yako inanao jinyo.

Sipolay 6:5

Sira rana am mapeyneynara da rana o katey yapya na no ciriciring na ni Ama ta do to. So da ipakateneng do mapeyzokab a oyowyat ni Ama ta do to.

Ipaziman 14:6

Macita ko o tinsi am somalap do hanit. Iya rana am yanan no to meyyonong a Mapasaray a Ciriciring na ni Ama ta do to a ipeylimwang na do peycyamahamahatawan na kado peycyeylilyan na kado meykataretarek so ciriciring do karawan.