1 Pite 1:22 - Seysyo No Tao

²² Kamo manoyong a yarana ji meylimoteng so onowned a yamarilaw no akma nyoy kakteh do cinai, do yanyo kanoyong a yaomonot do nanao na ni Ama ta do to. So ikakdekdeng nyo pa a marilaw no kadwan jinyo.

1 Pite 1:22 Referans Kwoze

1 Timotay 1:5

O agagazan no akman sang a ciriciring ko am ko kakzeben o kapakateneng da do pangangasyan da so tao apo do ji meylimoteng a onowned da a manoyong a meyhanhan ni Ama ta do to. So ikabo na no vazay da a somala do nakenakem da.

Sipolay 13:1

Mangday kamo do araraw a masicyakarilaw a akman so meyketeketeh do cinai.

1 Yowani 4:12

Abo tao a nimakacita si Ama ta do to. Am no si masicyakarilaw tamo am manoyong kapacikaop na jyaten ni Ama ta do to, do kanoyong ta na mapatwaw so pangangarilawan na.

1 Yowani 4:7

Masicyakarilaw tamo manga ovay an. Ta yapo o pangangarilawan ji Ama ta do to. O mangarilaw a tao am manoyong a anak ni Ama ta do to, do kapakateneng da ji Ama ta do to.

1 Pite 3:8

Ko pakoyokoin jinyo am akma kamoy asa so ahahapan sya masicyakarilaw. Akman so aryarilaw nyo so kakteh nyo o karilawan nyo no akma nyoy kakteh do cinai. Makapiya kamo so nakem do kadwan jinyo. Masicyakanig kamo.

Yake 4:8

Macikasngen kamo ji Ama ta do to a kapacikasngen na jinyo. Inyo a yameycyakawad so nakem ji Ama ta do to a tao am ablisan nyo na o malas a onowned nyo a kaji nyo na meylimotngan so onowned.

1 Yowani 3:23

O ciring na jyaten ni Ama ta do to am anoyngan ta o Anak na si Yeso Kizisto a manci no kapasicyakarilaw ta.

2 Tesalonicya 1:3

Manga kakteh, namen mangday do araraw inyo a isaray ji Ama ta do to. So ikanoyong na no akman sang an. Ta yakamo meypahagnat so nakenakem do yanyo kapeypakdeng so aryarilaw so kadwan jinyo.

1 Tesalonicya 3:12

Inaoy no si oyatan na inyo a meypahagnat so pangangarilawan a marilaw no kadwan jinyo, pacyangayan no karwan no tao, akman jyamen a yamarilaw ninyo.

1 Yowani 4:20

No amyan so tao a manci no kararalay na ni Ama ta do to a kapacioya na pa do akma ney kakteh do cinai am mangalalas a tao o akman sang. Ta kaji na aryarilawan no macita na akma ney kakteh do cinai a imanngo rana yajyacita ta Tao do to.

1 Pite 2:17

Ikanig nyo o kadwan jinyo. Ikarilaw nyo sira o akma nyoy kakteh do cinai. Panadnaden nyo si Ama ta do to. Ikanig nyo sira o makayokod ninyo a tao.

Nimlivolivon 15:9

pacittan na no kapeyyangangay na jyaten a patazadangen do teyngato. Na nivonas o raraten da no beken a tao do Yotay, do da kanoyong rana ji Yeso.

1 Yowani 3:11

O ney manma na nimamizing nyo a nanao am masicyakarilaw takamo an.

2 Pite 1:7

Makakdekdeng kamo pa omraralay ni Ama ta do to a marilaw no akma nyoy kakteh do cinai. Inarahen nyo si Ama ta do to so pangarilawan a marilaw no aro a tao.

Veydipi 1:9

O ko peynozyan ninyo am kaji na meypahahayan no pangangarilawan nyo a meypahagnat. Akman sang o teneteneng nyo a makapatak no makakaday a vazay.

Ivoso 4:3

Makowyowyat kamo pa mapeyyanowanop so kadwan jinyo. Ta ori o icyakma nyoy yasa so onowned a yanan no Seyzi.

Cyalatay 5:5

Am yaten rana am na oyatan yaten no Seyzi a meyhanhan ni Yeso Kizisto. Am ori o na abnekan rana jyaten ni Ama ta do to a abo rana so raraten do tangain na.

Ipaziman 2:4

Am yamyan so yasa ka vazay a yako oyyan ninyo. Ori rana am yarana nimablis o nyo kararalay nyaken. So nyo rana jyakmai no kakwa so onowned.

1 Pite 4:17

Yarana marateng sicyaikwaya o araraw no yana ipeykapyapinpin so tao ni Ama ta do to. Am papwen na do omanoyong jya tao o pacicin na. No si panmahen na yaten a pacicin ni Ama ta do to am makongo paro sira so wanjin o jya niomanoyong do Mapasaray a Ciriciring na ni Ama ta do to a tao.

1 Pite 4:8

O ney makdeng na am ikarilaw nyo o kadwan jinyo. Ta o pangarilawan rana am mapeyyopowpas so makakaday a pasicyakaoyyan ta do karawan.

Sipolay 11:8

Si Apolahan rana am nionotan na si Ama ta do to do kapeyhanhan na nya. Am ori o nikarwan na do keymiminili da a mangay do tovoyan na sya ni Ama ta do to a pongso a itoro na jya ni Ama ta do to. Am no kakaro na do keymiminili da am ji na tenngi o angayan na.

Sipolay 9:14

Kakwakwan na rana no rala no kagling a kano baka a ipanci da makavoga so nikaratan da. Imanngo rana o oyowyat no rala ni Kizisto. Ta nioyatan no Seyzi a mapatanang so abo so karatan a kataotao na ji Ama ta do to. Jyabo kaji na haraharan pa makavonas so marahet do onowned ta a ombalinas so malas a icicirawat ta. No si manoyong o kakman ta sang am manoyong ta pahanhanen na ni Ama ta do to do vazay na.

Sipolay 6:10

Ji mapeycyakaban si Ama ta do to. So na ji makahamangi do pangangarilawan nyo a kano vazay nyo. Ori rana am vazay nyo do karwan no sinjya a yajimtad a yasomidong sira.

2 Kedinto 6:6

Am keyyan no teneteneng namen a kano pangarilawan namen a omzat do nakenakem namen. Am ori o to namen nangboi sya. So kapya namen a nisidong no Seyzi a meyngongyod a marilaw no tao.

Yowani 15:17

Masicyakarilaw kamo an, ta ori rana am ciring ko jinyo.

1 Pite 3:1

Inyo rana mavakes am onotan nyo o kahanghangan nyo. Ta no si amyan jira ori so ji nganoyong do Ciriciring na ni Ama ta do to am anoyngan da rana, do pakacittan da so apiya icicirawat nyo. So ikapyapya no apya icicirawat nyo a kano aro a ciring nyo a inanao nyo sira.

Sipolay 5:9

Komavos o vazay na ni Yeso am tombod rana jya o to meyyonong a ikavyay no pahad da no yaomonot jya tao,

2 Timotay 1:14

Am ori o peyhanhanan mo no isidong na jimo no Seyzi a yamyan jyaten a kapzat mo do manoyong a nanao na ni Ama ta do to a nitoro na jimo a ipeylimwang mo.

1 Timotay 5:2

No nanawen mo sira o rarakeh a mavakes am to mo peynara sira do ina mo an. No nanawen mo sira o malalavayo a mavakes am makapya ka so nakenakem a omnanao sira. So ikanoyong nyo a akmey meyketeketeh.

1 Timotay 4:12

Tana malavayo ka am apzatan mo o ciriciring mo a kano icicirawat mo a kano pangangarilawan mo so icyatatao mo. Akman sang o onowned mo. Ta peycitacittan da imo no omanoyong ji Yeso, kaji da rana ngolalai so ipangnanao mo.

1 Timotay 1:3

Apyapya kato mo ngyanan do Ivoso akman so mina ciring ko jimo no kapeypangay ko do Maciton a omzazat do yameylimwang no malas a nanao.

2 Tesalonicya 2:13

Inyo rana manga kakteh a na ikarilaw ni Ama ta do to am namen masangib inyo a isaray ji Ama ta do to. Ta no kaji na pa amaogan no karawan am nipamnekan na rana inyo ni Ama ta do to a ahapen. So nyavaywan na so onowned nyo no Seyzi a kowyat na jinyo a omanoyong do nanao na ni Ama ta do to.

Cyalatay 3:1

Inyo rana abwata so kapsepsekan a tao do Cyalatay am yamanoyong na kanidomket ni Yeso Kizisto do jyojika. Am sinosino yamapeykawaw jinyo. Manngwa, kamo mavota saon?

Cyalatay 5:7

Kanyo tey yapya so ahahapan sya a yamnakenakem si Kizisto. Sino a yamazazat jinyo a yanyo kaji ngonotan do manoyong a nanao.

Loma 8:13

Ta no si to nyo mangozai o adan a onowned nyo am jyabo kaji nyo angayan do kararatan a. Am no si onotan nyo o Seyzi a komaro do raraten nyo am jyabo kaji nyo avyayan do teyngato a.

Loma 2:8

Am o yatomaosya so manoyong a nanao na ni Ama ta do to a yaomonot do malas a vazay da am meydedna jira o peyoyaoyyan na ni Ama ta do to.

Loma 1:5

Am ori o ko pangozayan do ngaran na a yamahap so vazay na yamapanop so tao a yaomanoyong ji Yeso Kizisto do peycyamahamahatawan na,

Yowani 17:17

Peyyanen mo o ciring mo do onowned da. So ikanoyong da rana ji meylimoteng so onowned. Ta o ciring mo am tey manoyong.

Yowani 15:3

Inyo rana am kamo na akmey manownaw so onowned no nanao ko a yako ninanao jinyo.

Nimlivolivon 6:7

Am ori o nipeylimwang na rana no ciriciring na ni Ama ta do to. Am ori o to da raparapai jira no omanoyong ji Yeso do Yelosaleng a karo da rana. Tana mapatanatanang so nakem da si Ama ta do to am aro sira omanoyong rana ji Yeso.

Yowani 17:19

Ko itoro jimo o kataotao ko. So icyakman da sang a tomoro no kataotao da jimo a mahap so vazay mo.

Yake 1:21

Am ori an, vonasan nyo so marahet a nakenakem nyo a kano marahet a icicirawat nyo a omonot ji Ama ta do to a omahap so ciriciring na a na akmey nipamowa do onowned nyo a mapatazadang jinyo do teyngato.

1 Pite 1:2

Nakenakem na ni Ama ta do to o yana kanimapanop jinyo a omanoyong ji Yeso. So yanyo ikanoyong rana a yana nyavayo no Seyzi so onowned a yaomonot ji Yeso Kizisto, do kanimvonas na so raraten nyo no rala na. Inaoy si arakorako pa o pangangarilawan na kano apiya onowned nyo a itoro na jinyo ni Ama ta do to.

1 Pite 3:20

Sira rana am ji da nyanoyngan si Ama ta do to no kapamaring na ni Noya so avang na. Kakwakwan da ji manganoyong am ji na nikahayo sira ni Ama ta do to a nanalahen a mamlis. Tana wawao sira o nisomdep do avang ni Noya am nivyay na sira ni Ama ta do to do rako a henep.