1 Pite 1:2 - Seysyo No Tao

² Nakenakem na ni Ama ta do to o yana kanimapanop jinyo a omanoyong ji Yeso. So yanyo ikanoyong rana a yana nyavayo no Seyzi so onowned a yaomonot ji Yeso Kizisto, do kanimvonas na so raraten nyo no rala na. Inaoy si arakorako pa o pangangarilawan na kano apiya onowned nyo a itoro na jinyo ni Ama ta do to.

1 Pite 1:2 Referans Kwoze

2 Tesalonicya 2:13

Inyo rana manga kakteh a na ikarilaw ni Ama ta do to am namen masangib inyo a isaray ji Ama ta do to. Ta no kaji na pa amaogan no karawan am nipamnekan na rana inyo ni Ama ta do to a ahapen. So nyavaywan na so onowned nyo no Seyzi a kowyat na jinyo a omanoyong do nanao na ni Ama ta do to.

1 Pite 1:22

Kamo manoyong a yarana ji meylimoteng so onowned a yamarilaw no akma nyoy kakteh do cinai, do yanyo kanoyong a yaomonot do nanao na ni Ama ta do to. So ikakdekdeng nyo pa a marilaw no kadwan jinyo.

Sipolay 12:24

Inyo rana am kamo rana nimakaranes do tangain ni Yeso a yanimanta ninyo so vayo a pangozayan a ciring na ni Ama ta do to a na rana nitaktakan no rala na. Ta o rala na ni Yeso o mapanop jyaten ji Ama ta do to a omagaz do kapyapyan. Ta o rala na ni Yapo am omagaz do kararatan.

Loma 11:2

Na jya nitaosya ni Ama ta do to o nipamnekan na pa tao no kakwa. Nyo jyatenngi o ciring do Seysyo? No karaherahet na so Isedi a tao ni Idiya do tangain na ni Ama ta do to am,

2 Pite 1:2

Inaoy si itoro na ni Ama ta do to a kani Yeso a Panirsirngen ta o pangangarilawan na kano ikapiya no onowned nyo, do yanyo kanoyong a yarana makateneng ji Ama ta do to a kani Yeso Kizisto.

Nimlivolivon 2:23

O nakenakem na ni Ama ta do to no kakwa am hapen nyo si Yeso a itoro do marahet so nakenakem a tao a kapadket da sya do jyojika a wakwaken.

Loma 16:26

Am sicyaikwaya am yameylimwang rana o nivatvatkan da no panoyonoywan na so ciring na no kakwa. Ori rana am ciring na do peycyamahamahatawan na no to meyyonong a Tao do to. So ikanoyong da na no tao a meyhanhan nya.

2 Timotay 2:10

Am ori o ko to liliwi so yamakakaday a da peyrarehtan jyaken, do ko kasidong so nipamnekan na ni Ama ta do to a tao a omanoyong ji Yeso Kizisto. So ikanoyong da makahap so to meyyonong a pangangarilawan na kano azwazway.

1 Kedinto 6:11

Yamyan jinyo so nimakman so sang no kakwa. Am kanivonas na rana so raraten nyo ni Ama ta do to. So nyo rana ipacikownongan ji Ama ta do to a kabnek na rana ninyo a abo so raraten do tangain na, do kapeyhanhan nyo ni Yeso Kizisto a Panirsirngen ta kano katalamozong na jinyo no Seyzi na ni Ama ta do to.

Make 13:27

Pasonsonen ko o tinsi a mangay do peycyamahamahatawan a kalovot ko sira so nipamnekan na ni Ama ta do to a tao a apo do teyhesa ka mahataw.

Make 13:20

No ji na pazikenkeni ni Ama ta do to o araraw no akman sang a alalaw do teyrahem am abo tao a mavyay. Am na kapakanakem so na nipamnekan a yamraralay nya a tao. Ori o na pazikenkenan do araraw no alalaw do teyrahem.

Sipolay 10:22

Am ori o ikanoyong ta jyablis so onowned a akmey nioyasan so onowned a kano kataotao a omanop ji Ama ta do to.

Loma 16:19

Yabo yaji makateneng jinyo so nakenakem a yamahap so ciriciring na ni Ama ta do to. Am ori o ko sarayan ya jinyo. O yako kakzeben jinyo am makakdeng kamo do apya vazay. O marahet a vazay am ji nyo macikasngeni.

Loma 8:33

Sino o amraherahet jyaten a nipamnekan na ni Ama ta do to. Ta yaten rana am na rana nibnek yaten a abo so raraten do tangain na.

Locya 18:7

Manngwa, ji na amiznga ni Ama ta do to o meyhanhan nya mapasyasi jya do araraw a kado ahehep? Manngwa, peypananayan na sira sidongen?

Matay 24:24

Ta amyan so tao no makwa a manci no ka si Kizisto da tao a kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da so tao. So icyakman da so sang a mapeycyakawad so nipamnekan na ni Ama ta do to a yamraralay nya tao.

Matay 24:22

No ji na pazikenkeni ni Ama ta do to o araraw no alalaw no tao ori am abo o tao a mavyay. Am na kapakanakem so na nipamnekan a tao a yamraralay nya. Am ori o na pazikenkenan do araraw no ipakaranes no alalaw ang.

1 Pite 2:9

Am inyo am na nipamnekan inyo a yasa so inawan a mapatanatanang so nakem ji Ama ta do to a Panirsirngen ta. So ikanoyong nyo a abo so karatan a asa ka mahataw a italamozong ni Ama ta do to, a na nipamnekan a meylimwang no yamapeyzokab a vazay na. Ta inyo am na nyagag inyo do kasarisaryan a yameyraratenen. So nyo rana iyan do kazngangan.

Sipolay 11:28

Ikongo do ipeyhanhan na si Ama ta do to ni Moyse, am ori o nipapwan na so Iyeci a kano omrarala so pazezevngen da a katodaliklikan so vahay da no Isedi a tao no tinsi a omwakwak so kabnekan da no tao do Ayci.

Loma 8:13

Ta no si to nyo mangozai o adan a onowned nyo am jyabo kaji nyo angayan do kararatan a. Am no si onotan nyo o Seyzi a komaro do raraten nyo am jyabo kaji nyo avyayan do teyngato a.

Loma 1:7

Am ori o yako peyteygamyan ninyo a na tey karilaw ni Ama ta do to a tao do Loma a yamanoyong a na italamozong ni Ama ta do to. Inaoy si itoro na o pangangarilawan na kano ikapiya no onowned nyo ni Ama ta do to a kani Yeso Kizisto a Panirsirngen ta.

Loma 1:5

Am ori o ko pangozayan do ngaran na a yamahap so vazay na yamapanop so tao a yaomanoyong ji Yeso Kizisto do peycyamahamahatawan na,

Nimlivolivon 15:18

Ori rana am ciring na ni Ama ta do to a nipamizing na jira no kakwa pa.’ ”

Yota 1:2

Inaoy si itoro na jinyo o pangangasyan na kano ikapiya no onowned nyo a kano pangangarilawan nyo.

Sipolay 5:9

Komavos o vazay na ni Yeso am tombod rana jya o to meyyonong a ikavyay no pahad da no yaomonot jya tao,

Kelosi 3:12

Si Ama ta do to o yamarilaw ninyo a nimamnek jinyo a akma ney anak. Am ori o ipangarilaw nyo a mapanalawbo so aktokto nyo, ta kapiya nyo so nakem do tangain no tao a jyahayo so onowned.

2 Kedinto 13:14

Inaoy no si macitovong jinyo o pangangasyan ni Yeso Kizisto a Panirsirngen ta kano pangangarilawan na ni Ama ta do to a kapzat na jinyo no Seyzi.

2 Kedinto 10:5

Namen pahawahen so makakaday a mapazway a ciriciring a kano malas a nakenakem a yada izazat do tao a makateneng ji Ama ta do to. So namen pangozayan do oyowyat ni Ama ta do to a yamapanod so ji manaralay a tao ji Kizisto.

Loma 11:28

Da nitaosya no tao do Yotay o Mapasaray a Ciriciring na ni Ama ta do to. Am ori o na likodan jira ni Ama ta do to a na katoro nya jinyo a beken a tao do Yotay so na pangangasyan ni Ama ta do to. Am meykongwen o pamnemnekan na ni Ama ta do to a marilaw sira. Ta akman sang o aryarilaw na sira so ineynapo da no kakwa pa.

Nimlivolivon 20:32

“Sicyaikwaya am ko na to norwan inyo ji Ama ta do to. Ta ko ipeyhanhan o pangangarilawan na ni Ama ta do to a somidong jinyo a to ngotokot so nakem a meyhanhan nya. No si makman kamo sang am mahap nyo na o igeygeglaw na so omraralay nya tao.

Tito 1:1

Yaken rana am si Pawlo ko a lamlamsoy na ni Ama ta do to a nipamnekan ni Yeso Kizisto a omlivolivon no ciriciring na. O na nipamnekan jyaken am yana tovoin yaken a mapait so onowned da no nipamnekan na tao ni Ama ta do to a omanoyong ji Yeso. So palolwan ko sira a kapakateneng da rana do nanao na no yatamo iraralay.

1 Kedinto 1:30

Am si Ama ta do to o yanimapanop jinyo ji Yeso Kizisto. So na ikanoyong a na yapwan no teneng ta. Iya o na niyapwan no yamvonas so raraten ta. Am ori o na abnekan jyaten ni Ama ta do to a abo so raraten do tangain na. So icyakma tey matnaw a ranom so onowned a macilovot ji Ama ta do to a ji na rana nalamozongan no raraten.

Make 13:22

Ta amyan so tao no makwa a manci no ka si Kizisto da kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da do nipamnekan na ni Ama ta do to a yamraralay nya tao.

Matay 24:31

Manovoy ko so aro a tinsi a meyzapa a ipatao ko so tao do peycyavanovanwan na a mapeylovolovot so nipanop ni Ama ta do to a tao do teyhesa ka mahataw.

2 Yowani 1:13

O ananak da no akma nyoy kakteh do cinai am da ipeyminaminasi inyo.

2 Yowani 1:1

Yaken rana am cyozo ko. Yako ipeyteygami imo a yana nipamnekan ni Ama ta do to amraralay nya a mavakes a kano ananak mo. Yatey rako o yako karilawan ninyo. Am beken a yakehen o yamarilaw ninyo, ta yamamimin sira o yamakateneng do nanao ni Ama ta do to a yamarilaw ninyo.

1 Pite 1:14

Onotan nyo si Ama ta do to. Ji nyo to nginara o marahet a icicirawat nyo no kaji nyo pa manaralayan.

1 Pite 1:19

Ta o na nitbos jinyo ni Ama ta do to do nyo peyraratenan am rala na ni Yeso Kizisto, akman so icicirawat da no mapatanatanang so nakem ji Ama ta do to a mapatanang so rala no ney yapya na kagling da.

1 Pite 1:20

Ji na pa nyamaog o karawan am nipamnekan na rana si Yeso ni Ama ta do to a mawakwak no raraten no tao do karawan. So na ikanoyong rana a nimai a somidong jinyo.