1 Pite 1:1 - Seysyo No Tao

¹ Yaken rana am si Pite ko a lamlamsoy na ni Yeso Kizisto a nipamnekan na a omlivolivon no ciriciring na. Yako ipeyteygami inyo a yana yaponged ni Ama ta do to a nikomaro do ili nyo a yameyvahay do Pento a kado Cyalatay a kado Kapatocya kado Yasiya kado Potiniya.

1 Pite 1:1 Referans Kwoze

Yake 1:1

Yaken rana am si Yake ko a lamlamsoy na ni Ama ta do to a kani Yeso Kizisto a Panirsirngen ta. Yako ipeyminaminasi o yamavonong do peycyavanovanwan na a yamraralay ni Ama ta do to a tao.

Sipolay 11:13

Sira rana ori am to da noiban do karawan o kapeyhanhan da ni Ama ta do to. Tana abo nimahap da do nipanci na ni Ama ta do to am da ji macimangsahi o da kapananala so akman sang a nakem na sira ni Ama ta do to. Da anoyngan o da kakmey mangilili a tao a yato ngiseysan do karawan.

Ivoso 2:19

Am ori an, ikabeken nyo rana kadwan a beken a tao do Yotay an. Ta tamo na mamimin a akma ney anak ni Ama ta do to a yakmey yasa ka vahay.

Nimlivolivon 8:4

O nimeyvwak a nimraralay ni Yeso am mangay sira do peycyeylilyan na a meylimwang no ciriciring na ni Ama ta do to a omagaz ji Yeso.

Yowani 11:52

Beken a tao do Yotay o ikawakwak na, ta mangay na peylovolovoten o mavonong do peycyavanovanwan na omraralay ni Ama ta do to a tao akmey yasa rana.

Matay 24:22

No ji na pazikenkeni ni Ama ta do to o araraw no alalaw no tao ori am abo o tao a mavyay. Am na kapakanakem so na nipamnekan a tao a yamraralay nya. Am ori o na pazikenkenan do araraw no ipakaranes no alalaw ang.

1 Pite 2:11

O ko ipanci pa jinyo manga keypong am tamo akmey miseysan do karawan. Ji nyo to ngonongonongi o nakenakem nyo. Ta o marahet a onowned ta am ipeyparai ta ji Ama ta do to.

2 Pite 1:1

Yaken rana am si Simong Pite ko a nipamnekan na ni Yeso Kizisto a amlivolivon no ciriciring na a lamlamsoy na. Yako ipeyteygami inyo a yana rana nipatazadang ni Yeso Kizisto a Tao do to ta. Ta tamo na meyyangay a yamraralay ni Yeso, do kaji na mapeycyakabanan jyaten ni Ama ta do to.

Ivoso 2:12

No kano nang am abo o kasngesngenan nyo ji Kizisto, ta akma kamoy kadwan a ji da patwatopa do tangain ni Ama ta do to, do kaji nyo macitetngehan do tao do Yotay. Ta sira am nipanta na sira ni Ama ta do to so pangozayan na ciring. So ikanoyong nyo a to rana hayo so onowned, do kaji nyo makatenngan ji Ama ta do to.

2 Kedinto 1:8

Manga kakteh, ko kakzeben inyo a makateneng do alalaw namen no keyyan namen pa do Yasiya pongso. Ta teywara o mina alalaw namen. Ori o ji namen ngatatai do kavyay namen.

Nimlivolivon 18:2

Makaranes do dang am makasazi so asa ka tao do Yotay a nimatazak a tao do Pento a meyngaran si Akwila. O kadwan na do vahay am meyngaran si Paycila. Kapo da pa do Itadi, ta o panirsirngen a meyngaran si Kelawti am ipanci na o tao do Yotay a komaro do Loma. So nyangay na ni Pawlo a tomita sira.

Ipaziman 1:11

Maniring am, “Imo rana am vatvatkan mo o mo macita a kaparara mo so vakong do apito a ka kyokay do Ivoso a kado Semayna kado Peycyamo a kado Tiyatila kado Satise a kado Veylatevey a kado Lawticya.”

2 Timotay 1:15

Mo katenngan rana, ta o tao rana do Yasiya pongso ya am sira mamimin a yajyakza nyaken. Yakman sang si Veykelo a kani Hemokenay a yajyakza nyaken.

Cyalatay 1:2

Yaken rana kano akma tey kakteh do cinai do jya am yanamen ipeyteygami inyo a peycyakyokyokayan na do Cyalatay.

1 Kedinto 16:19

Da ipeyminaminasi inyo no peycyakyokyokayan na do Yasiya. Tana si Akwila kani Paycila kano aro a sinjya a meyneynozi do vahay da am yakman sang sira yameyminaminasi ninyo do tamo kakmey yasa yamraralay ni Yeso.

Nimlivolivon 19:10

O akman rana sang a vazay am mina kadwa kawan. Tana tao do Yotay a tana tao do Sila am nimamimin sira o meyvahay do Yasiya a nimakamizing so ciring ni Yeso Kizisto.

Nimlivolivon 18:23

So nikownay na dang a kangay na rana do peycyeylilyan na do Cyalatay a kado Vodicya a mapait so onowned da no yamraralay ni Yeso a tao.

Nimlivolivon 6:9

Am amyan so tao a macioya jya a somkad jya. O tatasa jira am tao do Yotay apo do Cidinay a kado Yadisanta. Sira rana am manaralay do ngaranan da so Peyneynozyan da no somaliway rana tao. O karwan da am tao do Yotay apo do Cidicya kado Yasiya.

Yowani 7:35

Maniring sira o panipanirsirngen da no tao do Yotay do kadwan jira am, “Do wanjin na angayan a ji tamo makakalai sya. Yamangay saon a yameyvahay do Sila a amnanao sira so kasina ta no inawan?

Matay 10:2

O ngarangaran da no macinanao jya am yadomket do jya. Ney manma na am si Simong, kasaing no ngaran na am si Pite, a kani wari na a meyngaran si Antele a kano anak ni Sipitay a meyngaran si Yake a kani wari na a meyngaran si Yowani,

Matay 4:18

Mangonong si Yeso do pasalan no rako a meybebneng a ranom a ngaranan da Cyadidi am macita na o rarwa ka tao a mangahangahahap a ngaranan da si Pite a si Simong a kano kakteh na a meyngaran so Antele a amzoyo no tawaz da.

Locya 18:7

Manngwa, ji na amiznga ni Ama ta do to o meyhanhan nya mapasyasi jya do araraw a kado ahehep? Manngwa, peypananayan na sira sidongen?