1 Kedinto 3:1 - Seysyo No Tao

¹ Manga kakteh, ji ko na naywa jinyo o ciring ko. No kananao ko pa jinyo no kakwa am ji ko meyhanhanan inyo a ipeypalanginan na no Seyzi. Ta monganay kamo pa do karawan. So nyo icyakmey kanakan pa so nakenakem a yaji meypahagnat a yamraralay ni Kizisto.

1 Kedinto 3:1 Referans Kwoze

Sipolay 5:13

O somoso a tao am ji pa makaveyvow. So ji na makatenngi do apya kano marahet.

1 Kedinto 2:6

Am o yamakekdeng so nakem ji Ama ta do to am yako peylimwangan no yamakdeng a nanao. Am beken a monganay do tao do karawan o teneteneng. So ji ko makalavaci so teneteneng no panirsirngen do karawan. Ta amyan so kasaraw a kabo na no teneteneng da.

1 Kedinto 14:20

So ipeypakatkat nyo, manga kakteh so pangtoktwan an. Akman kamo so mina tazak a tao a ji nakenakem so raraten.

Loma 7:14

Manoyong o na kapo ji Ama ta do to no iwawalam na ni Moyse. Am yaten rana am tao ta. Jyabo kapakataptap ta so yadomket a ciring do iwawalam na ni Moyse a.

1 Yowani 2:12

Ko ipeyteygami inyo a akma koy anak, ta o raraten nyo am yana rana nivonas ni Ama ta do to, do kanimawakwak na nyaten ni Kizisto.

Cyalatay 6:1

Manga kakteh, inyo rana yamakdeng so nakem ji Ama ta do to am no myan so tao a to meyraraten am ji nyo anigan a pamizngen. Am taosya o kapahama nyo so onowned nyo a mapamizing sya. So ipeytataziman nyo, ta kalittan kamo.

Matay 16:23

Meyvazingowngaw si Yeso am maniring ji Pite am, “Kazey mo Satan. Ta mo zazatan o ko pangonongan. Ta o nakenakem mo am beken a nakenakem ni Ama ta do to. Ta monganay do tao.”

1 Kedinto 14:37

No myan so tao a yamanci no kapangononong na so ciriciring na ni Ama ta do to a kano manci no keyyan no oyowyat na jya no Seyzi am naknakmen na o yadomket do teygami ko ya. Ta yamonganay ori ji Ama ta do to.