1 Kedinto 13:3 - Seysyo No Tao

³ Tana to ko mangazawan o kangangay ko mangay do kataotao ko ji ko mangbeywani a isidong ko so tao, a kabo no pangangarilawan ko so icyatatao ko am abwata o kapyapyan ko nya.

1 Kedinto 13:3 Referans Kwoze

Yowani 15:13

Ney rako na pangangarilawan am ji macivivyai o kagagan.

Matay 23:5

O yamakakaday a vazay da am yamamimin a yada ipacita do tao. Pangain da do kataotao da o akmey kavangan a adketan no ciring do Seysyo. Da kangednged do aywayob da yapadketan so azwazong na.

Cyalatay 5:26

Ji ta mapahama so nakem. Ji ta pasozisozya o kadwan jyaten. Ji ta manginanahet.

Locya 18:28

Maniring si Pite am, “Namen to ngaroi o kavavahay namen a namen kapacilolo jimo.”

Sipolay 13:9

Taosya o kapeycyakawad na jinyo no makakaday a malas a nanao da no tao. Ta kapangozay nyo do pangangarilawan ni Ama ta do to a mapahadpet so onowned nyo. Ji nyo meyhanhanan o pamarmarngan da so kanen. Ta ji na sidong inyo a makahap so to meyyonong a ikavyay no pahad nyo.

1 Timotay 4:8

Manoyong kapya na no mapazigton so kataotao am makdekdeng pa o kapeypahagnat ta so nakenakem ji Ama ta do to. Ta ori o makasidong jyaten sicyaikwaya kano makwa no myan ta na do teyngato.

Yowani 12:43

Ikeykakza da pa o icyatatao da zomwazway sira. Ji dakzan o kazwazway na sira ni Ama ta do to.

Locya 18:22

Mamizing na ni Yeso o ciring na am patonggalan na. Maniring am, “Am yasa ka vazay pa o mo jya nimahap. Miminen mo a ipanazang o kangangay mo a itoro do ipangoyongoyod da tao. Ta ori o iyan na no keynakman mo do teyngato, a kapacilolo mo rana jyaken.”

Nimlivolivon 21:13

Am maniring si Pawlo am, “Ikongo nyo lavyan jyaken a ko ikarahet no onowned. Cyaha, ta ko ahapen o vazay ni Yeso a Panirsirngen ta. Tana vaoden da yaken do Yelosaleng a mawakwak do dang am cyaha, ta nakenakem ko an.”

Yowani 13:37

Maniring si Pite am, “Mo Panirsirngen, ikongo ikarahet na no kapacihza ko jimo sicyaikwaya. Tana yangay ko imo no inawan am ji ko manesehan.”

Yowani 6:63

O yamanta no tao so to meyyonong a ikavyay no pahad na am Seyzi. So ikabo no oyowyat no tao a ipakahap sya. O ko ipanci jinyo a ciriciring am apo do Seyzi na ni Ama ta do to. Ori rana am ikavyay ori.

Locya 19:8

Am makaranes sira do vahay ni Sakay am taotawwen na si Yeso a kapacisirsiring na rana jya. Maniring am, “Mo Panirsirngen, to ko peyhataya o kangangay ko a itoro do ipangoyongoyod da tao. No si myan so tao a nipangamkaman ko so asa ranaw (100) am paolyan ko so apat a ranaw (400).”

Veydipi 2:3

Ji nyo pakaranga o nakenakem nyo an. Ji nyo akzan o keynakem nyo a tao an. Ikanig nyo o kadwan jinyo an. Naknakmen nyo o keyyan no tao a apyapya pa ka ninyo an.