1 Kedinto 11:1 - Seysyo No Tao

¹ Inarahen nyo yaken a ominara si Yeso Kizisto.

1 Kedinto 11:1 Referans Kwoze

Veydipi 3:17

Inarahen nyo yaken, manga kakteh an. Panginginaran nyo sira o yaominara jyamen a tao an, ta yanamen rana nipacita jinyo o manoyong a icicirawat namen.

1 Tesalonicya 1:6

Tana aro o alalaw nyo am kamo masaray a na sidongen no Seyzi a yamahap so ciriciring na ni Ama ta do to a yaominara si Yeso, akman jyamen a yajyamama no alalaw namen.

1 Kedinto 4:16

Am ori o ko vavagan jinyo a ominara jyaken.

Sipolay 6:12

Namen ji mamyapyan inyo a malma so onowned. Inarahen nyo sira o yaji macizizikna a yaomanoyong ji Ama ta do to a tao. Ta ori o ipakahap nyo so makakaday a nakem na jinyo ni Ama ta do to.

2 Tesalonicya 3:9

O ikakman namen sang am beken a ikamo namen inyo a mapatodeh jyamen, am kapakanakem namen so kapeycitacita nyo jyamen a inarahen.

1 Kedinto 10:33

Inarahen nyo o mina vazay ko a mapasaray so aro a tao a ji mangozay do apyahen ko no nakem. Ta panadnaden o icyatatao. Ta ori o ikablis da no onowned da ipakahap da so to meyyonong a ikavyay no pahad da.