1 Kedinto 1:8 - Seysyo No Tao

⁸ Jyabo kaji na ngoyatan jinyo ni Yeso a. So ikanoyong nyo na abo rana so karatan do tangain na, no si mai si Yeso Kizisto a Panirsirngen ta.

1 Kedinto 1:8 Referans Kwoze

1 Tesalonicya 3:13

Am ori o ikanoyong na ni Ama ta do to a mapakdeng so nakenakem nyo a omraralay nya. Ta no si meygegcin si Yeso a Panirsirngen ta kano niomraralay nya tao am manoyong kamo do tangain na ni Ama ta do to a ji meylimoteng so onowned a abo so karatan.

Kelosi 1:22

Am sicyaikwaya am nikawakwak na rana yaten ni Yeso Kizisto a Anak na ni Ama ta do to. Am ori o yanyo rana ipacikaop ji Ama ta do to. O icyakman na sang am kakzeben na inyo a ji meylimoteng so onowned a abo so karatan do tangain na.

Veydipi 1:6

Ko anoyngan o na kapeyvazay do onowned nyo ni Ama ta do to icyakma ney kanapnapan a ovid. Jyabo kakavos no nya vazay na jinyo a mangay no si komavos o akman sya no si ipirwa pa mai si Yeso Kizisto.

2 Tesalonicya 3:3

Am yabo na kalalasan ni Yeso a Panirsirngen ta. Iya rana am ikakoyapet nyo so nakenakem a kaji na makagogadan jinyo ni Satan.

Ivoso 5:27

O peypeypangayan no vazay na ni Kizisto am isaray na yaten a tey yapya a abwata so karatan do tangain na ni Ama ta do to.

Loma 16:25

Manoyong o kazwazway ta si Ama ta do to. Ta iya rana am yamanoyong a yaomoyat jinyo a meyhanhan nya akman so Mapasaray a Ciriciring na a ipeylimwang ko a yaomagaz ji Yeso Kizisto. Ori rana am ji da nikatenngan no kakwa a nanao na ni Ama ta do to.

1 Pite 5:10

Si Ama ta do to am yana yapwan no rako a pangangarilawan, do na kapazanod jinyo do azwazway na. Ta inyo rana am kamo rana macikaop ji Kizisto. Am ori an, no si mavitos rana o yaji meyyonownay a alalaw nyo am manoyong kamo na oyatan ni Ama ta do to, kahadpet nyo na so nakem.

Veydipi 1:10

So ipakateneng nyo rana do ney yapiya na vazay. No si makman kamo sang am manoyong kamo na a ji meylimoteng so onowned a abo so karatan do araraw no ipirwa na mai ni Kizisto.

2 Pite 3:14

Am ori an manga kakteh an, no kamo manoyong a yamapananala so araraw ori am makowyowyat kamo pa mapeyvazay so apya vazay a abo so karatan a macikaop ji Ama ta do to.

Loma 14:4

Sino ka a yamazyak no lamlamsoy no karwan no tao. Manngwa, ji na zyakan no katenngan a tao o karatan no lamlamsoy na? No si Yeso o Panirsirngen na kasidong na sya am jyabo karahet na.

2 Pite 3:10

Am o araraw no yai na no Panirsirngen ta am jyaziman a akmey manakaw a tao. No si marateng o araraw ori am meykaing a matemtem do kakavos no karawan a kabo na rana no sinokob no hanit a kano teyrahem a matemtem no rako a lila no apoy. So ikabo na rana no masaod no karawan.

2 Kedinto 1:21

O yamapait jyamen a ka ninyo a yakomdeng so nakem ji Yeso am si Ama ta do to. Nipamnekan na yaten a lamlamsoy na.

2 Kedinto 1:14

a kapiya na rana no nakenakem nyo jyamen. No si akman sang do araraw no yai na ni Yeso a Panirsirngen ta am jyabo kaji nyo azwayan jyamen a. So ikakman namen sang a zomwazway jinyo.

1 Kedinto 5:5

O akman rana sang a tao am to nyo macyozai a kapeyingnen na so kataotao na ni Satan. Si maliliw na o kataotao na meyngen am ori o ipamlis na rana a kavyay no pahad na no si pirwa mai si Yeso a Panirsirngen ta.

Locya 17:24

Ta o araraw na no yai ko a Nipamnekan na ni Ama ta do to am abo ji makacita sya tao, akmey meycicilat a maniray.

Locya 17:30

O araraw no yai ko a Nipamnekan na ni Ama ta do to a tao am akman so sang.

Loma 8:19

O yamakakaday a na nyamamaog ni Ama ta do to am yada toda ji nalla o araraw no ipeytotwaw no azwazway na do omanoyong jya tao.

1 Kedinto 3:13

Am o mina vazay ta am macita ta rana no makwa o kehni na a kaji nehniyan. Ta no marateng rana o araraw na no yai ni Yeso am patwawen na rana. Ori o ipakateneng rana jya. Ta no makwa am askadan na rana ni Yeso o mina vazay ta.

2 Kedinto 1:13

Ta o namen nivatvatkan a ciring jinyo am o yanyo katenngan a vilangan. So namen kakzan ninyo a makateneng do vazay namen,

Kelosi 2:7

Payamoten nyo o nanao na ni Yeso Kizisto do onowned nyo a kapeypahagnat nyo na so nakenakem jya. So sarayan nyo nya ji Ama ta do to.

1 Tesalonicya 5:2

ta to nyo na tenngi. O araraw no ipeygegcin na ni Yeso am abwata o tao a makaziman sya, akman so tao a ji makaziman so manakaw do vahay da.

2 Tesalonicya 2:2

ji kamo tey makeykai a marahet nya so nakenakem no mamizing nyo o ipanci da no mangononong so malas do mina kapakaranes na rana no araraw na ni Yeso Kizisto a Panirsirngen ta. Tana mangamaog sira o tao so ciring a manci no kapo na do Seyzi a tana nipatolin da jyamen no tao a mapeyciring sya, tana ipanci da ciring namen do teygami am,

2 Timotay 1:12

Ori o yana niyapwan no alalaw ko. Am cyaha, ta yako katenngan si Yeso a yako ipeyhanhan. So ko anoyngan ji Yeso a makasidong jyaken a mapeyvazay so vazay na mangay do araraw no ikeypirwa na mai.

2 Timotay 1:18

Inaoy no ikasi na ni Yeso a Panirsirngen ta no si marateng rana o yai na a mapeykapyapinpin so tao do karawan. Yamo katenngan rana o aro a vazay a nisidongan na jyaken no keyyan ko pa do Ivoso.