1 Kedinto 1:5 - Seysyo No Tao

⁵ Kanyo tey meynakem rana a macikaop ji Yeso Kizisto a tao. Ori o nyo kateteneng a meylimwang no ciriciring na ni Kizisto, do nyo kapakateneng do manoyong a nanao na.

1 Kedinto 1:5 Referans Kwoze

2 Kedinto 9:11

Absoin na inyo an. So ikasangib nyo a manidong so tao an. So sarayan da nya ji Ama ta do to so apo jinyo a nisidong nyo sira.

2 Kedinto 8:7

O yamakakaday a yamyan jinyo a nakenakem nyo si Ama ta do to a kano teneteneng nyo a mangononong a kano kowyowyat nyo a manidong so tao a kano aryarilaw nyo jyamen am yateywara rana an. Am ori o namen kakzan inyo a yajingbeywan do akman sya panidongan so tao.

Kelosi 2:3

Si Kizisto o na yanan no makakaday a teneteneng.

Veydipi 1:9

O ko peynozyan ninyo am kaji na meypahahayan no pangangarilawan nyo a meypahagnat. Akman sang o teneteneng nyo a makapatak no makakaday a vazay.

Loma 15:14

Manga kakteh, ko anoyngan inyo a yapiya so yahahapan sya a yamateteneng a yamvavaga do kadwan jinyo.

Yake 3:13

Sino jinyo o yamateneng a tao. No si myan am apyapya o kapehbo na so nakem na a mapeyvazay so apiya vazay.

Kelosi 3:10

kapalit nyo rana so vayo a onowned nyo apo ji Ama ta do to, do na kaji amtadan a yasomidong jinyo a yaomyavayo so icicirawat nyo. Am ori o ikanoyong nyo rana meypahagnat a makateneng ji Ama ta do to.

Ivoso 6:19

Ipeynozi nyo yaken an, katoro na nya jyaken ni Ama ta do to so ciriciring na ipangnanao ko. Ta ori o ji ko a mamai no ji da pa nipatwaw no kakwa a Mapasaray a Ciriciring na ni Ama ta do to a ipeylimwang ko.

Ivoso 1:17

Ko mapasyasi ji Ama ta do to a tey mazway a Tao do to a Ama na ni Yeso Kizisto a Panirsirngen ta a manta ninyo so teneng a kapakateneng nyo rana ji Ama ta do to.

1 Kedinto 12:8

O Seyzi rana am na itoro do yasa ka tao o teneteneng a makateneng do nanao na ni Ama ta do to. Yakman sang, ta na itoro do yasa ka tao o teneteneng na yana ipangnanao.

2 Pite 3:18

Am meypahagnat kamo so nakem a makateneng ji Yeso Kizisto a Panirsirngen ta a mapatazadang jyaten do teyngato, a makateneng do karilawan na ninyo. Inaoy si mangay jya o azwazway sicyaikwaya kangay na do kaidan no karawan. Amin.

Ivoso 3:8

Tana mina saod na so kabo no kapsepsekan ko am na manket yaken a pahanhanen a meylimwang nya jinyo a beken a tao do Yotay so aglaglaw na jyaten ni Kizisto.

Ivoso 2:7

O ikakman na sang ni Ama ta do to am ipacita na do kaidan no karawan o mapeyzokab a pangangarilawan na kano pangangasyan na jyaten a yamacikaop ji Yeso Kizisto.

1 Kedinto 13:2

Tana mateneng ko a mangononong so ciriciring na ni Ama ta do to a yanan no makakaday a teneng a makateneng do nanao na ni Ama ta do to a mowyat so nakenakem a to rana makapeylis so tokon a mangay do awa, kabo no pangangarilawan ko so icyatatao ko am ikongo peypeypangayan na no nang.

2 Kedinto 4:6

O nimangamaog no ciring na so zezak a Tao do to am ori o amzezak so masyonowned ta. Ori o ta ipakateneng do azwazway na ni Ama ta do to amyan ji Yeso Kizisto.

1 Kedinto 14:26

Manga kakteh, akman so wanjin o pangozayan nyo. No malovot kamo a meynozi am amyan so meyyanwanood. Amyan so mangnanao. Amyan so mangononong so ciriciring na ni Ama ta do to. Amyan so macitarek so ciring. Amyan so mapeyvaliw sya. Naknakmen nyo o kapeypahagnat da so nakenakem no makakaday a vazay no sinjya. Ta ori o manoyong an.

1 Kedinto 13:8

O pangangarilawan rana am jyavitos. Ta to meyyonong o kapangarilaw so tao. Am o teneteneng do pangananawan am mavivitos. Akman sang o meyzezyak so macitarek a ciring. Ta amyan so kasaraw a ikavitos na. Akman sang, ta ji meyyonownay o teneteneng a makateneng do nanao na ni Ama ta do to.

1 Kedinto 12:10

Akman sang, ta itoro no Seyzi do tao o oyowyat na mapeyvazay so mapeyzokab a vazay, a na katoro nya do yasa ka tao so oyowyat na mangononong so ciriciring na ni Ama ta do to, a na katoro nya do yasa ka tao so teneteneng na mapeypinpin so manoyong a oyowyat no Seyzi a kano oyowyat na ni Satan, a na katoro nya do yasa ka tao so oyowyat na a meyzezyak so macitarek a ciring apo do Seyzi, a na katoro nya do yasa ka tao so teneteneng na a mapeyvaliw so ciring a nipanci da.

1 Kedinto 8:11

O malma pa so onowned a akma tey kakteh do cinai a nikawakwak ni Kizisto am jyabo kaji na ratan so kangangay a makacita jinyo a.

Loma 15:4

O ciriciring do Seysyo a yadomket am yamamimin a yana inanao jyaten ni Ama ta do to. O peypeypangayan no nang am ikait jyaten a meyhanhan ni Ama ta do to, kasaray ta amnanala so itoro na jyaten ni Ama ta do to.

Loma 11:12

Yada nipeypapya no tao do karawan o da kajya niomanoyngan ji Ama ta do to no tao do Yotay. Am no si mamlis rana sira o tao do Yotay a kavyay na sira ni Ama ta do to am jyabo kaji na rakorakwan pa no peypapyan na so tao do karawan a.

Nimlivolivon 2:4

Am ori o nioyatan na jira no Seyzi a kapanci da no meycyataretarek a ciriciring do kowyat na jira no Seyzi.

2 Kedinto 6:10

Tana yamyan so namen ilavi so onowned am yamyan so namen isaray so onowned. Tana namen makcin am cyaha, ta namen avyain o pahad no aro a tao. Tana yabo o peymeymasaodan namen do karawan am cyaha, ta abo kalahen namen a yamacikaop ji Ama ta do to.