1 Kedinto 1:1 - Seysyo No Tao

^1-2 Yaken rana am si Pawlo ko a yana nipamnekan ni Yeso Kizisto a amlivolivon no ciriciring na a lamlamsoy na ni Ama ta do to. Yaken rana kano akma tey kakteh do cinai si Sotenay am namen ipeyteygami inyo a sinjya do Kedinto a kyokay. Inyo rana kano yamakakaday do peycyeylilyan na a macikaop ji Kizisto a tao am yatamo meyyangangay a na nipamnekan ni Ama ta do to a italamozong na. Si Kizisto am Panirsirngen da. So yata icyakman sang a yamapeypanirsirngen sya.

1 Kedinto 1:1 Referans Kwoze

Loma 1:1

Yaken rana am si Pawlo ko a lamlamsoy ni Yeso Kizisto. Na nipamnekan yaken ni Yeso Kizisto a amlivolivon no Mapasaray a Ciriciring na ni Ama ta do to.

Ivoso 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a omlivolivon no ciriciring na. Yako ipeyteygami inyo a yamraralay ni Ama ta do to a tao do Ivoso a yato ngotokot so nakem ji Yeso Kizisto.

2 Kedinto 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a amlivolivon no ciriciring na. Yaken rana kano akma tey kakteh do cinai si Timotay am namen ipeyteygami inyo a Kedinto kyokay a kazagoman nyo a sinjya do Sila.

Kelosi 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a omlivolivon no ciriciring na. Yaken rana kano akma tey kakteh do cinai a si Timotay am,

Nimlivolivon 18:17

karakep da si Sotenay a tomalamozong no peyneynozyan a kabakbak da jya do pantaw no pacicicyan. Am ji na nikazyak ni Cyadien o akman sang a vazay.

2 Timotay 1:1

Yaken rana am si Pawlo ko a lamlamsoy na ni Ama ta do to a nipamnekan na ni Yeso Kizisto a omlivolivon no ciriciring na. Yaken rana am yako ipeylimwang o mina ciring na jyaten ni Kizisto a ipakahap ta so to meyyonong a ikavyay no pahad ta a omraralay nya.

1 Timotay 2:7

O nipamnekan na jyaken a omlivolivon no ciriciring na do beken a tao do Yotay am nanawen ko sira a kapakateneng da rana jya a meyhanhan no manoyong a nanao. So ko ji mangononongi so malas. Ta yamanoyong o ko ipanci.

1 Timotay 1:1

Yaken rana am si Pawlo ko a lamlamsoy ni Ama ta do to a manoyong a mapatazadang jyaten do teyngato. Yana nipamnekan yaken ni Yeso Kizisto a omlivolivon no ciriciring na. So ikanoyong na ni Yeso Kizisto a hanhan ta.

Ivoso 4:11

Iya o nimanta no tao so teneteneng a kano oyowyat da. Nitenngan na o tatasa ka tao a amlivolivon no ciriciring na, kapamnek na do tatasa ka tao a mangononong so ciriciring na, kapamnek na do tatasa ka tao a meylimwang no Mapasaray a Ciriciring na. So iyan no tao a panirsirngen do kyokay amnanao so sinjya.

Cyalatay 1:1

Yaken rana am si Pawlo ko. O yako ipeyngongyod a lamlamsoy na ni Ama ta do to am beken a tao o yaniomrara jyaken a omlivolivon no ciriciring na ni Ama ta do to, ta si Yeso Kizisto a kani Ama ta do to a nimapeyvangon si Yeso Kizisto o yanitomovoy jyaken.

Nimlivolivon 22:21

Maniring jyaken si Yeso am, ‘To ka nangay. Ko na to novoya imo a mangay do ili da no beken a tao do Yotay a meylimwang no ciriciring ko.’ ”

Yowani 15:16

Beken a inyo o yanimamnek jyaken, ta yaken o yanimamnek jinyo. So ko tovoyan jinyo a mangay meyvazay so makasidong so tao a vazay. Ta o akman rana sang a vazay am tey saray na ni Ama ta do to a mangay no makwa. Si akman kamo sang am no mapasyasi kamo ji Ama am itoro na jinyo.

2 Kedinto 12:12

No keyyan ko pa jinyo do dang am tana masaod ko o alalaw ko am ji ko macimazai o vazay ko. So iyan no yeyyak nyo a vazay, yeyyak nyo a oyowyat, mapeyzokab a vazay akmey yongkad ko jinyo do kanoyong ko a nipamnekan ni Kizisto a omlivolivon no ciriciring na.

2 Kedinto 11:5

Ko ji nganoyngi o ko katonton do yamangalalas a beken a lamlamsoy ni Kizisto.

1 Kedinto 15:9

Ta ney marahet ko na jira nipamnekan na ni Yeso a amlivolivon no ciriciring na. So ikanoyong ko a ji na abneka ni Yeso a lamlamsoy na, ta niraherahet ko o kyokay na ni Ama ta do to.

1 Kedinto 3:9

Yamen rana am namen macipeyvazay ji Ama ta do to. Inyo rana am kanyo akmey nihakawan na ni Ama ta do to a namen pirwahen pa. So nyo icyakmey vahay a na patneken ni Ama ta do to.

Loma 1:5

Am ori o ko pangozayan do ngaran na a yamahap so vazay na yamapanop so tao a yaomanoyong ji Yeso Kizisto do peycyamahamahatawan na,

Nimlivolivon 1:2

a mangay no kapeycyakavat na rana mangay do teyngato. Ikapat na ngarnan (40) no araraw no nipeyvangon na am ipiro na o kataotao na ipacita do nipamnekan na omlivolivon no ciriciring na. So ipakateneng da do kanoyong na rana nimavyay a kapanci na nya jira so italamozong na ni Ama ta do to. No kaji na pa meycyakavatan a mangay do teyngato am nioyatan no Seyzi si Yeso a omyokod no nipamnekan na omlivolivon no ciriciring na a vazay na jira.

Yowani 20:21

Maniring si Yeso jira am, “Makapiya kamo so onowned an. To ko mangozai si Ama a nitomovoy jyaken. So ikakman ko sang a tomovoy jinyo.”

Locya 6:13

Apnezak am lovoten na sira o macinanao jya kapamnek na jira so rarwa so ikakarwan (12) a omlivolivon no ciriciring na.

Nimlivolivon 1:15

Kadadayan na so araraw am meylovolovot sira omanoyong ji Yeso. Adwa ngarnan sira so ikakarwan a poo (120) o karwaro da. Meytatanek si Pite a kapanci na no,

Loma 1:10

Ko jimtad a yameynozi ji Ama ta do to do kapeypalanginan na nyaken. So yangay ko jinyo do dang.

2 Kedinto 8:5

Namen jyaktoktwan o vazay da a yatey yaro. Ta sira rana am da nipeykingking ji Ama ta do to o kataotao da a mahap so vazay na a yaomamizing so ciring namen.