Room 7:12 - Gooti Toolluro Yogalokwono12 Toro seromiyanubweyajuko kuvi kuruv loowo su tov Gooti toolluda'ai abokakwono. Toro tovino tov yiuno sugudo to'nodokwono. Aki nevu ilaiyo tomgu'aro yomjomwekovlaiyo'moneyokwe kuuguudo tov loowo su to kuvi wo'dowodokwono. Gade chapit la |
Nevu aro kuudo me'no youroma'dowadonogano. Gooti toolluro loowo tov Gooti gavnokwe toolluda'ai aboka tovino tov sugudokwono. Kuudo youroma'dowadonogano. Toro kuvi kuruv nuu kwako akavida'ai tekwonyuno'gwowi jurogudo nonagutokwe toonyu ma'no ma'nodo tov wuulo to'busuko kironumwallodowodonyugono. Toro kironumwallodowo'jure tovi ki'nato womdo wimovla'mdumdonyugono.
Toro te nevu Jisasolluno kuudo kuubweya'ji toga Gooti toolluro sumdo tovi sugudo me'no wimo'nodowadonogano. Toro tovino tov nevu aro kuudo nyau'mwala'jo. Oo loowo tov womdo nonaguto tovino tov neya amodukwopiyano. Kuudo nyau'mwala'jo. Toro kuvi kuruv nevu Jisasolluno kuudo kuubweya'ji toga'no'gwowi loowo tovuro womdo tovi suwiyo guureji imwojonokwono.
Aki toro togaikul kwako akavida'ai a'mwo abolo punyuro mujumovla'mdopure tomgu'aro nuumjungovla'mwalpiyo. Toro kuvi kuruv Gooti tool kemoro poowokalago kuudo tonyu aiyo aiko te yokwollaikubweyodowo'jure tovi ilaiyo neya domollomarogaulo. Gooti tool kemoro poowokalago kuudo tonyu aiyo aiko te me'no sokwollaikubweyo'ji toga gamoro ilaiyo winodowodo tonyuno kuudo nokwo youroma'mwalpinogaikikono. Toro togaikul sugupasudo yo'mo togai'aro Gooti toollu ilaiyo igollo'moneyokwe togai'aro aki pasudo pun kaiya'no puru'monodo kuruv muumgu'mo'nodowodo togai'aro tonyuno nokwo youroma'mwalpinogaikikono.