Room 6:9 - Gooti Toolluro Yogalokwono

⁹ aki aro tonyuno kuudo me'no youroma'dowadonogano. Krais bolo'no aiyo aiko te adukavoka su tool bolnodo tovuro jurogudo tovi yiunokuudo kuuwolovokaikono. Toro toolluno tov aki aiko te mabolonekono.

Room 6:9 Referans Kwoze

Room 6:14

Toro togaikullu ma'no ma'nodo tov kemi aki aiko te mido nomollekumwalmwalo'jo. Su tov aro tovinokwono. Kevu Moosesolluro loowo tonyu dolago tomuu mamwalmwakovo. Toro kugaikul kuruv Gooti toolluro yasuwa'wino sugumaluko ikubweyodowodo tovino'gwowi dolago tomuu aulomwakovo.

Adodolukuu'nosungiko 1:18

Aki nuu Aiyo Yiunokuudo Mujomwekovlaiyokweyolenyugono. Toro toonyu me'no abolo kwonyu kuruv aiyo yiunokuudo mujomwekovla'mdumdonyugono. Toro te guu mi neya donuwonono. Nuu bolnodo tokwe'aro a'mwo me'no bolodupudo tooravuro tomge'aro tovallu kudo'aiko kuusubweyo'moneyokwe ki tov mwora'dumdonyugono.

Hibruu 7:25

Toro tovino tov yiuwi'nokai a'mwo abolo Jisasollu'aro Gooti toollu wobo toru kuulluru'mallo'mo kwinpi tonyu kuvinono nuuwiyo'mwojumwalonekono. Toro kwiyo'mwojo'ji tonyu Jisasol kemoro ma'no ma'nodo tovuro kirumwallo tovida'ai yiunokuudo nobomollurolovomokalokwonekono. Aki aiyo yiunokuudo mujomwekovla'mdowodekono. Toro toolluno tov a'mwo abolo su tonyu wiyo'mwojumovla'mwalono'moneyokwe tovino yiuwi'nokai toga Gooti toollu subusu'nyogalo wuudodowodekono.

Room 5:14

Toro majagillajuko kuga kuruv a'mwo abolo ton kuuno amjobolmovlaiyajupogano. Imuu Adamolluda'ai imo'nugelabino imo'nugelabino sumaveyokwe yiuno Moosesolluro toga'no abillumo'nyajupo su ton loowo punyu kisuvolo miyodupudo kun kuruv bolnodo tovi dolago tomuu mwalodupu amjobolmovlaiyajupogano. A'mwo abolo pun Adamolluro ma'no ma'no soka to'busuko kubalno miyodupudo kun kuruv mujobolmovla'mdupudogano. Adamol Jisasolluro bowo'ji womdo yono tovino yovekurajo sumo'nyajukekono.

Hibruu 7:16

Pris muuduko sumo'noka su tool Jisasol kwekono. Toro tool Moosesolluro loowo dodowodo tovi'aro sumo'nokalmaiyo. Loowo su tov aro dodowodokwono. “Yiuno a'mwo Livai iko tovasuda'ai yawosunodupudo toorono to'no pris womdo nokwo imwalpinorogano.” Dodowodokwono. Toro te Jisasol loowo su tovi'aro pris sumo'nokalmaiyo. Toro kuvi kuruv gavnokweyolluro aiyo yiunokuudo mujomwekovla'mdowodo tovuro jurogudo tovi'aro to'gwowi pris sumo'nokaikono.

Room 6:4

Toro tonol Krais tooke bolowono buuso tovi amollusanekubweyoponogano. Krais tool buuso tovi wo'duke toollu gami ganumiyago tool gavnokweyolluro jurogudo kuunodo tokwe aiyo aiko te amodukavokaikono. Toro to'busuko kubalno Gooti tool Krais toollu tomuu aulomonekumwallokaikono. Toro aulomonekumwalloka tovida'ai nemi poowokalago tov aiyo aiko te imo'nodowadonogano. Toro tovino tov nemoro poowokalago ton aiyo me'no imo'nodowado tonolluro pasudo kun kuruv muuduko tomgu'aro yomjumovla'mwalanonogano.

Room 6:10

Krais tool yiuno puga'no abolokaikono. Yiuno puga'no aboloka su tool ma'no ma'nodo tovuro jurogudo tovi me'no kuuwolovokaikono. Toro aboloka kwol kuruv aga'no'gwowi aiyo aiko te me'no dukavo'no Gooti tooke mujomwekovla'mdowodekono.