Room 10:5 - Gooti Toolluro Yogalokwono

⁵ Gooti toolluro sumdo tovi sugudo imo'nyo'moneyokwe aiyoga Moosesol loowo tovino puukwollo puruv aro me'no sakwollokaikono. “A'mwo pwol yiuwi'nokai Moosesolluro loowo tonyu kuumjungovlawo'ji toolno loowo su tonyu'aro aiyo yomjomwekovla'mwalonekono.” Sakwollokaikono.

Room 10:5 Referans Kwoze

Galesiya 3:12

Toro te kuudo neya jaullulo. Moosesolluro loowo tovi uumjunyo'moneyokwe puuto su tov purukwono. Aki Gooti toolluno kuudo uubweyo'moneyokwe puuto su to'gwowi purukwono. Gooti toolluro yogalo puruv Moosesolluro loowo su tovino aro sakwollungikokwono. “A'mwo pwol yiuwi'nokai Moosesolluro loowo tonyu kuumjungovlawo'ji toolno loowo su tonyu'aro aiyo yomjomwekovla'mwalonekono.” Sakwollungikokwono.

Room 7:10

Su toro toga aro kuudo sauronyugono. Oo nuu loowo tovuro dodowodo tonyu kuumjuno'mujuko'mno'juki aiyo yiunokuudo mujomwekovlaiyo'moneyokwe tovi amaro'mujukonyugono. Toro kuudo yau'dumdo kwonyu kuruv loowo tonyu ku'nono muumjunono aro kuudo souromaronyugono. Oo nuu ma'no ma'no kuumwiyo tekwonyu nobolmekwonyudeyo. Kuudo souromaronyugono. Loowo tov yiuno bolnodo'moneyokwe toru'no abomanyu'meyajukokwono.

Filipai 3:9

Aki Krais toollu yiuno'no uuguro'mwonyo'moneyokwe to'nodonyugono. Toro te nuvnokwe toonyu Moosesolluro loowo tovi'aro Gooti toolluro sumdo tovi sugudo wimo'nodumdonyumaiyo. Toro kuvi kuruv nuu Krais toollu kuudo kuubweyo tovi'aro Gooti toolluro sumdo tovi sugudo wimo'nodumdonyugono. Kuudo neya jaullulo. Yiuno Krais toolluno kuudo uubweyodowa'jure tovida'ai to'no nevu Gooti toolluro sumdo tovi sugudo wimo'nodowadonogano.